Morgunblaðið - 20.07.2022, Blaðsíða 6

6 FRÉTTIR
Innlent
MORGUNBLAÐIÐ MIÐVIKUDAGUR 20. JÚLÍ 2022
20árGottverðfyriralla í
2002–2022
Alvöru þakrennur
sem endast!
Frábært
verð!
Flestum rannsóknaraðgerðum er
lokið er snúa að meintu manndrápi
í Barðavogi. Fyrst og fremst er beð-
ið eftir gögnum, meðal annars er
snúa að sakhæfi hins grunaða.
Þetta staðfestir Eiríkur Valberg
hjá miðlægri rannsóknardeild lög-
reglunnar á höfuðborgarsvæðinu í
samtali við mbl.is.
Gæsluvarðhald yfir manninum
rennur út eftir tíu daga, hinn 29.
júlí, en líklegt er að óskað verði eft-
ir framlengingu á því. Miðað er við
að rannsóknir af þessu tagi taki allt
að tólf vikur en rúmar sex vikur eru
frá atburðinum.
„Það er svolítið eftir, en flestum
rannsóknaraðgerðum er lokið. Við
erum fyrst og fremst að bíða eftir
gögnum,“ segir Eiríkur.
Rannsókn að ljúka
á manndrápsmáli
Guðni Einarsson
gudni@mbl.is
Úrskurðarnefnd í vátrygginga-
málum berast hundruð mála á
hverju ári. Frá 2009 til og með 2021
úrskurðaði nefndin í 5.671 máli eða
436 málum á ári að meðaltali.
Á lista, sem birtur er á heimasíðu
úrskurðarnefndarinnar, sést að nið-
urstöðu er breytt, málskotsaðila í vil,
í minni hluta tilvika. Á árunum 2009-
2019 var hlutfall slíkra breytinga frá
21% tilvika 2013 upp í 33% tilvika
2018.
Lögreglumaður í átökum
Samantekt úrskurða frá 2021 sýn-
ir vel hve fjölbreyttum málum er vís-
að til úrskurðarnefndarinnar. Mál
nr. 462/2021 fjallar um kröfu rann-
sóknarlögreglumanns sem slasaðist
þegar hann var að handtaka ein-
stakling sem lét ófriðlega.
Lögreglumaðurinn slasaðist á
fæti og olnboga í átökunum. Hann
var með almenna slysatryggingu og
krafðist bóta. Tryggingafélagið
hafnaði kröfunni vegna þess að
meiðslin urðu í handalögmálum sem
eru sérstaklega undanskilin sam-
kvæmt skilmálum tryggingarinnar.
Þessu var mótmælt enda var lög-
reglumaðurinn að sinna starfi því
sem slysatryggingin náði til og slík-
ar handtökur hluti af starfinu. Ekki
hafi verið um handalögmál að ræða í
skilningi ákvæðisins.
Nefndin taldi að skilmálar trygg-
ingarinnar gerðu ekki greinarmun á
því hvernig handalögmálin voru til-
komin. Lögreglumaðurinn ætti því
ekki rétt á bótum úr slysatrygging-
unni.
Slasaðist er strætó bremsaði
Strætisvagni á leið 2 var nauð-
hemlað þegar bíll fyrir framan hann
snarstoppaði. Kona sem var farþegi í
vagninum skaust til í sætinu og
skallaði með andlitið og höfuð í sæt-
in. Við höggið eyðilögðust gleraugu
hennar. Hún fór samdægurs á
Læknavaktina og fékk vottorð um
áverka sem hún varð fyrir.
Konan taldi atvikið vera bótaskylt
úr ábyrgðartryggingu vagnsins en
tryggingafélagið sagði með öllu
ósannað að slysið hefði valdið kon-
unni varanlegum afleiðingum.
Til var myndbandsupptaka sem
sýndi atvikið þegar strætisvagninn
snarhemlaði og konan kastaðist í
sætið fyrir framan. Þá lá fyrir lækn-
isvottorð um áverka hennar. Þótt
ekki lægju fyrir upplýsingar um um-
fang líkamstjóns konunar þótti talið
sannað að hún hafi orðið fyrir ein-
hverju slíku tjóni við atvikið. Því
væri tjón hennar bótaskylt úr
ábyrgðartryggingu strætisvagnsins.
Úrskurðarnefndin komst að þeirri
niðurstöðu að líkamstjón konunnar
væri bótaskylt úr ábyrgðartrygg-
ingu strætisvagnsins.
Úrskurða í hundruðum
vátryggingamála á hverju ári
- Allt að þriðjungi niðurstaðna vísaðra vátryggingamála hefur verið breytt
Morgunblaðið/Eggert
Óhapp Fólk fer fram á bætur frá vátryggingafélögum vegna ýmiss konar óhappa og tjóna sem það verður fyrir. Sé
kröfu um bætur hafnað, er hægt að skjóta málinu til úrskurðarnefndar innan eins árs frá því að kröfu var hafnað.
Tveimur tónlistaratriðum hefur
verið bætt við tónleikana Rokk í
Reykjavík, sem haldnir verða 17.
september næstkomandi. Tónleik-
arnir hafa verið harðlega gagn-
rýndir fyrir skakkt kynjahlutfall
tónlistarmanna, karlmönnum í vil,
á samfélagsmiðlinum Twitter.
Björgvin Þór Rúnarsson, eig-
andi Nordic Live Event, sem held-
ur tónleikana, segir í samtali við
mbl.is að staðið hafi til að kynna
leynigest tónleikanna, Röggu
Gísla, eftir að miðasala hæfist, þar
sem hún væri eina tónlistarkonan.
Nú er þó ljóst að hún verður ekki
eina tónlistarkonan á tónleik-
unum, þar sem hljómsveitunum
Vicky og SÐSKPR hefur verið
bætt við til að bæta kynjahlut-
fallið.
Björgvin benti á uppfærslu á
síðu Vicky í dag, þar sem sveitin
gagnrýnir umræðuna og segir að-
gerðir mikilvægari: „Það er auð-
veldara að breyta heiminum þegar
við erum öll í sama liði og okkar
framlag í þetta skiptið er sýnileik-
inn sem kallað er eftir.“
Þá segir Björgvin það því miður
staðreynd að tónlistarsenan kring-
um rokktónlist hér á landi standi
að stórum hluta saman af karlkyns
tónlistarmönnum og hljómsveitum,
en hann vill snúa umræðunni að
því að fagna þessum tónleikum,
sem halda uppi rokki hér á landi.
Bæta við atriðum
vegna gagnrýni
Hjólreiðamaður var að hjóla í Elliðaárdalnum. Þar hljóp kan-
ína fyrir hjólið, þannig að hann missti stjórn á hjólinu og
lenti á tré. Hjólreiðamaðurinn slasaðist alvarlega, missti
meðvitund og var fluttur á slysadeild.
Hann krafðist bóta úr ábyrgðartryggingu trygginga-
félags, þar eð eigandi hjólastígsins bæri ábyrgð á að
tryggja öryggi þeirra sem ættu leið um hann. Afar
slæm lýsing hafi m.a. verið á slysstaðnum. Með betri lýsingu hefði verið
hægt að sjá kanínuna sem hljóp í veg fyrir hjólið. Auk þess hefði lengi ver-
ið vitað af kanínufaraldri á svæðinu án þess að nokkuð væri gert í því fyrr
en eftir slysið.
Tryggingafélagið taldi ekkert benda til þess að slysið mætti rekja til
háttsemi starfsmanna þess sem á hjólastíginn. Það taldi einnig ósannað
að kanína hefði hlaupið í veg fyrir hjólreiðamanninn. Nefndin úrskurðaði
að hjólreiðamaðurinn ætti ekki rétt á bótum úr tryggingunum.
Kanínu kennt um reiðhjólaslys
ENGAR BÆTUR
Varúð: Kanínur!
Ítalski hjólreiðakappinn Andrea
Devicenzi er rétt hálfnaður með
hringinn í kring um landið. Í gær
snæddi hann morgunverð á Sval-
barða í Suður-Þingeyjarsýslu áður
en hann lagði af stað til Þverár.
Devicenzi missti annan fótinn í
mótorhjólaslysi þegar hann var 17
ára gamall en hefur ekki látið það
stoppa sig og hjólað víða um heim.
Hann lagði af stað frá Reykjavík
hinn 10. júlí ásamt þeim Simone Pin-
zolo fararstjóra og Andrea Baglio
ljósmyndara sem tekur upp
heimildakvikmynd um ferðina.
Félagarnir hafa eingöngu gist í
tjaldi, en Simone segir veðrið hafa
leikið þá grátt í ferðinni. Hann segir
rok og rigningu vera helstu þolraun
sem Andrea hafi mætt í hjólreiðun-
um. „Að kynnast fólkinu hérna er
það sem gerir þessa ferð svo sér-
staka, en við höfum bara einu sinni
lent í leiðinlegu tilviki og var það
þegar bóndi neitaði okkur að tjalda í
náttúrunni og var hann frekar dóna-
legur í þokkabót.“
Simone gerir ráð fyrir því að
ferðahópurinn komi til Reykjavíkur
hinn 30. júlí.
Ljósmynd/Andrea Baglio
Hringferð Ítalski hjólreiðamaðurinn Andrea Devicenzi á leið um Ísland.
Hringurinn hálfnaður
- Rok og rigning hafa verið helstu
farartálmar ítalsks hjólreiðakappa