Morgunblaðið - 13.06.2022, Page 32

STILLANLEG
HJÓNARÚM
MEÐ BODYPRINT DÝNU
WWW.SVEFNOGHEILSA.IS
Svefn heilsa&
PANDORA
STILLANLEGUR
HÆGINDASTÓLL
VANDAÐAR
SÆNGUROG
KODDAR Í
ÚRVALI
EITT MESTA
ÚRVAL AF
HEILSUDÝNUM
Á LANDINU
ÚRVALAF
VÖNDUÐUM
HEILSURÚMUM
GERIÐ GÆÐA- OG
VERÐSAMANBURÐ
Tónleikarnir Persian
Path verða haldnir í
Gamla bíói 16. júní og
eru þeir á dagskrá
Listahátíðar í Reykja-
vík. Á þeim koma fram
fimm íranskir tónlist-
armenn og tveir ís-
lenskir og er efnisskrá
tónleikanna fengin af
samnefndri plötu Ás-
geirs Ásgeirssonar og
Hamid Khansari þar sem íslensk og írönsk þjóðlög
mætast í nýjum útsetningum. „Austræn hljóðfæri, tón-
mál, taktar og sköpun fléttast saman við ramm-
íslenskar laglínur og blæbrigðaríkan söng Sigríðar
Thorlacius. Frá Teheran kemur hópur af leiftrandi hæfi-
leikaríku tónlistarfólki en auk Hamid Khansari verða á
sviðinu þau Sara Rezazadeh, Hooman Roomi, Bahar
Modiri og Aryan Rezaee,“ segir á vefnum tix.is þar sem
miðasala fer fram.
Írönsk og íslensk tónlist tvinnast
saman á tónleikum í Gamla bíói
MÁNUDAGUR 13. JÚNÍ 164. DAGUR ÁRSINS 2022
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 776 kr.
Áskrift 8.383 kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Strákarnir í íslenska 21-árs landsliðinu í knattspyrnu
áttu magnaðan endasprett í undankeppni Evrópumóts-
ins þar sem þeir skoruðu sautján mörk gegn einu í
þremur síðustu leikjunum. Þeir komust í fyrrakvöld í
umspil um sæti í lokakeppni EM með því að vinna stór-
sigur á Kýpur, 5:0, og 21. júní fá þeir að vita hverjir
verða andstæðingar þeirra í umspilinu í haust. »27
Magnaður endasprettur strákanna
ÍÞRÓTTIR MENNING
Steinþór Guðbjartsson
steinthor@mbl.is
Myndlistarmaðurinn Sigurður Sæv-
ar Magnúsarson verður með opið
hús í nýrri vinnustofu sinni og sýn-
ingarsal á Barónsstíg 11a&b, þar
sem áður var veitingastaðurinn
Argentína steikhús, klukkan 17 til
19 á fimmtudag. „Húsnæðið er full-
komið fyrir starfsemi sem þessa,
enda er þetta einn flottasti sýning-
arsalur borgarinnar,“ staðhæfir
hann.
Systir Sigurðar Sævars gaf hon-
um málningu, striga og pensla í 10
ára afmælisgjöf og daginn eftir af-
mælið ákvað hann að verða mynd-
listarmaður, en hann verður 25 ára
í haust. Hann hélt sína fyrstu
einkasýningu 13 ára gamall og hef-
ur haldið um 20 sýningar á ferl-
inum, síðast 2017. Undanfarin þrjú
ár hefur hann verið í námi í Kon-
unglegu listaakademíunni í Haag í
Hollandi og gerir ráð fyrir að út-
skrifast að ári. „Eftir að ég byrjaði í
náminu hefur verið biðlisti eftir
verkum mínum og ég á því ekki
stóran lager en fer að byggja hann
upp á ný til að nýta veggina í nýja
salnum.“
Möguleikar
Til þessa hefur Sigurður Sævar
verið með vinnurými á Háaleitis-
braut. „Það var kominn tími á
stærri vinnustofu fyrir löngu,“ segir
hann og bætir við að hann hafi ekki
þurft að hugsa sig lengi um, þegar
hann sá húsnæðið við Barónsstíg
auglýst. „Ég gjörsamlega heillaðist
af rýminu í þessu sögufræga húsi.
Það heltók hug minn og ég hugsaði
með mér að þetta væri kjörinn stað-
ur sem framtíðarvinnustofa.“
Á námsárunum hefur Sigurður
Sævar komið til Íslands á sumrin
og málað. ,,Ég geri ráð fyrir að
leigja húsið út í haust, þegar ég
held aftur út í heim, og svo kemur í
ljós hvenær ég sný heim á ný.“
Hann leggur enda áherslu á að
hann hafi keypt húsnæðið með
framtíðina fyrst og fremst í huga.
„Ég sé mig fyrir mér í vinnustof-
unni þegar ég verð aðeins eldri og
gráu hárin verða aðeins fleiri. Þá
fer vel um mig í þessu stóra rými,
sem er í algjörum sérflokki fyrir
myndlistarmann.“
Hátt er til lofts og vítt til veggja.
Listamaðurinn viðurkennir að rým-
ið sé í stærra lagi fyrir einn mann,
enda hugsi hann sér að deila því
með öðrum. „Ég ætla ekki að vera
svo eigingjarn að vera einn í húsinu,
heldur hef ég áhuga á því að bjóða
öðrum listamönnum að koma og
vera með sýningar og jafnvel vinnu-
stofur. Þá er ég bæði að hugsa um
íslenska listamenn og ekki síður er-
lenda listamenn sem ég hef kynnst
síðustu ár á meginlandi Evrópu. Ég
sé fyrir mér að þetta verði einhvers
konar menningarmiðstöð.“
Námið í Hollandi er fjölbreytt og
áhrifin sjást í verkum Sigurðar
Sævars frá nýliðnum árum. „Þetta
eru tilraunir í stílum og stefnum á
öllum vígstöðvum. Á opna húsinu
verða verk sem ég hef unnið í Hol-
landi og hér heima undanfarin tvö
ár, fígúratíf verk, þar sem ég leik
mér með samhengi hlutanna í arki-
tektúr og mannlífinu sjálfu.“
Sér fyrir sér menningar-
miðstöð í nýrri stofu og sal
- Myndlistarmaðurinn Sigurður Sævar á sér stóra drauma
Morgunblaðið/Eggert
Stórt rými Vítt er til veggja og hátt til lofts í húsnæðinu á Barónsstíg.
Opið hús Sigurður Sævar Magnúsarson er að koma verkum sínum fyrir.