Austurglugginn - 27.05.2011, Blaðsíða 16

16 AUSTUR · GLUGGINN Föstudagur 27. maí
Evrópusamkeppni meðal reyklausra 7. og 8.
bekkja í skólum landsins er lokið í ár. Alls tóku
307 bekkir víðsvegar um landið þátt og bárust
óvenju mörg vel unnin lokaverkefni að sögn
Lýðheilsustöðvar. Forsvarsmenn samkeppninnar
lýstu yfir hrifningu sinni á þeim metnaði sem
krakkarnir sýndu um allt land. Keppnin var haldin
í tólfta sinn hér á Íslandi.
Markmið samkeppninnar
- Að hvetja nemendur til að vera „frjálsa – reyk-
lausa“ og byrja ekki að fikta við reykingar.
- Að hvetja þá sem eru byrjaðir að fikta til að
hætta áður en þeir verða háðir nikótíni.
- Að hvetja til umræðna um reykingar meðal
nemenda með það að leiðarljósi að þeir verði
alltaf „frjálsir – reyklausir“.
Samkeppnin
Samkeppnin gengur út á það að fá nemendurna til
að gera sér grein fyrir kostum þess að reykja ekki
– og ræða þá – og hvetja hvern annan til að halda
áfram þátttöku í samkeppninni og styðja við bakið
á þeim sem eru fallvaltir. Til að eiga möguleika
á fyrstu verðlaunum, þurftu bekkirnir að senda
inn áhugavert efni tengt tóbaksvörnum. Nánari
útfærsla var ekki skilgreind til að þrengja ekki hug-
myndir að verkefnum.
Við gerð fjölda verk-
efna var leitað út fyrir
skólastarfið og stuðlað
að samvinnu, miðlun
og öflun þekkingar um
skaðsemi tóbaksnotk-
unar. Þriggja manna
dómnefnd var skipuð
og eftir mikla yfirlegu
komst dómnefnd loks
að niðurstöðu.
Fengu fyrstu verðlaun
Eins og áður segir tóku 307 bekkir þátt í sam-
keppninni í ár. Forsvarsmenn keppninnar voru
yfir sig ánægðir með þau metnaðarfullu verk-
efni nemenda 7. og 8. bekkjar. Þrátt fyrir mörg
mjög góð verkefni þótti einn skóli standa fram
úr öðrum keppendum og það var Grunnskóli
Fáskrúðsfjarðar sem fékk í verðlaun ferð til
Danmerkur.

Þátttaka Grunnskóla
Fáskrúðsfjarðar
Miðvikudaginn 13. apríl héldu nemendurnir upp
á Reyklausa daginn á Fáskrúðsfirði.  Dagurinn var
haldinn að tilstuðlan og skipulagningu nemendanna.
Í tilefni dagsins fengu allir nemendur í Grunnskóla
Fáskrúðsfjarðar fræðslu um skaðsemi reykinga,
um fræðsluna sáu nemendurnir og Jóhanna S.
Kristjánsdóttir hjúkrunarfræðingur. 
Um kvöldið var svo haldin ráðstefna undir yfir-
skriftinni „Það er ekki töff að reykja“,  sem opin
var almenningi. Á ráðstefnunni var verkefnið
kynnt, nemendur miðluðu fróðleik um skaðsemi
reykinga og ýmislegt tengt reykingum.  Jóhanna
fræddi gesti um reykingar og kynnti m.a. nið-
urstöður úr könnunum á notkun ungmenna á
sígrettum og munntóbaki. Um 80 manns sóttu
ráðstefnuna.  Í lokin fluttu nemendur frumsamið
lag og afhentu fyrirtækjum og stofnunum hand-
gerð skilti með slagorðum gegn reykingum.
Samhliða verkefninu söfnuðu nemendur pen-
ingum, 77 þúsund krónum, sem þeir afhentu
Krabbameinsfélaginu til forvarnarstarfs.
Upphæðin mun nýtast við gerð nýrrar fræðslu-
myndar um reykingatengda lungnasjúkdóma, sem
Krabbameinsfélagið vinnur að ásamt Samtökum
lungnasjúklinga. Sagt var frá þessari gjöf á aðal-
fundi Krabbameinsfélags Íslands í maí og þetta
nefnt sem dæmi um skóla sem vinna vel að
tóbaksvörnum.
Nemendur hófu vinnu við að skipuleggja verk-
efnið í janúar og hafa ásamt umsjónarkennara
lagt mikla vinnu í það, enda varð útkoman þeim
til mikils sóma.
Grunnskóli Fáskrúðsfjarðar
skaraði fram úr
Frá afhendingu söfnunarfjárins. Ragnheiður Haraldsdóttir
forstjóri Krabbameinsfélags Íslands er lengst til hægri. Við hlið
hennar er Álfheiður Hjaltadóttir formaður Krabbameinsfélags
Austfjarða. Nemendurnir eru, frá hægri, Unnar Ari Hansson,
Rebekka Aradóttir og Sigurbjörg Sigurðardóttir.