Fréttablaðið - 15.02.2023, Page 32

frettabladid.is
550 5000
RitstjóRn
ritstjorn@frettabladid.is
AuglýsingAdeild
auglysingar@frettabladid.is
PRentun & dReifing
Torg ehf.
2022 - 2025
bakþankar |
Vatnagörðum 14 104 Reykjavík
litrof@litrof.is 563 6000 litrof.is
UMHVERFISVÆN
PRENTUN
Láru G.
Sigurðardóttur
Undir lok síðasta árs kom svala-
drykkurinn Prime fyrst á markað.
Neytendur biðu í röðum eftir
drykknum líkt og hungraðir
hvolpar við veisluborð. Svo mikið
æði myndaðist í kringum vöruna
að hún seldist upp á hálftíma. Allir
vildu komast á Prime-spena You-
Tube-stjarnanna Logan Paul og KSI.
Að tefla tvíeykinu fram sem andlit
drykkjarins gefur góðan gróða.
Nema fyrir neytandann.
Í veröld allsnægta er nefnilega
hægt að fá of mikið af því góða.
Drykkurinn sem hálf heimsbyggð-
in þambarinniheldur m.a. vítamín
A og E í magni umfram ráðlagðan
dagskammt fyrir fullvaxta einstak-
ling – sem getur valdið eitrun. Börn
þurfa talsvert minna. Rannsóknir
sýna að við höfum ekki gott af verk-
smiðjuframleiddum vítamínum í
háum skömmtum. Sérstaklega ekki
A- og E-vítamínum, sem endurtekið
hafa reynst ýta undir þróun ýmissa
krabbameina, hjartasjúkdóma og
fleiri heilsufarsvandamála. Við
búum enn við blekkingu nóbels-
verðlaunahafans Linus Pauling um
að vítamín geti einungis gert okkur
gott. Hann trúði að lykillinn að
eilífri æsku væru háskammtar af C-
vítamíni, þrátt fyrir að hans hægri
hönd sýndi fram á að það væri
ekki einungis gagnslaust við kvefi,
heldur jók m.a. hættu á krabba-
meini. Til samanburðar eru víta-
mín úr náttúrulegu fæði skaðlaus.
Fæðubótariðnaðurinn er að
mestu leyti eftirlitslaus. Framleið-
endur þurfa hvorki að sýna fram
á að vara sé örugg né gagnleg. Þeir
gætu allt eins verið að selja okkur
rottueitur, en það myndi líklega
fækka viðskiptavinum of hratt.
Ef valið er á milli ferska íslenska
kranavatnsins eða innflutts vökva
með bætiefnum, sem geta valdið
mér heilsutjóni, er valið auðvelt. n
Vítamínæði