Fjarðarfréttir - 08.06.2022, Blaðsíða 12

12 www.fjardarfrettir.is FJARÐARFRÉTTIR | MIÐVIKUDAGUR 8. JÚNÍ 2022
Flensborgarskólinn í Hafnarfirði
brautskráði fyrir skömmu 96 nemendur.
Þeir útskrifuðust af fimm brautum
skólans; félagsvísinda­, raunvísinda­,
viðskipta­ og hagfræði­, starfsbraut og
opinni braut. 37 þeirra luku einnig námi
á íþróttaafrekssviði skólans.
Hæstu einkunn hlaut Adele Alex andra
Bernabe Pálsson með 9,63 en hún hlaut
Menntaverðlaun Háskóla Íslands fyrir
framúrskarandi árangur á stúdentsprófi.
Einnig hlaut hún styrk frá Rio Tinto fyrir
góðan árangur í raun greinum og, frá
skólanum, viður kenningu fyrir góðan
árangur í ensku, spænsku, stærðfræði,
íþróttagreinum og íslensku.
Andrea Marý Sigurjónsdóttir var
semidúx Flensborgarskólans með eink­
unnina 9,52. Hún fékk verðlaun frá
Háskólanum í Reykjavík fyrir frábæran
námsárangur í raungreinum. Einnig var
hún verðlaunuð fyrir góðan náms­
árang ur í spænsku, stærðfræði og
íþróttafræði.
Sandra Dögg Kristjánsdóttir var
þriðja hæst, með 9,29 í meðaleinkunn.
Hún er einnig afrekskona í íþróttum og
stúdent af raunvísindabraut og hlaut
viðurkenningar fyrir mjög góðan
árangur í íslensku og íþróttafræðum.
Þrír starfsmenn voru kvaddir eftir
farsælan feril en það voru þau Friðrik
Olgeir Júlíusson, stærðfræðikennari,
María Hrafnsdóttir, bókasafns­ og
upplýsingafræðingur og Tamara
Soutourina, enskukennari.
KENNURUM ÞAKKAÐ
Í ræðu sinni kom Erla Ragnarsdóttir,
skólameistari, inn á skólastarf þá og nú
en 60 ára gagnfræðingar heimsóttu
gamla skólann sinn á dögunum. Margt
hefur breyst í tímans rás en það sem
ætíð hefur einkennt Flensborgarskólann
er hinn jákvæði skólabragur, mann­
gæska og vinarþel enda er haft að
leiðar ljósi í skólastarfinu að glæða
sálar gáfurnar, líkt og það er orðað í
fyrstu reglugerð um skólann frá 1882.
Kennarar gegna þar lykilhlutverki og
eru mörgum eftirminnilegir, nú sem
endranær. Þeim var til dæmis þakkað í
gær fyrir að vera ávallt reiðubúnir til að
styðja við nemendur, bæði í leik og
starfi, og sýna þeim einlægan áhuga,
eins og nýstúdínan Emilía Ósk
Steinarsdóttir kom inn á ræðu sinni.
96 útsrifuðust úr Flensborgarskólanum
Útskrifað af fimm brautum skólans og af íþróttaafrekssviði
Ánægðir nýstúdentar við útskriftina í Flensborgarskólanum sem hefur útskrifað stúdenta síðan 1975.
Skólameistari og aðstoðarskólameistari, ásamt nemendum sem fengu
viðurkenningu fyrir félagsstörf.
Forkeppni Fjarðarbikarsins 2022 í
golfi hófst á mánudaginn á Hvaleyrinni.
Félagsmenn Keilis geta tekið þátt alla
vikuna til og með mánudeginum 13.
júní. Eina sem þarf að gera er að panta
sér rástíma samkvæmt rástímareglum
Keilis og tilkynna þátttöku í golfverslun
áður en leikur er hafinn og greiða 1500
krónur.
Leikin er 18 holu punktakeppni
6.­13. júní þar sem 16 leikmenn komast
áfram og leika holukeppni með fullum
forgjafarmun miðað við vallarforgjöf
þangað til úrslit fást um Fjarðarbikarinn.
Allir félagsmenn Keilis hafa keppnis­
rétt og verðlaunin í ár eru vegleg:
Undankeppni: 1. sæti í punktakeppni
– úttekt í Firði fyrir 30.000,­
2. sæti í punktakeppni – úttekt í Firði
fyrir 20.000,­
3. sæti í punktakeppni – úttekt í Firði
fyrir 15.000,­
16 manna úrslit: Allir sem vinna
leiki sína fá 10.000 króna úttekt á Rif
restaurant. Allir sem tapa sínum leik fá
úttekt á einum drykk og forrétt hjá Rif
restaurant.
8 manna úrslit: Allir sem vinna leiki
sína fá 10.000 króna úttekt á Rif
restaurant. Allir sem tapa sínum leik fá
úttekt á einum drykk og forrétt hjá Rif
restaurant.
4 manna úrslit: Allir sem vinna leiki
sína fá 10.000 króna úttekt á Rif
restaurant. Allir sem tapa sínum leik fá
úttekt á einum drykk og forrétt hjá Rif
restaurant.
Úrslitaleikur: Sigurvegari fær
Fjarðar bikarinn og úttekt í Firði fyrir
50.000 krónur. Annað sæti fær 10.000
króna úttekt á Rif restaurant.
Styrktaraðilar keppninnar eru Rif
restaurant Firði, verslunarmiðstöðin
Fjörður og fasteignafélagið 220
Fjörður.
Allur ágóði af mótinu rennur til
barna­ og unglingastarfs Keilis.
Keppni í Fjarðarbikarnum hafin
Veitingastaðurinn Rif og verslunarmiðstöðin Fjörður styrkja unglingastarfið
Sigurvegari síðasta árs ásamt fulltrúum Fjarðar, Rifs og Keilis.
Lj
ós
m
.:
G
uð
ni
G
ís
la
so
n
VEF
AUG LÝS
INGAR
sími 896 4613
gudni@fjardarfrettir.is