Veiðimaðurinn - 01.06.2019, Qupperneq 6

6 Veiðimaðurinn 7 Leiðari
Sögu SVFR verða gerð ríkuleg skil á
afmælis árinu eins og kemur fram í spjalli
við formann SVFR, Jón Þór Ólason. Meðal
annars verður sýnd metnaðarfull kvik-
mynd sem frumsýnd var árið 1949 á tíu ára
afmæli félagsins og fannst fyrir skömmu.
Við straumana heitir litkvikmyndin sú
og er eftir Kjartan Ó. Bjarnason og er for-
kunnarfögur enn þann dag í dag.
„Kvikmynd þessi fjallar um laxveiðar og
fiskirækt í ám og vötnum og þykir ein feg-
ursta kvikmynd sem gerð hefur verið hér á
landi,“ sagði í auglýsingu Gamla Bíós sem
sýndi myndina við góðar undirtektir veiði-
manna. Markmiðið með gerð hennar var
að auka áhuga almennings á stangveiði en
þegar þarna var komið sögu höfðu á fjórða
hundrað gengið í SVFR sem stækkaði ört.
Í myndinni má sjá einstakt myndefni af
stangaveiði á Íslandi en myndin var tekin
á árunum 1946-1947.
Á tímamótum sem þessum ber að segja
takk. Þakka þeim veiðimönnum sem
gengu um bakkana á undan okkur. Þeir
eru margir komnir í fjarlægar veiðilendur
en skiluðu okkur frábærum náttúruperlum
sem við njótum á hverju sumri. Skylda
okkar er að tryggja að komandi kynslóðir
njóti þeirra líka. Starfsmönnum félagsins,
stjórnarmönnum og þeim sem hafa gegnt
Þarna var grunnurinn lagður. Inntökugjald
var ákveðið tíu krónur og skýr skilyrði sett
fyrir því að gerast félagsmaður SVFR eins
og kom fram í þriðju grein laga félagsins.
„Inngöngu í félagið geta þeir einir fengið,
sem hafa áhuga fyrir lax eða silungsveiði
með stöng og hafa fengist við slíka veiði.“
Þess var jafnframt krafist að SVFR félagar
kæmu vinsamlega og drengilega fram við
hvern annan og viðskiptamenn félagsins.
Tillögur um leigu Elliðaánna og lögin voru
báðar samþykktar og í kjölfarið voru 48
stofnaðilar félagsins skrásettir og færðir
til bókar.
Ævintýralegt ferðalag bjartsýnna veiði-
manna var hafið sem átti eftir að endast
um langa hríð og stendur enn. Áhugi
á stangveiði á Íslandi var ekki mikill á
þessum tíma. Þeir sem sáust með stöng
við veiðivötn töldust ekki með öllum
mjalla en nú er öldin önnur. Félags-
menn SVFR eru vel á þriðja þúsund og
tugþúsundir Íslendinga leggja stund á
stangveiði á hverju sumri. Elliðaárnar
eru í dag meðal bestu laxveiðiáa lands-
ins. Fullkomlega sjálfbærar 80 árum eftir
að þær máttu muna fífil sinn fegurri og
eru hluti af stórkostlegu útivistarsvæði
Reykvíkinga þar sem fjölmargir ungir
veiðimenn taka sín fyrstu köst.
Maður á hesti við Búrfoss í vestari kvísl Elliðaánna. Myndin er tekin um 1900 og sýnir ónumið land.
Mynd Sigfús Eymundsson. Ljósmyndasafn Reykjavíkur.