Feykir - 08.09.2021, Page 5

ÍÞRÓTTAFRÉTTIR F
Áður hefur Feykir greint frá
því að hin bandaríska
Maddie Cannon muni spila
með kvennaliði Tindastóls í
körfubolta í vetur og nú
hefur Ksenja Hribljan frá
Slóveníu bæst í hópinn.
Fjórar stúlkur yfirgáfu lið
Tindastóls í sumar og gengu
til liðs við Þór Akureyri, þrjár
stúlknanna hafa verið fasta-
menn í byrjunarliði Tindastóls
síðustu tvö tímabil og munar
því um minna og nokkuð ljóst
að styrkja þurfti liðið fyrir átök
vetrarins.
Ksenja á leiki fyrir U18 lið
Slóveníu en hún er bakvörður,
168 sm á hæð og tvítug. Hún
kemur frá liði Maribor þar sem
hún hefur spilað síðan árið
2017. Hún og Maddie skrif-
uðu undir árssamning við lið
Tindastóls í dag og þá setti
fyrirliði Tindastóls, Telma Ösp
Einarsdóttir, einnig sitt nafn á
samning. /ÓAB
Körfuknattleiksdeild Tindastóls
Ksenja Hribljan til liðs
við Tindastól í körfunni
Ksenja og Maddie ásamt Jan Bezica þjálfara Tindastóls. MYND: TINDASTÓLL.IS
Körfubolti | VÍS bikarinn
Stólastúlkur úr leik
Fyrsti leikur Tindastóls á
nýju körfuboltatímabili fór
fram sl. mánudagskvöld en
þá fóru Stólastúlkur suður í
Garðabæ og spiluðu við lið
Stjörnunnar í VÍS bikarnum.
Ekki fóru stelpurnar okkar
ferð til fjár því heimastúlkur
reyndust talsvert öflugri í
kvöld og lauk leiknum með
68-43 sigri heimastúlkna.
Það var ekki að hjálpa liði
Tindastóls að Maddie Cannon
er enn ekki komin með leik-
heimild en þar fyrir utan hefur
lið Stólastúlkna tekið miklum
breytingum frá því í vor. Ksenja
Hribljan, Inga Sólveig og Eva
Rún skiluðu flestum mínútum
en hittnin var ekki upp á það
besta, liðið skoraði aðeins
þrettán körfur í opnum leik
(24% nýting) en þær settu niður
14 vítaskot í 20 tilraunum.
Lið Stjörnunnar náði strax
yfirhöndinni í leiknum og leiddi
16-6 að loknum fyrsta leikhluta.
Stólastúlkur byrjuðu annan
leikhluta ágætlega, söxuðu á
forskot heimastúlkna og Hera
Sigrún minnkaði muninn í 19-16
eftir rúmar þrjár mínútur en þá
tók Stjarnan yfir á ný og gerðu
tíu stig í röð. Staðan í hálfleik
var 31-18. Í síðari hálfleik hélt
lið Garðbæinga áfram að auka
forystuna og þær fögnuðu að
lokum 25 stiga sigri og sæti í
næstu umferð keppninnar.
Stigahæst í liði Tindastóls
var Ksenja með 15 stig en hún
tók fimm fráköst og átti átta
stoðsendingar auk þess að
fiska sjö villur. Ingibjörg Fjóla
var síðan með átta stig og aðrir
leikmenn minna. Inga Sólveig
hirti níu fráköst og þar af fjögur
sóknarfráköst.
Þessi bikarkeppni ku vera
keppni síðasta tímabils sam-
kvæmt heimildum Feykis
og verður kláruð í hvelli,
úrslitaleikurinn settur á 18.
september. Deildarkeppnin
hefst um næstu mánaðamót og
hefur lið Tindastóls leik gegn
sameiginlegu liði Hamars/Þórs
syðra 2. október kl. 18:00.
Strákarnir áfram
Í karlaflokki mættust lið Tinda-
stóls og Álftaness í Síkinu í
gærkvöldi. Stólarnir tóku strax
völdin og voru yfir, 57-29 í
hléi. Leikar voru jafnari í síðari
hálfleik og fór svo að heima-
menn unnu 30 stiga sigur, 100-
70.
Taiwo Badmus var stiga-
hæstur með 26 stig og Javon
Bess gerði 20. Thomas hinn
sænski var með 11 stoðsend-
ingar en Siggi Þorsteins hirti
níu fráköst. Á sunnudag kemur
lið Keflavíkur í Síkið en þeir
rótburstuðu Hött í gær. /ÓAB
Fjögurra liða úrslit 4. deildar karla
Kormákur/Hvöt í 3. deild!
Fyrri umferð í undanúrslitum 4.
deildar karla í knattspyrnu fór
fram nú sl. föstudagskvöld.
Eftir að hafa lagt lið Álftaness
að velli í átta liða úrslitum fengu
liðsmenn Kormáks Hvatar það
verkefni að mæta Hvergerð-
ingum í Hamri. Leikið var í
Hveragerði og endaði leikurinn
1-1 eftir að heimamenn jöfnuðu
í uppbótartíma.

Heimamenn voru meira með
boltann í byrjun en Hilmar
Kárason kom Húnvetningum
yfir á 20. mínútu eftir góðan
undirbúning Akil og George.
Heimamenn reyndu hvað þeir
gátu að jafna metin en höfðu
ekki erindi sem erfiði. Rétt fyrir
hlé fengu gestirnir tækifæri til
að bæta stöðu sína þegar
vítaspyrna var dæmd eftir brot á
Akil en George brást bogalistin
á punktinum og markvörður
Hamars sá við honum.
Pepsi Max deild kvenna í knattspyrnu | Selfoss – Tindastóll 1–3
Rokk og ról í sigurleik á Selfossi
Tap gegn liði Keflavíkur í síðasta heimaleik Stóla-
stúlkna í botnbaráttu Pepsi Max deildarinnar var
mikið kjaftshögg og ekki verðskuldað. Tapið
þýddi að ekkert annað en sigur í síðustu tveimur
leikjum liðsins gæfi liðinu séns á að halda sæti
sínu í deild hinna bestu og ekki víst að það dugi
þegar upp er staðið. Stólastúlkur kláruðu fyrri
leikinn sl. sunnudag með frábærum og sann-
gjörnum sigri á sterku liði Selfoss. Lokatölur 1-3.
Lið Tindastóls hafði vindinn í bakið í fyrri
hálfleik og náði fljótlega stjórn á leiknum. Laura
Rus gerði eina mark fyrri hálfleiks á 24. mínútu
eftir stutta hornspyrnu og sendingu frá Laufeyju.
Stuttu síðar fékk Jackie boltann í góðu færi en
markvörður Selfoss varði. Staðan 0-1 í hálfleik.
Heimastúlkur færðu sig framar í síðari
hálfleik en vörn Tindastóls vann vel saman og
Amber var vel vakandi í markinu. Lið Tindastóls
náði skyndisókn á 82. mínútu þegar Murr fékk
langa sendingu, tók vel við boltanum og náði
eitraðri sendingu inn fyrir vörn Selfoss á Aldísi
Maríu sem var á auðum sjó. Hún kláraði færið af
öryggi og staðan 0-2. Heimastúlkur minnkuðu
muninn á 85. mínútu Nadín okkar kom fæti í
boltann en sneiddi hann í eigið mark. Það var
komið á níundu mínútu uppbótartíma þegar
Murr og Aldís María endurtóku leikinn frá á 82.
mínútu og Aldís gerði annað mark sitt í leiknum
og tryggði sigur Tindastóls.
Þetta var sigur liðsheildarinnar. Stólastúlkur
komu ákveðnar og yfirvegaðar til leiks, pressuðu
heimastúlkur af krafti og áttu einn sinn besta leik
í sumar með bakið upp að vegg. Sigurinn þýðir
að enn er veik von um að halda sætinu í deildinni.
Síðasta umferðin er nú um helgina og á sunnu-
dag mætir Stjarnan í heimsókn á Krókinn. Leik-
urinn hefst kl. 14. Fjölmennum á völlinn og hvetj-
um stelpurnar áfram – þær eiga það skilið. /ÓAB
Sigurreift lið Kormáks/Hvatar að leik loknum í gærkvöldi. MYND: LEE ANN
Aldís María gerði tvö mörk gegn liði Selfoss. MYND: ÓAB
Staða Tindastóls er því miður afar erfið í neðsta
sæti 3. deildar og þrátt fyrir að eitt stig hafi bæst í
stigasafnið á laugardag þegar liðið heimsótti Víði
þá eru mestar líkur á því að það dugi skammt.
Það var Raul Sanjuan Jorda sem gerði mark
Tindastóls á 65. mínútu. Það tók heimamenn
aðeins fimm mínútur að jafna metin en markið
gerði Jóhann Þór Arnarson. Fleiri urðu mörkin
ekki – lokatölur 1-1. Á laugardag kemur lið Ein-
herja á Krókinn og þá dugar ekkert annað en sigur
en Vopnfirðingar berjast fyrir sæti í deildinn-
ásamt liði Tindastóls og KH. Allir á völlinn! /ÓAB
3. deild karla í knattspyrnu
Stólarnir í gjörgæslu á botninum
Húrra!
Í gærkvöldi mættust liðin öðru
sinni og nú á Blönduósi. Hart
var barist í leiknum en eina
markið gerði Akil DeFreitas á
56. mínútu með bylmingsskoti
og tryggði þar með liði Hún-
vetninga sæti í 3. deild að ári.
Úrslitaleikur um sigur í 4.
deild fer fram nk. laugardag. Til
hamingju Kormákur/Hvöt! /ÓAB
Það hitnaði enn í kolunum í
síðari hálfleik en heimamenn
voru talsvert að ergja sig á dóm-
ara leiksins og fannst gestirnir
taka því full rólega. Leikmenn
Kormáks/Hvatar voru sömu-
leiðis ósáttir við yfirvaldið og
fannst tvívegis sem þeir hefðu
verið rændir vítaspyrnum. Jöfn-
unarmarkið gerði Aðalgeir
Friðriksson á fjórðu mínútu
uppbótartíma.
34/2021 5