Feykir - 05.12.2022, Page 4

Lífið of stutt til
þess að taka sjálfan
sig of hátíðlega
Það gleður marga fyrir þessi jól að enn ein
bókin í flokknum Skagfirskar skemmtisögur er
komin út. Þar hefur Björn Jóhann Björnsson,
blaðamaður með meiru, haldið utanum og
safnað efni allt frá upphafi en fyrsta bókin
kom út 2011. Í inngangi bókarinnar segir að í
upphaflega hafi verið gert ráð fyrir einni bók en
nú eru þær orðnar sex að tölu.
Feykir hafði samband
við Björn og byrjaði á að
spyrja: Er alltaf verið að
lauma að þér sögum?
-Já, eftir að fimmta
bókin kom út fyrir sex
árum bættust alltaf við
ein og ein saga, án þess
að ég væri að safna
þeim markvisst. Fannst
þetta bara orðið ágætt.
Í byrjun, fyrir um ellefu
árum, var rennt blint í
sjóinn en síðan kom fljótt
í ljós að skemmtisögurn-
ar voru úti um allt hérað.
Fólk hefur almennt tekið
mér vel og verið tilbúið
að segja manni sögur eða
benda á aðra sem kynnu
sögur. Eins og við var að
búast eru alltaf einhverjir
sem liggja á sögunum
eins og ormur á gulli.
Ég virði það, en bendi
bara á mikilvægi þess
að varðveita sögurnar
á prenti. Þó þær kallist
oft munnmælasögur þá
Kápumynd Skagfirskra skemmtisagna 6 sýnir túlkun á einni þekkt-
ustu sögunni af Bjarna Har, bæjarstjóranum í útbænum.
Enn fleiri skagfirskar skemmtisögur
| Björn Jóhann í stuttu spjalli
er hætt við að þær falli í
gleymskunnar dá með
tímanum.
Má þá ekki búast við
sjöunda bindinu? -Það
er aldrei að vita, saman-
tekt á sögunum í sumar
og haust gekk alla vega
mjög vel, mun betur
en ég átti von á. Hélt ég
væri búinn að þurrausa
alla helstu sagnamenn
Skagafjarðar en það
bætist alltaf í hópinn.
Undirtitill sjötta bindis-
ins, Fjörið heldur áfram,
segir kannski einhverja
sögu.
Þú segir að helsta
áskorunin hafi verið
að halda sig sem næst
sannleikanum. Hvað
áttu við? -Góð spurning,
ég er alls ekki að segja að
sögurnar séu uppspuni,
þvert á móti. Þær eiga
sér allar einhverja stoð
í raunveruleikanum.
Vandinn er að sögurnar
eru margar hverjar til
í ýmsum útgáfum. Þá
hefur reynst erfitt að
birta hina einu réttu
útgáfu. Ég hef fengið
athugasemdir um að
hin og þessi sagan
hafi verið svona og
hinsegin, en eins og
segir einhvers staðar
þá má góð saga aldrei
gjalda sannleikans!
Stundum hefur þurft að
rata milliveginn. Ég veit
að framsóknarmenn í
Skagafirði skilja mjög
vel hvað ég á við!
Hvað ertu með á
prjónunum fyrir utan
Skagfirsku skemmti-
sögurnar? -Það er nú
svo sem ekkert sér-
stakt, annað en vinnan
og reyna að sinna
fjölskyldu, vinum og
áhugamálum. Ekki
lækkar forgjöfin í golfi-
nu, svo mikið er víst!
Alltaf eru einhverjar
hugmyndir á blaði, sem
enda þá annað hvort í
ruslakörfunni eða verða
geymdar í skúffu til
síðari tíma pælinga.
Í lokin vill Björn
Jóhann þakka öllu því
frábæra fólki sem hefur
lagt til sögur.
-Fjölskyldu Bjarna
Har þakka ég sérstak-
lega fyrir að gefa leyfi
til að hann fái að prýða
bókarkápuna. Þar er
skopteikning sem túlk-
ar líklega þekktustu
söguna af Bjarna,
allt í stíl hjá BP! Með
þessu vildi ég heiðra
minningu góðs vinar
sem kvaddi í byrjun
þessa árs. Lesendum
bókanna eru þakkaðar
viðtökurnar undanfarin
ár og ég vona að sjötta
bindið valdi ekki miklum
vonbrigðum. Mest um
vert er að hafa gaman
af þessu öllu og taka sig
ekki of hátíðlega. Lífið er
of stutt til þess.
VIÐTAL
Páll Friðriksson
Háeyri 1 | 550 Sauðárkrókur | +354 455 4400 | fisk@fisk.is
Óskum landsmönnum gleðilegra jóla
og farsældar á nýju ári
n
ýp
re
n
t
e
h
f.

|
1
2
2
0
2
2
4 2022