Skessuhorn - 28.09.2022, Blaðsíða 23
MIÐVIKUDAGUR 28. SEPTEMBER 2022 23
ÍA tók á móti Sindra frá Horna-
firði í fyrsta heimaleik vetrarins
í 1. deild karla í körfuknattleik á
föstudagskvöldið og fór leikurinn
fram í íþróttahúsinu við Vestur-
götu. Leikurinn fór frekar rólega af
stað og var jafnræði með liðunum
nánast allan leikhlutann, staðan
jöfn 17:17 við lok fyrsta leikhluta.
Annar leikhluti var á svipuðum
nótum þar til gestirnir tóku góðan
sprett og leiddu með átta stigum í
hálfleik, 35:43.
Það breyttist lítið stigalega séð
í þriðja leikhluta þó Skagamenn
væru örlítið sterkari og staðan
55:61 þegar liðin fengu sér vatns-
sopa fyrir síðasta leikhlutann. Í
fjórða leikhlutanum náði Sindri
mest 13 stiga forystu um miðjan
leikhlutann og virtist vera að sigla
sigrinum í höfn. Skagamenn neit-
uðu þó að gefast upp, tóku nokkur
áhlaup en dugði þó ekki til þó þeir
hefðu náð að minnka muninn í þrjú
stig þegar þrjár sekúndur voru eftir.
Sindramenn fengu síðan tvö víti
vegna sóknarbrots sem þeir skor-
uðu úr og lokastaðan fimm stiga
sigur Sindra, 75:80.
Hjá ÍA var Gabriel Adersteg stiga-
hæstur með 21 stig og 14 fráköst,
Jalen David Dupree var með 15 stig
og Lucien Thomas Christofis með
12 stig. Stigahæstur hjá Sindra var
Oscar Jorgensen með 19 stig, Guill-
ermo Daza var með 17 stig og Ism-
ael Gonzalez með 14 stig.
Næsti leikur ÍA er gegn Þór
Akureyri næsta föstudag í Höllinni
fyrir norðan og hefst viðureignin
klukkan 19.15.
vaks
Síðasta fimmtudag var dregið í 16
liða úrslitum í VÍS bikarkeppni
karla og kvenna í körfuknattleik
og voru fjögur Vesturlandslið í
pottinum. Vesturlandsslagur verður
í bikarkeppni karla þar sem Snæfell
og Skallagrímur mætast og þá mæta
ÍA eða Selfoss Hetti eða Þór Þor-
lákshöfn. Þá mætir kvennalið Snæ-
fells liði Breiðabliks en þessi lið
mættust í undanúrslitum bikarsins
í vor. Leikirnir í 16-liða úrslitunum
fara fram í lok október og liðin sem
mætast eru:
16 liða úrslit VÍS
bikar karla
Þór Ak/Stjarnan - ÍR/Sindri
Grindavík – Ármann
Þróttur Vogum/Njarðvík – Tinda-
stóll/Haukar
Álftanes/Keflavík – Fjölnir
Valur/Breiðablik- Hrunamenn
ÍA/Selfoss – Höttur/Þór Þ.
Snæfell – Skallagrímur
KR/KRB – Hamar.
16 liða úrslit VÍS
bikar kvenna
Stjarnan – Þór Akureyri
ÍR – Ármann
Fjölnir – Valur
Aþena – Njarðvík
Snæfell – Breiðablik
KR – Grindavík
Keflavík – Tindastóll
Haukar – Þórshamar
vaks
Snæfell og KR mættust síðastliðið
miðvikudagskvöld í fyrstu umferð
1. deildar kvenna í körfuknattleik
og var leikurinn í Stykkishólmi.
Snæfellskonur voru án nýja banda-
ríska leikmannsins síns, Cheah
Rael-Whitsitt, sem var ekki komin
með leikheimild en hún ætti að ná
næsta leik ef allt gengur að óskum.
KR-ingar hafa bætt vel við leik-
mannahóp sinn og fengu meðal
annars framherjann Violet Morrow
sem kom til liðsins frá Aþenu.
Viðureignin fór vel af stað, liðin
skiptust á körfum í byrjun leiks og
leikurinn nokkuð hraður. KR-ingar
voru að tapa boltanum klaufalega
í sókninni en bættu það upp með
nokkrum þriggja stiga körfum.
Snæfellskonur náðu að opna vörn
gestanna ágætlega en voru ekki að
hitta nægilega vel. Staðan 23-28
fyrir KR eftir fyrsta leikhluta og
útlit fyrir spennandi leik. Í öðrum
leikhluta voru heimakonur miklu
betri, komust í góðan gír og undir
lok hans náðu þær 12-3 kafla undir
styrkri stjórn fyrirliðans Rebekku
Ránar Karlsdóttur, staðan vænleg í
hálfleik fyrir Snæfell, 50-41.
Í byrjun þriðja leikhluta gekk
liðunum illa að hitta og kom fyrsta
karfan utan af velli ekki fyrr en
þegar tæpar tvær mínútur voru eftir
af leikhlutanum. KR-ingar spiluðu
góða vörn og voru grimmar sem
skilaði þeim líflínu inn í leikinn,
staðan fyrir fjórða og síðasta leik-
hlutann, 59-58. Spennan hélt áfram
í fjórða leikhluta og skiptust liðin á
að ná forystunni nánast allan leik-
hlutann. Þegar níu sekúndur voru
eftir af leiknum kom Violet Mor-
row KR-ingum tveimur stigum yfir
og undir lok leiksins átti Rebekka
Rán skot úr þröngri stöðu en því
miður fór boltinn ekki ofan í körf-
una, lokastaðan naumur sigur KR,
76-78.
Stigahæstar í liði Snæfells voru
þær Rebekka Rán sem var með 25
stig, Preslava Koleva var með 24
stig og 9 fráköst og Ylenia Bonett
var ansi öflug með 16 stig, 7 frá-
köst, 12 stoðsendingar og 9 stolna
bolta. Í liði KR var nýliðinn Violet
Morrow afar spræk með 32 stig og
18 fráköst, Hulda Ósk Bergsteins-
dóttir var með 17 stig og Perla
Jóhannsdóttir með 11 stig og 9 frá-
köst.
Næsti leikur Snæfells er í kvöld,
miðvikudag, á móti Breiðablik B
í Smáranum í Kópavogi og hefst
klukkan 21.
vaks
ÍA og KH kepptu á laugardaginn
í síðustu umferðinni í úrslita-
keppni efri hluta 2. deildar kvenna
í knattspyrnu og vegna slæmrar
veður spár fór leikurinn fram í
Akraneshöllinni. Leikurinn var
varla hafinn þegar Skagakonur
voru komnar yfir í leiknum. Samira
Suleman fékk þá sendingu yfir vörn
KH, skaut að marki sem markvörð-
urinn varði en Samira náði síðan
að fylgja eftir og staðan 1-0 eftir
fimmtán sekúndna leik. Á tuttug-
ustu mínútu fékk ÍA hornspyrnu,
tóku hana stutt og Erla Karitas
Jóhannesdóttir sendi boltann fyrir
markið. Þar ætlaði leikmaður gest-
anna, Kolbrá Una Kristinsdóttir,
að hreinsa boltann frá en kiksaði,
boltinn fór í hina áttina og yfir
markmann KH. Staðan því orðin
2-0 fyrir ÍA og þannig var staðan
í hálfleik.
Skagakonur gáfu ekkert eftir í
seinni hálfleik og á 71. mínútu tók
Unnur Ýr Haraldsdóttir góðan
sprett upp vinstri kantinn, sendi
boltann fyrir og þar datt hann fyrir
fætur Völu Maríu Sturludóttur
sem setti hann í þverslána og inn.
Samira bætti síðan við sínu öðru
marki og fjórða marki ÍA þegar
hún stangaði fyrirgjöf Unnar Ýrar
í markið sex mínútum fyrir leiks-
lok. Hún gulltryggði svo þrennuna
fjórum mínútum síðar á glæsilegan
hátt þegar hún tók bakfallsspyrnu
eftir fyrirgjöf Ylfu Laxdal Unnars-
dóttur og fór knötturinn yfir mark-
mann KH og í netið. Frábær endir
á flottum leik ÍA og lokastaðan
öruggur sigur, 5-0.
Skagakonur luku leik á Íslands-
mótinu í 2. deild í fimmta sæti með
31 stig, unnu tíu leiki, gerðu eitt
jafntefli, töpuðu fimm leikjum og
markatalan var 52:24. Markahæstar
voru þær Unnur Ýr og Samira með
tíu mörk, Bryndís Rún Þórólfsdóttir
var með sjö mörk og Ylfa Laxdal
með sex. Þjálfari liðsins var Magnea
Guðlaugsdóttir og aðstoðarþjálfari
Aldís Ylfa Heimisdóttir.
vaks
Stórsigur hjá Skagakonum í síðasta leik sumarsins
Skagakonur enduðu í fimmta sæti í 2. deildinni í sumar. Ljósm. kfia
Naumt tap Skagamanna
á móti Sindra
Snæfellskonur
töpuðu naumlega
Rebekka Rán var öflug á móti KR og setti niður 25 stig. Hér í leik gegn Aþenu á
síðasta tímabili. Ljósm. sá
Snæfell og Skallagrímur
mætast í VÍS bikarnum
Fréttaveita Vesturlands
www.skessuhorn.is