Feykir - 08.06.2022, Síða 6

Um helgina verður opið hús í
gamla barnaskólanum við
Freyjugötu á Sauðárkróki sem
nú hefur fengið nýtt hlutverk
þar sem búið er að innrétta
glæsilegar íbúðir sem brátt
fara á sölu. Það er Landmark
fasteignamiðlun sem sér um
söluna en þar eru meðal
eigenda hjónin Monika
Hjálmtýsdóttir og brottflutti
Króksarinn Júlíus
Jóhannsson. Feykir settist
niður með þeim og
forvitnaðist örlítið um málið.
Í heildina eru íbúðirnar 13 að
tölu frá 48 m2 að stærð upp í
108 m2 og verða þær afhentar
í tveimur áföngum. Nú hafa
sjö íbúðir verið auglýstar til
sölu sem staðsettar eru í eldri
byggingunni, ein stór íbúð og
sex minni og allar fullbúnar.
Inngangur er um sameiginlegt
anddyri að norðan en sér
inngangur í hverja íbúð af
svölum sem klæddar eru
glerveggjum og skýla væntan-
lega vel fyrir norðanáttinni. Í
húsinu er lyfta og geymslur
sem fylgja öllum eignum. Sú
breyting verður líka að
barnaskólinn við Freyjugötu
verður í framtíðinni fjölbýlis-
húsið við Sæmundargötu 2a.
„Við erum gríðarlega stolt
af því að útibú Landmarks á
Sauðárkróki hafi skrifað
undir einkasölu við Friðrik A.
Jónsson ehf. verktaka um sölu
á Sæmundargötu 2a. Það sem
okkur finnst virkilega gaman
að sjá er hvað bærinn hefur
þróast gríðarlega mikið síðan
Íbúðir í gamla barnaskólanum á Króknum í sölu
Nýtt og glæsilegt hús á traustum grunni
Ari Freyr Ólafsson, yfirsmiður, og Júlíus
Jóhannsson, fasteignasali, fyrir utan
gamla innganginn í barnaskólann. Nú
hefur húsið fengið nýtt hlutverk og er allt
hið glæsilegasta. MYND: PF
við hófum starfsemi hér fyrir
átta árum. Við vorum spennt
fyrir því að fá að taka þátt í
þessu verkefni, í fyrsta lagi út
af sögunni, hér gekk ég í skóla
og er tengingin því mjög
sjarmerandi og í öðru lagi
finnst okkur verktakinn
leggja allan sinn metnað í að
gera bygginguna glæsilega.
Það er heiður á fá að vera
þátttakandi í verkefninu sem
að mestu leyti heimafólk
kemur að,“ segir Júlíus og
einlægnin leynir sér ekki
þegar hugurinn leitar á
heimaslóðirnar.
Monika tekur undir og
segir það líka spennandi að
koma að svona nýbyggingar-
verkefni sem ekki gerist á
hverjum degi á þessu svæði.
„Það eru margir sem bíða
spenntir eftir að sjá þetta
verða að veruleika. Byggingin
fer í sölu í tveimur áföngum
en nú erum við að fara af stað
með þann fyrri þar sem sjö
íbúðir fara í sölu og svo mun
seinni áfanginn, þar sem
gamla íþróttahúsið var, fara í
sölu á næstu mánuðum.“
Þau eru sammála um að
uppbyggingin hafi verið vel
framkvæmd og margt til
fyrirmyndar líkt og hiti í
gólfum, hleðslustaurar fyrir
rafmagnsbílinn og hver íbúð
með sérmerkt bílastæði svo
ekki þarf að þrasa um hvar
bílnum verði lagt þann
daginn, en svo eru önnur
stæði í sameign.
Mikill áhugi á íbúðunum
„Byggingarframkvæmdin er
mjög vönduð og mikið lagt í
íbúðirnar sem skilast
fullbúnar,“ segir Monika og
bendir á að íbúðirnar séu afar
bjartar og fallegar, með
hljóðdempandi plötum, í lofti
og veggjum sem bæta
hljóðvist og að húsið sé
álklætt og því viðhaldslétt. Þá
er lyfta í húsinu sem gerir
þeim sem eiga erfitt með gang
auðveldara um vik að fara um
og mjög gott aðgengi að öllum
íbúðunum.
„Við höfum þegar fengið
talsvert af fyrirspurnum um
eignirnar og finnum að það er
almennt mikill áhugi. Þegar
kemur að sölunni verður farið
eftir ákveðnum leikreglum
hvað tilboðsgerðina varðar.
„Eignirnar koma í sölu á
tilteknum degi og þær sýndar
á öðrum,“ segir hún en það er
einmitt nú um helgina 11. og
12. júní.
„Fólk kemur og skoðar og
ef það vill gera tilboð hefur
það frest fram á einhvern
ákveðinn dag en þá skulu öll
tilboð vera komin inn og eftir
það mun verktakinn taka
afstöðu til innkominna
tilboða.
„Við vitum ekki hvernig
viðbrögðin verða en við
búumst við miklum áhuga
fólks. Ég tel að mörgum muni
þykja eftirsóknarvert að
komast í nýja og fallega íbúð
sem mun ekki kalla á neitt
viðhald á næstu árum. Ég er
sannfærð um að þetta
verkefni muni hafa jákvæð
áhrif á fasteignamarkaðinn á
Sauðárkróki,“ segir Monika.
Það hefur mátt greina
mikla ánægju bæjarbúa með
framkvæmdirnar á gamla
skólanum og í hvaða búning
hann er nú kominn.
Minningar þeirra er gengu í
skólann streyma fram og
skólastofurnar birtast
ljóslifandi í minningunni en
þær er greinilega hægt að
staðsetja í nýju íbúðunum
ásamt kennarastofunni og
fleiri herbergjum.
„Já minningarnar eru
margar úr þessum skóla. Mér
finnst frábært að húsið hafi
ekki verið rifið og sagan þar
með þurrkuð út. Þetta er svo
dýrmætt fyrir bæinn og
bæjarbúa,“ segir Júlíus og
nefnir ýmis spaugileg atvik
sem hentu hann á
skólalóðinni og á skrifstofu
skólastjóra. Segir hann að í
stærstu íbúðinni sé einmitt
kennarastofan og
hjónaherbergið er þar sem
skrifstofa skólastjóra var
forðum daga.
Landmark
Eins og fram kemur í inngangi
greinarinnar er það
Landmark fasteignamiðlun
sem sér um sölu íbúðanna í
gamla barnaskólanum. Þau
Júlíus og Monika eru þar
eigendur, ásamt fjórum
öðrum, en Kaupsýsluna
fasteignasölu starfræktu þau í
átta ár áður en hún
sameinaðist Landmark árið
2020 en sú miðlun hefur
starfað frá árinu 2010. Höfuð-
stöðvarnar eru í Hlíðarsmára
í Kópavogi en svo eru útibú á
Sauðárkróki og á Ísafirði.
„Þetta er heimþráin í
okkur, ég elska að hafa
tenginguna hingað og án þess
að ég vilji vera hádramatískur
þá tosa taugarnar í mig,“ segir
Júlíus og Monika samsamar
því og segir gaman að koma á
Krókinn. „Ég hef sagt við Júlla
að þetta eigi eftir að enda með
flutningum. Við erum farin
að lifa okkur ansi mikið inn í
samfélagið, höfum
náttúrulega verið á kafi í
Tindastólsdramatíkinni í
körfunni. Mér finnst ég orðið
tilheyra samfélaginu sem er
yndisleg tilfinning, ég borgar-
barnið! Ég sem hef aldrei búið
úti á landi, fæddist í
Gautaborg og hef síðan átt
lögheimili í Reykjavík allar
götur síðan. Það var ekki
markviss ákvörðun að fara að
vinna hér á Króknum, þetta
þróaðist bara þannig.
Tengslanetið okkar er mjög
sterkt hérna, en fyrst vorum
við eingöngu að selja
fasteignir á höfuðborgar-
svæðinu fyrir brottflutta eða
þá sem áttu eignir í bænum.
Svo byrjaði þetta á einhverjum
einum sem spurði hvort við
gætum selt húsið hans á
Króknum. Síðan vatt þetta
upp á sig án þess að
frumkvæðið væri okkar. En
svo smátt og smátt hefur þetta
aukist, við fórum að sækjast
eftir því að dvelja hér í
Skagafirðinum fagra og
staðan er orðin þannig að við
þekkjum markaðinn hér vel,“
segir Monika í lokin.
VIÐTAL
Páll Friðriksson
Nýtt hús á gömlum grunni, Sæmundargata 2a. MYNDIR: PF
Hjónin og fasteignasalarnir Monika Hjálmtýsdóttir og Júlíus Jóhannsson.
MYND: AÐSEND
6 22/2022