Morgunblaðið - 05.07.2022, Page 4

4 FRÉTTIR
Innlent
MORGUNBLAÐIÐ ÞRIÐJUDAGUR 5. JÚLÍ 2022
LANDSMÓT
HESTAMANNA
Þóra Birna Ingvarsdóttir
thorab@mbl.is
Annar dagur Landsmóts hesta-
manna fór fram í gær. Hófadynur
hljómaði um Hellu í blíðskaparveðri,
en mótið fer fram á Gaddstaðaflötum
og stendur yfir dagana 3. til 10. júlí.
Mótssvæðið er hið glæsilegasta og
svæðið er tekið að fyllast af fólki,
matarvögnum og sölubásum, þrátt
fyrir að mótið sé aðeins nýbyrjað.
Heilluðust af íslenska hestinum
Von er á átta til tíu þúsund gestum
í heildina, þar á meðal fjölmörgum
erlendum ferðamönnum, en blaða-
maður Morgunblaðsins ræddi við
þýsk hjón sem skipulögðu þriggja
mánaða ferðalag til Íslands með það
fyrir augum að ná Landsmóti. „Við
erum mætt til að sjá flotta hesta og
blanda geði við gott fólk.“ Maðurinn
heitir Hoast og konan Martina. Þau
eiga sjálf fimmtán íslensk hross
heima í Þýskalandi. Martina heill-
aðist af lundarfari og sérvisku ís-
lenska hestsins en Hoast heldur
verulega upp á skeið og tölt, gang-
tegundir sem íslenski hesturinn er
frægur fyrir.
„Við erum að rækta og erum
spennt fyrir því að bæta við okkur
góðu ræktunarhrossi. Við höfum því
mestan áhuga á að horfa á kynbóta-
sýningarnar en svo er alltaf
skemmtilegt að sjá töltið og skeiðið.“
Ljóst hverjir komast í milliriðil
Á Gaddstaðaflötum eru tveir vellir
og mön skilur þá að. Á öðrum fara
fram kynbótasýningar, en á hinum
fer fram keppnin sjálf. Í gær hófst
dagurinn á forkeppni meðal meistara
í B-flokki gæðinga. Eftir hana standa
þeir Árni Björn Pálsson og Ljósvaki
frá Valstrýtu efstir, með einkunnina
8,94. Jakob Svavar Sigurðsson fylgir
honum á eftir á hestinum Tuma frá
Jarðbrú með einkunnina 8,85.
Því næst fór fram forkeppni í ung-
mennaflokki. Signý Sól Snorradóttir
hlaut þar efstu einkunn á Kolbeini
frá Horni, með 8,76. Fast á eftir
henni fylgir Benedikt Ólafsson á
Biskupi frá Ólafshaga, með ein-
kunnina 8,75.
Þegar þetta er skrifað lágu ekki
fyrir niðurstöður í A-flokki gæðinga,
en forkeppni meistaraflokks fór fram
í gær og því orðið ljóst hvaða kepp-
endur komast í milliriðil.
Vænta 8 til 10 þúsund gesta
- Forkeppnum gæðingakeppna lauk í gær - Mannmergð og blíða í brekkunni - Þýsk hjón í kaup-
hugleiðingum spenntust að sjá tölt og skeið - Mjótt á munum í ungmennaflokki - Valstrýta efst
Morgunblaðið/ Hákon
Kynbótadómur Landsþekkti knapinn Árni Björn Pálsson sýndi hryssuna Anastasíu frá Svarfholti á kynbótavellinum í gær en hér sjást þau á harðastökki.
Morgunblaðið/Hákon
Brekkan Áhorfendur á Landsmóti létu fara vel um sig í grænni brekkunni
þar sem þeir fylgdust með sýningum dagsins meðan sólin yljaði þeim.
Morgunblaðið/Þóra Birna
Þjóðverjar Martina og Hoast eru mætt á Landsmót til þess að sjá flotta
hesta og kynnast góðu fólki, en þau eiga 15 íslensk hross í Þýskalandi.
Alls veiddist 36.461 lax á stöng hér
í fyrra samkvæmt gögnum sem
bárust til Hafrannsóknastofnunar.
Það var 8.663 (19,2%) löxum minni
veiði en 2020. Veiði jókst í ám á
Reykjanesi (13,3%), Vesturlandi
(7,4%) og Norðurlandi vestra
(1,7%) frá árinu áður, en minni
veiði var á Vestfjörðum, Norður-
landi eystra, Austfjörðum og Suð-
urlandi.
„Af veiddum löxum í stangveiði
þá var 19.589 (53,7%) sleppt og
heildarfjöldi landaðra laxa (afli)
var 16.872 (46,3%). Af stangveidd-
um löxum voru 28.705 (78,7%) lax-
ar með eins árs sjávardvöl (smá-
laxar) og 7.756 (21,3%) laxar með
tveggja ára sjávardvöl eða lengri
(stórlaxar). Alls var þyngd land-
aðra laxa (afli) í stangveiði 46.832
kg,“ segir í samantekt Hafrann-
sóknastofnunar.
Sumarið 2021 veiddust 4.574
laxar í net og var heildaraflinn
12.524 kg. Netaveiðin var mest
stunduð í stóru ánum á Suður-
landi, Ölfusá-Hvítá og Þjórsá líkt
og undanfarin ár. Þar veiddust
4.344 laxar í net og var aflinn
12.001 kg. Lítið var um netaveiði á
laxi í öðrum landshlutum.
Alls voru skráðir 43.389 urriðar
í stangveiði sumarið 2021. Hlutfall
urriða sem var sleppt var 33,1%
eða nær eins og árið 2020. Afli
urriða var 29.043 fiskar (66,9%)
sem vógu samtals 37.654 kg.
Alls voru skráðar 30.726 bleikj-
ur í stangveiði 2021. Hlutfall
bleikju sem var sleppt var 45,2%
sem var mun hærra hlutfall en ár-
ið áður (18,4%) og var fjöldi
bleikja í afla 16.832 (54,8%). Skráð
silungsveiði í net á landinu öllu var
5.002 urriðar og 25.059 bleikjur.
Aldrei fleiri hnúðlaxar
Skráðir voru samtals 339 hnúð-
laxar í stang- og netaveiði sumarið
2021 og hafa þeir aldrei verið
fleiri. Vitað er um fleiri hnúðlaxa
sem ekki voru skráðir í veiðibæk-
ur. gudni@mbl.is
Samdráttur var í
laxveiðinni 2021
- Mun meira sleppt af bleikju en áður
Heildarveiði í laxi og silungi 2021
Fjöldi veiddra laxa á stöng
Landað Sleppt Smálaxar Stórlaxar2020 2021
45.124 -18%
36.461
Heimild:
Haf og vatn
54%
46%
21%
79%
Landað Sleppt
Heildarfjöldi Fjöldi kg Fjöldi Hlutfall
Veiddir urriðar í stangveiði 43.389 29.043 37.654 14.346 33%
Veiddar bleikjur í stangveiði 30.726 16.832 13.894 45%
Silungsveiði í net: 5.002 urriðar og 25.059 bleikjur
Veiði í net var 4.574 laxar sumarið 2021 og var heildaraflinn 12.524 kg
Fjöldi veiddra silunga 2021
Morgunblaðið/Einar Falur
Laxveiðimenn Rennt fyrir lax.
Katrín Jakobs-
dóttir, forsætis-
ráðherra og for-
maður Vinstri
grænna, segist
hafa séð ýmsa
öldudali í sínu
hlutverki og það
sé ljóst að Vinstri
græn sé í slíkum
öldudal núna þeg-
ar kemur að fylgi.
Vinstri græn mældust með 7,2
prósenta fylgi í þjóðarpúlsi Gallup
en flokkurinn fékk 12,6 prósenta
kosningu í alþingiskosningunum í
haust. Hún bendir þó á að hún hafi
einnig mælst með heil 30 prósent í
skoðanakönnun en aldrei í kosn-
ingum. Þá hafi hún líka mælst með
5,3% árið 2013.
„Við erum auðvitað ekki í pólitík
til þess að horfa á skoðanakannanir
heldur ná árangri í okkar málum,“
segir Katrín. Þannig nálgist hún
verkefnið; út frá málefnum en ekki
könnunum.
„Það breytir því ekki að maður
vill auðvitað alltaf fá meira.“
„Það breytir því ekki
að maður vill auðvit-
að alltaf fá meira“
Katrín
Jakobsdóttir