Feykir - 16.02.2022, Síða 4

AÐSENT | Sameiningarnefnd
Á laugardaginn kemur, 19. febrúar,
verður kosið um sameiningu Akra-
hrepps og Sveitarfélagsins Skagafjarðar
ásamt sameiningu Húnavatnshrepps
og Blönduósbæjar og Eyja- og Mikla-
holtshrepps og Snæfellsbæjar. Hinn 26.
mars kjósa svo íbúar Langanesbyggðar
og Svalbarðshrepps um sameiningu
sem og íbúar í Helgafellssveit og
Stykkishólmsbæ.
Aðdragandi þessara kosninga er
allnokkur. Framþróun íslensks
samfélags, breyttar þjóðfélagsaðstæður
og ákall um aukna valddreifingu hefur
orðið til þess að stórir og mikilvægir
málaflokkar hafa á undanförnum árum
færst úr umsjón ríkisins yfir til
sveitarfélaganna og má þar nefna rekstur
grunnskólanna og málefni fatlaðs fólks.
Með breytingum á lögum og
reglugerðum hafa kröfur um það
hvernig sveitarfélögin inna af hendi
þjónustu sína jafnframt aukist stórlega.
Einnig hefur áhrif að samkvæmt lögum
þurfa sveitarfélög sem eru undir 250
manna íbúamörkum við sveitarstjórnar-
kosningar í vor, annað hvort að
sameinast öðru eða skila áliti þar sem
rökstutt er hvernig það getur staðið
undir lögmæltum verkefnum.
Lögmælt verkefni skiptast í annars
vegar lögskyld verkefni og hins vegar
lögheimil verkefni. Lögskyld verkefni
sveitarfélaga, þ.e. verkefni sem
sveitarfélögum er skylt að sinna lögum
samkvæmt eru í dag 76 talsins en til
viðbótar eru 18 verkefni það sem kallað
er lögheimil. Með lögheimilum
verkefnum er átt við að sveitarfélög hafi
svigrúm til þess að ákveða hvort
verkefninu sé sinnt, en ef sú ákvörðun er
tekin gildir um verkefnið tiltekinn
lagarammi. Flestir geta verið sammála
um að við flutning verkefna frá ríki
heim í hérað hefur þjónustan í kringum
þau aukist og batnað.
Sameining hefur fleiri kosti en
galla
Samstarfsnefnd, sem sveitarstjórnir
Akrahrepps og Sveitarfélagsins
Skagafjarðar skipuðu í þau sem hér rita
undir til að kanna kosti og galla
sameiningar sveitarfélaganna, hefur
skilað áliti sínu. Álit okkar er að
sameining Skagfirðinga í eitt sveitarfélag
hafi fleiri kosti en galla og hvetjum við
íbúa til að veita henni brautargengi.
Sameiningunni fylgja þó vissulega
einnig áskoranir sem við teljum að hægt
sé að mæta með útfærslu stjórnskipulags
þar sem íbúar fái meiri tækifæri til
beinnar þátttöku í ákvarðanatöku.
Sameining einfaldar stjórnsýsluna í
Skagafirði og jafnar þjónustu til íbúanna
af hálfu sveitarfélagsins. Félagasamtök
eins og kórar, kvenfélög, búnaðarfélög
o.fl. munu starfa eftir sem áður og íbúar
munu vafalítið oft kenna sig áfram við
sínar heimabyggðir, eins og Fljótin,
Blönduhlíðina, Hegranesið, Skagann,
Langholtið, Krókinn, Hofsós o.s.frv.
Við teljum að með sameinuðu
sveitarfélagi allra Skagfirðinga séum við
sem samfélag öflugri og betur í stakk
búin til að takast á við framtíðaráskoranir
í stjórnsýslu, þróun byggðar, eflingu
þjónustu og til að veita komandi
kynslóðum tækifæri til að vaxa og dafna
í dreifbýli sem og þéttbýli.
Nýtum atkvæðisréttinn og kjósum
Á laugardaginn geta Skagfirðingar kosið
um það hvort þeir vilji sameinast í einu
sveitarfélagi. Hvaða skoðun sem við
höfum hins vegar á sameiningu eða ekki
sameiningu, þróun sveitarstjórnars-
stigsins og stjórnsýslunni yfir höfuð þá
hvetjum við íbúana til að sameinast um
að ganga til kosninga og greiða atkvæði
um tillöguna. Það er mikilvægt að nota
þann lýðræðislega rétt að láta skoðun
sína í ljós. Þann rétt skulum við ekki láta
fram hjá okkur fara.
Álfhildur Leifsdóttir
Drífa Árnadóttir
Eyþór Einarsson
Gísli Sigurðsson
Hrefna Jóhannesdóttir
Ingibjörg Huld Þórðardóttir
Jóhanna Ey Harðardóttir
Ragnhildur Jónsdóttir
Sigfús Ingi Sigfússon
Sigríður Sigurðardóttir
Horft til framtíðar
Rísandi sól á stysta degi ársins, 22. desember 2021. MYND: PF.
Korter í kosningu!
ÁSKORANDAPENNINN | palli@feykir.is
Tek við áskorun
frá Jóni Erni, félaga
mínum í sveitarstjórn á
Blönduósi, og skora svo
á Ragnhildi Haraldsdóttir
í sveitarstjórn
Húnavatnshrepps.
Kosið verður um
sameiningu sveitar-
félaganna Húnavatns-
hrepps og Blönduósbæjar
nú um komandi helgi,
laugardaginn 19.
febrúar. Þar sem ég er
einn af nefndarmönnum
Blönduósbæjar hef ég
fyrir mitt leyti sterka
skoðun á því hvort eigi
að sameina eður ei. Í
nefndarstörfum þessarar
nefndar hefur verið góður
samhljómur að ég tel og
allir með sama markmið:
Hvernig getum við styrkt
samfélagið okkar og
hvernig getum við unnið
að uppbyggingu þess áfram?
Við höfum lagst saman á árarnar
um ýmsa hluti og þar sem við beitum
kröftum okkar saman mun okkur verða
meira ágengt en ella. Sem dæmi má
nefna að jöfnunarsjóður hefur samþykkt
að hækka framlag sitt til uppbyggingar
Umhverfisakademíu á Húnavöllum úr
20 milljónum í 40 milljónir, komi til þess
að sameining verði samþykkt, það er
vel. Í samtölum okkar við ráðherra og
þingmenn hefur okkur verið vel tekið
og teljum að það sem við berjumst fyrir
muni skila sér á komandi misserum.
Efling sýslumannsembættis og
innheimtumiðstöðvar, slitlag á flugvöllinn
á Blönduósi, eru þættir sem skipta okkur
verulegu máli svo eitthvað sé nefnt þar.
Varðandi samgöngur erum við í
mikilli samkeppni við önnur svæði um
fjármagn til að bæta héraðs- og tengivegi
sem eru víða í því ásigkomulagi að þeir
teljast vart vegir en við höfum haldið
okkar óskum á lofti og heldur bætt í
það sem verður að vera í forgangi. Það
er stefna stjórnvalda að endurnýja og
byggja upp flutningskerfi raforku sem
og virkjanir og til þess að það sé hægt
þá þarf að hafa nothæfa vegi. Vegirnir í
Blöndudal að austan og vestanverðu og
Svartárdalsvegur skipta verulegu máli í
þessari uppbyggingu. Það segir sig sjálft
að ekki er hægt að bæta þeirri umferð
sem uppbyggingin mun skapa á þá í
núverandi ástandi. Það má ljóst vera að
þetta eru framkvæmdir sem ekki er hægt
að bíða með ef það á að hraða þessari
uppbyggingu raforkukerfisins, það er
alltaf best að byrja á grunninum. Að ég
tali nú ekki um að byggja upp innviði
sem eiga að nýtast á landsvísu á kostnað
innviða heimamanna.
Talandi um raforku þá er ekki úr vegi að
minnast á það að með tilkomu gagnavers
á iðnaðarsvæði á „lóðamörkum“
Húnavatnshrepps og Blönduósbæjar
þá er um að ræða fyrsta stórnotanda
á raforku í Húnavatnssýslu síðan
Blönduvirkjun var tekin í notkun 1991.
Og þess ber að geta að það voru einmitt
sveitarfélögin Húnavatnshreppur og
Blönduós sem voru meðal stofnaðila í
gegn um fasteignafélagið Ámundakinn,
hvar bæði sveitarfélögin eru meðal
stærstu eigenda á eftir Byggðastofnun.
Ákvörðunin um að koma þessu verkefni
af stað hefur svo sannarlega skilað
sér í aukinni atvinnu verktaka og
þjónustuaðila á svæðinu sem og gjöldum
til sveitarfélagsins. Og þegar þetta er
skrifað voru að detta inn auglýsingar um
þrjú störf til viðbótar hjá gagnaverinu.
Þetta verkefni byrjaði með tveimur
húsum og skóflustunga var tekin í maí
2018 og stefnir í að í árslok 2022 verði
búið að byggja um 12000 m2 af húsnæði
fyrir gagnaverin. Í kjölfar þessa verkefnis
hefur svo hafist önnur uppbygging sem
ekki sér fyrir endann á.
Já, það er svo heilmargt sem tengir íbúa
Húnavatnshrepps og Blönduósbæjar,
vegir okkar liggja flest allir saman. Mín
skoðun er sú að nú sé komið að því
að klára samrunann í nýtt og öflugt
sveitarfélag sem hefur burði til að sækja
fram, áfram veginn – helst með bundnu
slitlagi.
- Ég hvet íbúa Húnavatnshrepps
og Blönduósbæjar til að mæta á
kjörstað og greiða atkvæði um þessa
sameiningartillögu á laugardaginn.
Að lokum langar mig til að þakka félögum
mínum í samstarfsnefnd fyrir gott
samstarf.
Guðmundur Haukur Jakobsson
forseti sveitarstjórnar Blönduósbæjar
Guðmundur Haukur í æðislegri rjúpnaullarpeysu. MYND AÐSEND
4 07/2022