Sumardagurinn fyrsti - 19.04.1956, Síða 6

4
SUMARDAGURINN FYRSTI
/
Uppeldisskóli Sumargjafar
Eftir frú Valborgu Sigurðardóttur, shólastjóra
Á þessu ári eru liðin 10 ár síðan Uppeldisskóli Sumar-
gjafar var stofnaður. í tilefni af þessum tímamótum hef-
ur þótt rétt að greina stuttlega frá starfsemi skólans, og
verður þessu máli einkum snúið til þeirra, sem kynnu að
hafa hug á að sækja skólann.
Barnavinafélagið Sumargjöf beitti sér fyrir stofnun skól-
ans. Hefur félagið jafnan rekið hann og notið til þess
styrks frá ríki og Reykjavíkurbæ. Skólinn hefur verið til
húsa í heimilum félagsins, fyrst í Tjarnarborg, síðan í
Steinahlíð, en nú er hann í Grænuborg. Höfundur þessarar
greinar hefur verið skólastjóri frá stofnun skólans, en auk
þess hafa jafnan starfað þar nokkrir stundakennarar.
Markmið Uppeldisskóla Sumargjafar er að veita ungum
stúlkum menntun og þjálfun til þess að stunda fóstrustörf
á barnaheimilum og til þess að stjórna slíkum heimilum.
Er nú svo komið, að flestar forstöðukonur bamaheimila
í Reykjavík hafa hlotið menntun sína í skólanum og nálega
allar sérmenntaðar fóstrur, sem þar starfa. Er nú mikill
hörgull á fóstrum, enda sífjölgar dagheimilum og leikskól-
um hér á landi, ekki eingöngu í Reykjavík heldur og úti
á landi.
Verður nú farið nokkrum orðum um námið í skólanum
og inntökuskilyrði.
Námstíminn.
Fóstrunám tekur tæp 2 ár. Næsta haust verður nýr nem-
endahópur tekinn í skólann, og hefst námið 1. okt. Námið
skiptist í þrjú námstímabil: Frá 1. okt. til 30. apríl stunda
nemendur aðallega bóklegt nám. Að þeim tíma loknum hefst
verknám með vinnu á barnaheimilum Sumargjafar. Stend-
ur það í 5 mánuði (frá 1. maí til 30. sept.). Að lokum er
svo bóklegt nám frá 1. okt. til 1. maí með svipuðu sniði
og fyrsta námstímabilið.
Meðan nemendur eru við bóknám vinna þær 2—3 tíma
á dag í æfingadeildum skólans í Grænuborg. Segjá má því,
að nemendur séu stöðugt í tengslum við börn allan náms-
tímann, án þess þó að þeim sé íþyngt með of mikilli vinnu.
Nám og starf helzt þar í hendur.
Inntökuskilyrði.
Nemandi verður að vera 18 ára að aldri hið yngsta og
ekki eldri en 33 ára. Að öðru jöfnu eru hinir eldri og þrosk-
aðri umsækjendur látnir sitja fyrir. Það er mikill misskiin-
ingur, að hver sem er geti gætt barna, sízt af öllu á barna-
heimilum. Hlutur fóstrunnar er raunar ekki eingöngu sá
að gæta barna, eins og það er tíðast skilið, heldur einnig
að eiga virkan þátt í uppeldi barnsins, sem henni er trú-
að fyrir. Fóstran þarf því að vera þroskuð stúlka, sem
komin er yfir tilfinningarót unglingsáranna.
Umsækjandi um skólavist þarf a. m. k. að hafa lokið
gagnfræðaprófi, landsprófi eða öðru sambærilegu námi. Þá
er það mikill kostur, ef umsækjandi hefur lokið námi í
húsmæðraskóla. Það er ekki inntökuskilyrði, að umsækj-
andi leiki á hljóðfæri eða sé söngvinn, en það er mikill
kostur. Einnig er þess að geta, að ráðlegt er fyrir unga
stúlku, sem hefur hug á fóstrunámi, að vinna á barnaheim-
ili nokkurn tíma áður en hún hefur nám sitt. Hún fær þá
tækifæri til að ganga úr skugga um, hvort starfið hæfir
henni og auk þess öðlast hún þá nokkurn skilning á, hvað
bíður hennar í náminu. Meðmæli frá forstöðukonu barna-
heimilis eru jafnan mikils virði, þegar umsóknir eru metnar.
Námsgreinar.
I Uppeldisskólanum leggja nemendur stund á ýmsar náms-
greinar. Aðalnámsgreinin er uppeldis- og sálarfræði. Er þar
vitaskuld lögð mest áherzla á almenna barnasálfræði og
uppeldisstörf fóstrunnar á leikskólum og dagheimilum. Aðrar
námsgreinar eru: líkams- og heilsufræði, meðferð ungbarna,
Núverandi nemendur í Uppeldisskólanum. Skólastjórinn fyrir miðju.