Veiðimaðurinn - 01.06.2019, Page 29

28 Veiðimaðurinn 29 Kveðjur frá formönnum SVFR
O kkar ágæta félag, Stangaveiðifé-
lag Reykjavíkur, er orðið 80 ára.
Hugurinn reikar aftur í tímann
og ég minnist þeirra tíma þegar ég starf-
aði sem mest fyrir félagið, í bikarnefnd,
skemmtinefnd og í stjórn félagsins. Margs
er að minnast en ekki síst allra þeirra frá-
bæru félagsmanna sem ég kynntist í þessu
starfi og eins margra frábærra viðsemj-
enda okkar, en margt af þessu fólki eru
mjög góðir vinir mínir enn í dag.
Félagsmenn SVFR eru ólíkindatól. Þeir
hafa í gegn um árin verið tilbúnir til að
leggja á sig mikla sjálfboðavinnu fyrir
félagið, reist og lagað veiðihús, hreinsað
Elliðaárnar, unnið almenn árnefndarstörf,
ýmis félagsstörf og margt fleira. Þessi
vinna hefur verið ákveðinn grunnur að
öllum rekstri félagsins.
Eins og kannski er eðlilegt á löngum tíma
þá hafa skipst á skin og skúrir í rekstrinum,
þó að oftast hafi félagið í raun staðið mjög
vel. Hrunið reyndist félaginu afar erfitt en
með mikilli vinnu stjórnar, ýmissa félags-
manna og starfsmanna skrifstofu tókst
að koma félaginu aftur í góðan rekstur
og framtíðin er björt. Núverandi stjórn
er skipuð góðu fólki sem leggur sig fram
um að tryggja áfram öflugt starf félags-
ins og eins að berjast fyrir hagsmunum
veiðimanna almennt, en tryggja þarf að
sjókvíaeldi eða önnur óáran skaði ekki
okkar dýrmætu íslensku laxastofna.
Við veiðimenn viljum um ókomna framtíð
hafa tök á því að fara um íslenska náttúru
og renna fyrir fisk.
Ég vil óska félagsmönnum öllum innilega
til hamingju með afmælið og óska félaginu
alls hins besta í framtíðinni.
Með afmæliskveðju, Bjarni Ómar Ragnars-
son, formaður 2000-2004.
Öflug ólíkindatól
Á því herrans ári 1939 var Stanga-
veiðifélag Reykjavíkur stofnað
í kring um Elliðaárnar. Þeir
sem stofnuðu félagið sögðu að nokkrar
ástæður hefðu verið fyrir stofnun þess
árið 1939. Ein hefði verið að útvega félags-
mönnum veiðileyfi. Önnur ástæða og mjög
veigamikil var vegna ástands Elliðaáa á
þessum árum. Vatnsrennsli var ójafnt
vegna rafmagnsframleiðslu, veiðin fór
rýrnandi, auka þurfti klak, flytja lax upp
fyrir rafveitustífluna auk þess að stuðla
að heiðarlegum veiðiaðferðum. En Elliða-
árnar áttu í vök að verjast vegna óhóflegs
ádráttar hvert haust. Alla tíð síðan 1939
hefur Stangaveiðifélag Reykjavíkur lagt
sitt á vogarskálarnar til að Elliðaár séu ein
af perlum íslenskrar náttúru.
Fljótlega fóru fleiri vatnasvæði að bætast
við í flóru félagsins, það stækkaði og varð
og er stærsta og fjölmennasta stangaveiði-
félag á Íslandi. 80 ár eru kannski langur
tími, heil manns ævi. Félagið hefur líkt og
lífsferill flestra átt sínar stundir. Stundum
hefur syrt í álinn en fleiri stundir hafa verið
hamingjusamari hjá okkar góða félagið.
80 ár er eftir sem áður stuttur tími í sögu
Íslands. Umhyggja fyrir náttúruvernd
og uppbygging á lax- og silungstofnum
hafa verið forgangsmál hjá stjórnendum
SVFR allt frá 1939. Þannig má segja að
hugsjónastarfið sem stofnendur félagsins
börðust fyrir sé ennþá við lýði og verður
um ókomin ár.
Ég sat í stjórn félagsins frá 2007 og var
formaður 2014 til 2018. Það sem stendur
upp úr á þessum 11 árum er sá fjöldi af
stangaveiðimönnum sem maður kynnt-
ist. Stangaveiðifélag Reykjavíkur er svo
miklu meira en félag. Það er heilt samfélag
veiðimanna. Samfélag sem frábært er að
tilheyra.
Framtíðin er björt hjá félaginu okkar.
Samfélag okkar veiðimanna heldur áfram
að vaxa og dafna. Veiðisögurnar, félags-
skapurinn, félagsstarfið og að sjálfsögðu
veiðin sjálf er það sem heldur samfélaginu
gangandi. Stangaveiðifélag Reykjavíkur er
frábært félag. Til hamingju með 80 árin.
Veiðikveðjur, Árni Friðleifsson, formaður
2014-2018.
Samfélag veiðimanna