Morgunblaðið - 05.07.2022, Side 27

ÍÞRÓTTIR 27
MORGUNBLAÐIÐ ÞRIÐJUDAGUR 5. JÚLÍ 2022
KNATTSPYRNA
1. deild karla, Lengjudeildin:
Selfoss: Selfoss – Vestri ............................ 18
Þórsvöllur: Þór – KV................................. 18
Kórinn: HK – Grindavík ...................... 19.15
Vogar: Þróttur V. – Fylkir................... 19.15
Varmá: Afturelding – Kórdrengir ...... 19.15
Seltjarnarnes: Grótta – Fjölnir........... 19.15
1. deild kvenna, Lengjudeildin:
Kópavogur: Augnablik – Víkingur R.. 19.15
Kaplakriki: FH – Haukar .................... 19.15
3. deild karla:
Höfn: Sindri – Vængir Júpíters ............... 18
Dalvík: Dalvík/Reynir – KFG .................. 18
Árbær: Elliði – Víðir............................. 19.15
Akraneshöll: Kári – ÍH ........................ 19.15
Blönduós: Korm./Hvöt – Augnablik ... 19.15
Týsvöllur: KFS – KH........................... 19.15
Í KVÖLD!
Opna EM U16 stúlkna
Leikið í Svíþjóð:
Noregur – Ísland .................................. 20:20
Portúgal – Ísland.................................. 19:16
E(;R&:=/D
EVRÓPUKEPPNI
Víðir Sigurðsson
vs@mbl.is
Íslands- og bikarmeistarar Víkings
fá í dag það erfiða verkefni að mæta
Svíþjóðarmeisturum Malmö á úti-
velli í fyrstu umferð Meistaradeild-
arinnar en þar glíma þeir við eitt
allrabesta lið Norðurlanda um þess-
ar mundir.
Malmö situr reyndar í fimmta
sæti sænsku úrvalsdeildarinnar eftir
óvænt tap gegn Sundsvall fyrir
helgina en eru aðeins fjórum stigum
á eftir toppliði Häcken. Malmö hefur
unnið sænsku deildina tvö und-
anfarin ár og hefur gríðarlega
reynslu af Evrópukeppni.
Í fyrra komst liðið í riðlakeppni
Meistaradeildarinnar og mætti þar
Juventus, Chelsea og Zenit Péturs-
borg. Þar fékk liðið reyndar aðeins
eitt stig, gegn Zenit, og skoraði eitt
mark, en tapaði m.a. 0:1 fyrir
Chelsea á heimavelli og 0:1 gegn Ju-
ventus í Tórínó.
Góðkunningi Víkinga og þeirra
liðsmaður og síðan þjálfari, Milos
Milojevic, þjálfar lið Malmö en hann
tók við því í vetur þegar hinn íslen-
skættaði Jon Dahl Tomasson hætti
eftir tvo meistaratitla í röð og tók
síðan við Blackburn á Englandi.
Malmö er eina félagið af Norð-
urlöndum sem hefur komist í úrslita-
leik um Evrópumeistaratitilinn. Lið-
ið beið lægri hlut fyrir
Englandsmeisturum Nottingham
Forest í úrslitaleik Evrópukeppni
meistaraliða vorið 1979.
Keflavík og Fram unnu Svía
Víkingar hafa aldrei áður mætt
sænsku liði í Evrópukeppni og
Malmö hefur aldrei áður mætt ís-
lensku liði. Af þeim ellefu skiptum
sem íslensk og sænsk lið hafa mæst
á Evrópumótum karla hafa þau ís-
lensku tvisvar náð að slá þau sænsku
úr keppni, í bæði skiptin á síðustu
öld.
Eins merkilegt og það er, þá slógu
Keflvíkingar lið Kalmar út haustið
1979, nokkrum mánuðum eftir að
Malmö komst í úrslitaleikinn áð-
urnefnda. Keflavík vann heimaleik-
inn 1:0 og fór áfram á útimarki eftir
2:1 tap í Kalmar.
Ellefu árum síðar unnu Framarar
frækinn sigur á Djurgården á Laug-
ardalsvellinum, 3:0, og gerðu síðan
jafntefli við Svíana í Stokkhólmi, 1:1.
Svíar hafa haft betur í hinum níu
viðureignum íslenskra og sænskra
liðan en nánast alltaf með litlum
mun. FH vann heimaleik sinn við
Elfsborg, 2:1, árið 2014, en tapaði
4:1 í Svíþjóð og í fimm skipti hafa
sænsku liðin haft betur á einu marki
samtals eftir jafntefli í öðrum leikj-
anna. FH gerði t.d. jafntefli, 1:1, við
AIK í Stokkhólmi 2012 og KR 1:1 við
Häcken í Gautaborg 2007. Þá gerðu
AIK og KR jafntefli í Stokkhólmi,
1:1, árið 1996. ÍA (1987) og Fylkir
(2003) féllu bæði út 0:1 samanlagt
gegn Kalmar og AIK eftir 0:0 jafn-
tefli á heimavelli.
Malmö verður ekki síðasti mót-
herji Víkings í Evrópukeppni í ár,
hvernig sem fer. Tapi Víkingar fara
þeir yfir í Sambandsdeildina en
halda að sjálfsögðu áfram í Meist-
aradeildinni, takist þeim hið óvænta
og felli Milos og hans menn úr
keppni í tveimur leikjum.
Hvað gera Víkingar í Malmö?
- Sænsk lið hafa alltaf lent í talsverðu
basli með íslensk í Evrópuleikjum
Morgunblaðið/Hákon
Svíþjóð Víkingar fagna sigrinum í forkeppni Meistaradeildarinnar. Í kvöld
glíma þeir við sænska meistaraliðið Malmö á útivelli í 1. umferðinni.
Englandsmeistarar Manchester
City komu að tveimur stórum fé-
lagaskiptum í enska fótboltanum í
gær.
Í gærmorgun var tilkynnt að Ars-
enal hefði gengið frá kaupum á
brasilíska framherjanum Gabriel
Jesús frá City fyrir 45 milljónir
punda.
Skömmu síðar opinberaði City að
kaupin á miðjumannninum Kalvin
Phillips, landsliðsmanni Englands,
frá Leeds væru frágengin. Hann
mun hafa kostað City um 50 millj-
ónir punda.
Jesús fór og
Phillips kom
AFP/Oli Scarff
City Kalvin Phillips er kominn til
meistaranna frá Leeds United.
Christian Eriksen, fyrirliði danska
landsliðsins í knattspyrnu, verður
að óbreyttu orðinn leikmaður Man-
chester United innan skamms.
Skýrt var frá því í gær að hann
hefði tekið tilboði United um
þriggja ára samning. Eriksen, sem
er þrítugur, er laus allra mála frá
Brentford sem hann samdi við til
skamms tíma í vetur eftir að hann
gat byrjað að spila á ný í kjölfar
hjartastoppsins sem hann varð fyr-
ir með Dönum á EM síðasta sumar.
Hann á eftir að gangast undir
læknisskoðun í Manchester.
Eriksen á leið á
Old Trafford
AFP/Georg Hochmuth
United Christian Eriksen á eftir að
fara í læknisskoðun hjá félaginu.
Kvennalandslið Íslands í fótbolta er
á lokastigi undirbúningsins fyrir
EM en nú eru aðeins fimm dagar í
leik Íslands og Belgíu sem fram fer
í Manchester á sunnudaginn kemur
klukkan 16 að íslenskum tíma.
Liðið hefur dvalið í Herzogen-
arauch, litlum bæ skammt frá
Nürnberg í norðanverðu Bæjara-
landi, frá því það mætti Pólverjum í
síðustu viku en á morgun fer liðið
þaðan til Englands.
Sama dag koma einnig Bjarni
Helgason, íþróttafréttamaður
Morgunblaðsins og mbl.is, og Egg-
ert Jóhannesson ljósmyndari til
Manchester og fylgja liðinu þar eft-
ir keppnina á enda.
Ljósmynd/KSÍ
Þýskaland Hallbera Guðný Gísladóttir fremst í flokki í upphitun fyrir æf-
ingu í Þýskalandi í gær. Hún er næstleikjahæst í íslenska liðinu.
Fimm dagar þar til
Ísland mætir Belgíu
Víðir Sigurðsson
vs@mbl.is
Kristján Viggó Sigfinnsson, há-
stökkvarinn efnilegi úr Ármanni,
náði sínum besta árangri utanhúss
um helgina þegar hann stökk 2,15
metra og sigraði á ungmenna-
mótinu Bauhaus Junioren-Gala í
Mannheim í Þýskalandi.
Kristján, sem er 19 ára, keppti
þar í flokki U20 ára. Hann átti áður
best utanhúss 2,13 metra sem hann
náði fyrir þremur árum.
Með þessu stökki jafnaði hann
þriðja besta árangur Íslendings í
greininni frá upphafi. Aðeins Einar
Karl Hjartarson, 2,25 metrar árið
2001, og Einar Kristjánsson, 2,16
metrar árið 1992, hafa stokkið
hærra utanhúss og Gunnlaugur
Grettisson stökk 2,15 metra árið
1988.
Kristján hefur hinsvegar best
farið yfir 2,20 metra innanhúss og
er þar næstbestur á eftir Einari
Karli sem stökk 2,28 metra árið
2001.
Eva María Baldursdóttir frá Sel-
fossi varð fimmta í hástökki stúlkna
á mótinu og stökk 1,76 metra.
Arndís Diljá Óskarsdóttir úr FH
varð sjötta í spjótkasti en hún kast-
aði 44,18 metra.
Þá náði Glódís Edda Þuríðar-
dóttir úr KFA sínum besta árangri
á árinu þegar hún hljóp 100 m
grindahlaup á 14,33 sekúndum og
Anthony Vilhjálmur Vilhjálmsson
úr Ármanni náði sínum besta ár-
angri þegar hann hljóp 100 metra á
11 sekúndum sléttum.
Kristján með besta
árangur utanhúss
Ljósmynd/Þórir Tryggvason
Hástökk Kristján Viggó Sigfinns-
son á besta árangur síðustu 20 árin.
_ Þýska knattspyrnustórveldið Bay-
ern München staðfesti í gær að samið
hefði verið við landsliðsmarkvörðinn
unga Cecilíu Rán Rúnarsdóttur til
fjögurra ára. Morgunblaðið skýrði frá
þessu í byrjun maí en Bayern hefur
ekki opinberað samninginn fyrr en nú.
Cecilía kom til Bayern í láni frá Ever-
ton um síðustu áramót.
_ Andri Fannar Baldursson, lands-
liðsmaður í knattspyrnu, er kominn til
æfinga hjá NEC Nijmegen í hollensku
úrvalsdeildinni. Staðarmiðillinn De
Gelderlander segir að aðeins sé eftir
að fá á hreint hvort NEC kaupi hann af
Bologna á Ítalíu eða fái hann lánaðan.
_ Tyrkneski netmiðillinn As Marca
sagði í gær að Gylfi Þór Sigurðsson
væri búinn að samþykkja tilboð tyrk-
neska félagsins Galatasaray, svo fram-
arlega sem hann losni úr farbanni á
Englandi í sumar.
_ Barcelona samdi í gær við tvo
samningslausa knattspyrnumenn,
Andreas Christensen miðvörð sem
kom frá Chelsea og Franck Kessie
miðjumann sem kom frá AC Milan.
_ Raquel Laneiro, landsliðskona í
körfuknattleik frá Portúgal, hefur
samið við Íslandsmeistara Njarðvíkur
um að leika með þeim á næsta keppn-
istímabili.
_ Julio de Assis, landsliðsmaður
Angóla í körfuknattleik, er kominn til
liðs við úrvalsdeildarlið Breiðabliks en
hann lék með Vestra í deildinni síðasta
vetur.
_ Sleggjukastarinn Hilmar Örn Jóns-
son verður fulltrúi Íslands á heims-
meistaramótinu í frjáls-
íþróttum sem fer fram
í Eugene í Oregonríki
í Bandaríkjunum 15.
til 24. júlí. Hilmar
keppir strax á
fyrsta degi
mótsins,
föstudeg-
inum 15.
júlí.
Hilmar
er í 35.
sæti
heimslistans á
þessu ári með
75,52 metra.
Eitt
ogannað