Mosfellingur - 17.11.2022, Blaðsíða 12

Úur selja umhverfis-
vænar leiðisgreinar
Það er löngu kunnugt að konurnar
í Lionsklúbbnum Úu í Mosfellsbæ
eru vakandi fyrir velferð náungans
og einnig er þeim umhugað um
að halda náttúrunni hreinni og
ómengaðri. Fyrir ári síðan brettu
þær upp ermar og framleiddu
gullfallegar leiðisgreinar sem unnar
voru úr hinum lífræna heimi. Engir
vírar, ekkert plast, engin óvelkomin
aukaefni sem menga jarðveginn
auk þess sem hverri grein fylgir
kærleikur frá Úu konum. Mosfell-
ingar ásamt nærsveitungum urðu
kampakátir, keyptu greinar og lögðu
á leiði ástvina sinna. Öll innkoma af
sölunni fór óskert til þeirra sem eiga
við hina ýmsu erfiðleika að stríða.
Núna ætla Úur aftur á kreik og fer
allur ágóði óskertur til góðgerðar-
mála. Allar upplýsingar veitir Ida
Hildur Fenger í síma 773-0980 en
einnig má senda skilaboð í gegnum
Lionsklúbburinn Úa á Facebook.
- Fréttir úr bæjarlífinu12
Um 200 ungmenni úr Varmárskóla og
Framhaldsskólanum í Mosfellsbæ unnu
saman á vel heppnuðu nemendaþingi
þann 8. nóvember, á alþjóðlegum baráttu-
degi gegn einelti.
Nemendaþingið er liður í að vekja bæði
nemendur og samfélagið allt til vitundar
um einelti, orsakir þess og áhrif, og hvern-
ig má koma í veg fyrir það. Einnig eru skýr
menntunarleg markmið með þinginu.
Það voru nemendur í 5. og 6. bekk
Varmárskóla sem báru hitann og þungann
af umræðum dagins, undir styrkri stjórn
samræðustjóra sem eru nemendur úr upp-
eldis- og félagsfræðiáföngum í FMOS.
„Það var frábært að fylgjast með krökk-
unum ræða saman um þetta mikilvæga
málefni, þeir voru málefnalegir og leituðu
lausna. Við fullorðna fólkið getum horft
bjartsýn til framtíðarinnar í boði þessa
unga fólks,“ segir Jóna Benediktsdóttir,
skólastjóri Varmárskóla.
Einelti fyrirfinnst víða
Þingið er þó ekki eingöngu mikilvægt
innlegg í samfélagsumræðu síðustu vikna,
en einelti og áhrif þess hafa farið hátt í um-
fjöllun fjölmiðla. Einelti er samfélagsmein
sem fyrirfinnst á allt of mörgum stöðum.
Þegar hópar fólks koma saman til að
ræða leiðir til að vinna gegn einelti leiðir
samræðan til aukins skilnings og verður
þannig breytingaafl í sjálfu sér.
Nemendur geti haft mótandi áhrif
Menntunarleg markmið þingsins eru
skýr fyrir nemendur beggja skóla. Fyrst má
nefna það að þjálfa nemendur í lýðræðis-
legum vinnubrögðum.
Á þinginu ræddu nemendur mikilvægt
samfélagsleg málefni og skipulögðu í sam-
einingu aðgerðir til umbóta. Með þátttöku
í samræðum þar sem þess er gætt að allir
geti látið skoðun sína í ljós og að niðurstað-
an verði hagstæð fyrir alla þátttakendur, fá
nemendur tilfinningu fyrir því að þeir geti
haft mótandi áhrif á eigin framtíð og verða
þannig skapandi gerendur í eigin umhverfi.
Samræðustjórar taka aukna ábyrgð og
efla þannig vitund sína um möguleika til
áhrifa.
Unga fólkið mun stýra framtíðinni
„Við höfum trú á því að þeir sem nú
eru nemendur hafi mikla möguleika á að
breyta framtíðinni. Ein manneskja sem
hefur ákveðið að hafa jákvæð áhrif í um-
hverfi sínu hefur þar með áhrif á svo ótal
marga og getur orðið hreyfiafl fyrir stórtæk-
ar breytingar. Hvað þá ef hátt í 200 ungar
manneskjur fara af stað út í heiminn með
slíkt hugarfar,“ segir Jóna Benediktsdóttir,
skólastjóri Varmárskóla.
Kolbrún Ósk Jónsdóttir, kennari í FMos
tekur í sama streng: „Það er okkar mark-
mið, því við vitum að þeir sem eru ungt
fólk í dag, er fólkið sem mun stýra fram-
tíðinni. Ef við getum kennt þeim leiðir til
að taka góðar ákvarðanir fyrir samfélagið
höfum við lagt okkar af mörkum til fram-
fara.“
Ásgarður heldur
árlegan jólamarkað
Ásgarður handverkstæði verður
með sinn árlega jólamarkað og
kaffisölu í húsnæði Ásgarðs að
Álafossvegi 14 og 22 í Mosfellsbæ
laugardaginn 3. desember milli kl.
12.00 og 17.00. Allar handsmíðuðu
vörurnar í Ásgarði verða til sýnis og
sölu og kaffi, súkkulaði og kökur
til sölu gegn vægu gjaldi. Góðir
gestir líta í heimsókn til okkar og
taka nokkur lög. Hvað er betra
en að byrja jólaundirbúninginn
á því að fara í Ásgarð? Þar verður
hægt að kaupa jólagjafir og setjast
síðan við borð með listamönnum
Ásgarðs, drekka heitt ekta súkkulaði
með rjóma og gæða sér á gómsætu
bakkelsi í boði bestu bakarameist-
ara Íslands.
Mirella heldur jóla-
lagersölu á Aristo
Mirella verður með jólalagersölu á
hárgreiðslustofunni Aristo, Háholti
14 á virkum dögum kl. 11:00-17:00
og á laugardögum kl. 11:00-14:00
frá 21. nóvember til 16. desember.
Úrval af Vajolet dömubolum og
settum, herrabolum, barnasettum
og nærfötum. Einnig gott úrval
af Tupperware heimilisvörum og
öðrum gjafavörum. Herdís og María
taka vel á móti ykkur.
Nemendaþing á baráttudegi gegn einelti • 200 ungmenni úr Varmárskóla og FMOS
Einstakt samstarf í
baráttunni gegn einelti
nemendaþing í Varmárskóla
Helgafellsskóli var í hlutverki gestgjafa
þegar hvatningarverðlauna Heimilis og
skóla voru veitt en um er að ræða verðlaun
fyrir vel unnin störf gegn einelti.
Athöfnin var haldin á degi gegn einelti
þann 8. nóvember og verðlaunin hlaut að
þessu sinni námsráðgjafi í Hólabrekkuskóla.
Skólastjóri Helgafellsskóla flutti opnunar-
ávarp og boðið var upp á þrjú tónlistaratriði
frá nemendum Helgafellsskóla, söng,
fiðluleik og píanóleik.
Á athöfninni var margt góðra gesta eins
og sést á meðfylgjandi myndum.
Kynningarmyndband
um kortavefsjá
Á vef Mosfellsbæjar er í birtingu
myndband sem sýnir á greinargóð-
an hátt virkni og notkunarmögu-
leika kortavefsjár Mosfellsbæjar. Á
kortavefsjánni geta bæjarbúar og
viðskiptavinir skoða upplýsingar um
allt er lýtur að fasteignum bæjarins
og umhverfi, hvort heldur eru stígar,
veitulagnir, lóðamörk og teikningar
húsa svo nokkuð sé nefnt.
Kvíslarskóli 50 ára
- fagnað næsta haust
Í ár eru 50 ár frá því að skólastarf-
semi hófst í því skólahúsnæði sem
nú heitir Kvíslarskóli. Í upphafi
nefndist skólinn Gagnfræðaskóli
Mosfellssveitar eða Gaggó Mos
hversdagslega. Afmælisdagurinn
var 9. nóvember, miklar endurbætur
standa nú yfir á húsnæði skólans
en næsta haust munu nemendur
og bæjarbúar hafa tök á að fagna
afmælinu á sal.
Helgafellsskóli í hlutverki
gestgjafa á degi gegn einelti
eliza reid forsetafrú
spjallar Við nemendur
sungið fyrir gesti
nemendur úr
listaskólanum