Feykir - 25.08.2021, Side 4

Nú líður að þingkosningum og kjördagur
nálgast. Við kjósendur þurfum að skoða og meta
hverja skal kjósa úr þeim fjölda framboða sem í
boði eru. Stefnumálin virðast svipuð hjá
mörgum flokk-
anna, þótt ekki sé
samhljómur um
alla hluti.

Ég tilheyri þeim
ört stækkandi
hópi eldra fólks
sem eru ýmist
kallaðir eldri
borgarar,
lífeyrisþegar eða
jafnvel bótaþegar.
Mér hugnast ekki
þessi miðamerk-
ing, við erum
eldra fólk.
Við viljum hafa áhrif á eigið líf og framtíð og
teljum okkur hafa margt fram að færa.
Á landsfundi LEB í maí síðastliðnum voru
samþykkt eftirfarandi fimm áhersluatriði eldra
fólks vegna alþingiskosninga 2021:
1. Eldra fólk fái að vinna eins og það vill
Frítekjumörk vegna lífeyris frá lífeyrissjóðum
verði 100.000 kr. Eftirlaunafólk fái að vinna eins
og því sýnist án skerðinga í almannatrygg-
ingakerfinu og njóti afraksturs vinnu sinnar eins
og aðrir. Lágmarkslífeyrir verði aldrei lægri en
umsamin lágmarkslaun á almennum vinnu-
markaði. Ellilífeyrir og frítekjumörk hækki ár-
lega samkvæmt launavísitölu Hagstofu Íslands.
2. Starfslok miðist við færni en ekki aldur
Það er réttlætismál að eldra fólk fái að miða
starfslok sín við áhuga, færni og getu en þurfi
ekki að hætta virkri þátttöku í atvinnulífinu
eingöngu vegna aldurs. Aldursmismunun er
bönnuð samkvæmt stjórnarskrá. Skorað er á
alþingismenn að fella úr allri lagasetningu
ákvæði um aldurstengdar viðmiðanir, en leggja
þess í stað áherslu á þekkingu, reynslu, hæfni og
menntun fólks óháð aldri.
3. Heilsugæslan verði
vagga öldrunarþjónustunnar
Til að eftirlaunafólk geti lifað heima hjá sér með
reisn, er lagt til að ríki og sveitarfélög stórauki
samvinnu sína með það að markmiði að
heilsugæslan verði vagga öldrunarþjónustunnar.
Öll fjárframlög taki mið af þessu. Heilsugæslan
nálgist eldra fólk fyrr á lífsleiðinni með
samhæfðri teymisvinnu lækna, hjúkrunar-
fræðinga og félagsþjónustu sveitarfélaga og
haldi því sambandi. Velferðartækni ætti að vera
mikilvægur þáttur í öryggi í heimahúsum eldra
fólks. Þáttur aðstandenda verði metinn með
umönnunarálagi. Stofnun öldrunargeðdeildar
er forgangsmál
4. Millistig milli heimilis
og hjúkrunarheimilis
Ljóst er að búseta á eigin heimili hentar ekki
öllum, þó þeir þurfi ekki dvöl á hjúkrunarheim-
ili. Búsetuúrræði fyrir eldra fólk eru hins vegar
alltof fábreytt. Það vantar millistig milli búsetu á
eigin heimili og hjúkrunarheimili. Brýnt er að
finna fjölbreytt úrræði til að mæta þessari þörf.
Fjármunum Framkvæmdasjóðs aldraðra verði
einungis varið til byggingar stofnana fyrir
aldraða og til að mæta kostnaði við nauð-
synlegar breytingar og endurbætur á húsnæði
sem notað er til þjónustu við þá eins og kveðið
er á um í lögum. Millistig milli heimilis og
hjúkrunarheimilis
5. Ein lög í stað margra lagabálka
Um málefni sem varða eldra fólk sérstaklega
gilda of margir og of sundurleitir lagabálkar þar
á meðal almannatryggingalögin. Einfalda þarf
lagaumhverfið og gera það skilvirkara meðal
annars með því að skilja að lög um eldra fólk og
öryrkja. Tryggja þarf aðkomu eldri borgara að
þeirri endurskoðun.
Þessir áherslupunktar voru samþykkir á
landsfundi LEB síðastliðið vor.
Verið er að kynna þessa áherslupunkta m.a.
fyrir frambjóðendum flokkanna og við viljum
heyra frá þeim hvort þeir vilji vinna með okkur.
Það eru um 48.000 manns á eftirlaunaaldri á
Íslandi - og fer fjölgandi. Þetta er sá þjóðfélags-
hópur sem skilar sér hvað best á kjörstað við
hverjar kosningar.
Við viljum hafa áhrif og hafa aðkomu að
borðinu þar sem fjallað er um okkar kjör og
framtíð.
Ágætu frambjóðendur í alþingiskosningum
2021: Viljið þið vinna með okkur?
Ásgerður Pálsdóttir
formaður Félags eldri borgara í Húnaþingi
AÐSENT | Ásgerður Pálsdóttir skrifar
Opið bréf til frambjóðenda í kosningum
til Alþingis 25. september 2021
Ásgerður Pálsdóttir.
MYND AÐSEND
SÉRFRÆÐIKOMUR Í SEPTEMBER
2. og 3. sept. Orri Ingþórsson, kvensjúkdómalæknir
13. og 14. sept. Haraldur Hauksson, alm. /æðaskurðlæknir
28. og 29. sept. Sigurður Albertsson, alm. skurðlæknir
Tímapantanir í síma 432 4236
Í Hrútatungu er verið að reisa
nýtt tengivirki fyrir Landsnet
en það fór fór mjög illa í
óveðrinu sem gekk yfir í
desember 2019. Eftir því sem
fram kemur á Facebooksíðu
fyrirtækisins ganga fram-
kvæmdir mjög vel.
Jarðvinnuverktakinn Úlf-
staðir hefur þegar steypt botn-
plötu strenggryfjunnar og er
að hefjast handa við að slá upp
fyrir veggjum.
Gamla virkið er hefðbund-
ið útivirki sem tekið var í
notkun 1979 og er því orðið
ríflega 40 ára en hið nýja
verður yfirbyggt 132 kV gas-
einangrað tengivirki á sama
stað.
Tengivirkið í Hrútatungu
liggur nálægt botni Hrúta-
fjarðar við Hrútafjarðará og er
mikilvægur tengipunktur þar
sem Vesturlína (GL1) tengist
132 kV byggðalínuhringnum.
Áætlað er að virkið verði
spennusett haustið 2022. /PF
Nýtt tengivirki í Hrútatungu
Yfirbyggt og gaseinangrað
Séð yfir framkvæmdasvæði í Hrútatungu. MYND: LANDSNET
Háskólinn á Hólum hefur
nýlega lokið endurskoðun á
framtíðarsýn skólans og
mótað stefnu fyrir árin
2021-2025. Jafnframt hefur
verið farið í umfangsmiklar
greiningar á styrkleikum og
tækifærum í akademísku
starfi skólans í stofnunar-
úttekt á vegum gæðaráðs
íslenskra háskóla og greint
styrkleika og tækifæri í innra
skipulagi skólans með
aðstoð ráðgjafa á vegum
Inventus og Birki ráðgjafar.
Í framtíðarsýn Háskólans á
Hólum á að efla enn frekar
tengsl við atvinnulífið, skapa
sér stærri sess í alþjóðlegu
háskólaumhverfi og efla þátt-
töku í nýsköpun, ásamt því að
efla gæða- og þróunarstarf og
stuðning við mannauðsmál.
Til að framfylgja þessari
framtíðarsýn tekur gildi nýtt
skipurit skólans þann 1.
september næstkomandi, þar
sem bæði eru komin ný leið-
togastörf og skerping á störf-
um stjórnenda og í stoðþjón-
ustu.
„Endurskoðun skipurits
háskólans samhliða innri og
ytri rýni á þróun skólastarfsins
er mikilvægt skref til þess að
fylgja eftir metnaðarfullri
stefnu háskólans til næstu
ára,“ segir Erla Björk Örn-
ólfsdóttir, rektor: „Háskólinn
á Hólum er sérhæfður öflugur
háskóli sem ætlar sér enn
ríkara hlutverk á fræðasviðum
sínum á næstu misserum.“
Fjórum úr starfsliði skól-
ans var sagt upp í síðustu viku
þar sem störf þeirra hafa verið
lögð niður. Erla segir það
tengjast endurskoðun á skipu-
riti sem felur í sér breytingar á
störfum, starfslýsingu manna,
nýjum starfsheitum og nýrri
ábyrgð.
„Þetta snertir marga og er
kannski fyrsta skrefið í þeirri
vegferð að mæta stefnu skól-
ans til næstu fimm ára,“ segir
Erla. „Það verða til ný störf
sem eru ótengd þessum
störfum og það verða til störf
sem tengjast þeim sem voru
lögð niður en eru með allt
aðrar hæfni- og ábyrgðar-
kröfur. Svo var skipuritið
endurskoðað og þar fengu
einhverjir breyttar starfslýs-
ingar og breytta ábyrgð. /PF
Ný framtíðarsýn Háskólans á Hólum
Breytt skipurit tekur
gildi 1. september
4 32/2021