Feykir - 05.12.2022, Side 12
Rótarhnyðjur og rekatré
Hugsað til framtíðar í von og trú og
kveðið í þeim anda:
Haldast mun í horfi kláru
hagsæld góð á landi hér,
meðan synir bjargs og báru
búa sig í lífsins ver.
Heyrði aldurhniginn mann kvarta yfir
eigin afturför, orti í hans orðastað:
Frá eru rökin fyrr mér léð,
fúinn hrekkur strengur.
Gömlu tökin kær ég kveð,
kann þau ekki lengur.
Kvað eitt sinn til starfsfélaga:
Alla tíð á vinnuvakt
vanda þarf sig mikið.
Sagaðu ekki svona skakkt,
sérðu ekki strikið?
Stundum er ekki hreinlega að málum
gengið:
Margir enn af Marðar ætt
munu á þjóðarsviði,
stunda það að svíkja sætt
og sundra öllum friði.
Heyrði talað um slæma meðferð á
auðlindum þjóðarinnar og orti:
Margur verður maurapúki,
meiðir lífsins helgu vé,
meðan andinn aurasjúki
elur sig á þjóðarfé.
Var að hlusta á harmonikkuspil föður
míns og kvað:
Hljómarnir gullregni
um huga minn strá
og hlæjandi um sálina labba.
Nú eins og ætíð
ég nýt þess að sjá
nikkuna í fanginu á pabba.
Önnur er lífsbaráttan nú á tímum en var
í eina tíð:
Raunsæ viðhorf líta lok
lífs í svaði djúpu.
Gleypa menn með græðgi í kok
gerviþarfasúpu.
Ekki fer ævinlega allt eins og ætlast er til.
Orti eitt sinn við slíka niðurstöðu:
Ævitímans harða hrís
hlýtur skímu að spilla.
Mörg er glíman mönnum vís,
margt er rímað illa.
Var að skipta um gler í húsi mínu og fékk
liðsauka og kvað:
Gott er að finna fyrir því,
fráleitt skal það rengja,
að mörgum hjálpa heimi í
hendur góðra drengja.
Kvaddi mann, sem jafnan undi sér best
úti í náttúrunni, með þessari vísu:
Þó veröld léki hann illa oft
átti hann söng á tungu.
Svalg þar frjáls hið fríska loft,
fyllti brjóst og lungu.
Orti eitt sinn um fyrri tíðar bændaforingja:
Það gleymdi enginn Gesti á Hæli
er Gest á Hæli leit.
Hann átti til í meiri mæli
meira er nokkur veit.
Og við þenkingar yfir góðri og skemmti-
legri vísu orti ég eitt sinn:
Siggi á Blesa sínum reið,
saman rann við dimman geim.
Þó hann færi langa leið
lausa skeifan tolldi heim.
Skagaströnd 15. nóvember 2022.
Rúnar Kristjánsson
Kveðskaparpistill Rúnars Kristjánssonar
Erlingur B. Jóhannesson múrari aðstoðaði
Bjarna Har annað slagið við að panta vörur
gegnum netið frá Kína, m.a. fallega munstraða
tóbaksklúta, þessa bláu og rauðu sem margir
kannast við. Eitt sinn hafði Bjarni samband við
Erling og sagði að sig vantaði fleiri klúta. Þetta
var í nóvember 2020, undir það síðasta sem
Bjarni var í búðinni flesta daga. Erlingi fannst
það magnað að klútarnir væru allir búnir því
að hann hefði nýverið komið með til hans 50
klúta; 25 bláa og 25 rauða.
,,Já, þeir komu hingað framan úr Blönduhlíð-
inni og kláruðu lagerinn,“ sagði Bjarni og
Erlingur tók það gott og gilt svar, enda
Blöndhlíðingar annálaðir neftóbaksmenn.
Erlingur benti Bjarna næst á að það gæti verið
tæpt að ný sending af klútum frá Kína næðist
fyrir vertíðina á aðventu.
,,Það er í góðu lagi,“ svaraði Bjarni að bragði,
,,ég þarf ekki að snýta mér fyrr en eftir
mánaðamót.“
- - o - -
Bjarna var um árið boðið í fermingarveislu
hjá Munda í Tungu og Ernu. Hann kom
eilítið mjúkur í veisluna og ,,dyravörðurinn”
bað hann aðeins að hinkra á meðan Mundi
yrði sóttur. ,,Ekkert mál, ég held mig bara á
mottunni á meðan,” sagði Bjarni, sem stóð á
útidyramottunni fyrir utan húsið.
Úr Skagfirskum skemmtisögum 6
Bjarni heldur sig á mottunni
STÓRAR OG SMÁAR
Jólin eru komin
í Blóma- og gjafabúðina
Full búð af alls konar fallegu í jólapakkann!
Aðalgötu 14 | Sauðárkróki | & 455 5544
Hlökkum til að sjá ykkur
í jólaskapi!
Smíðaði stórt og
flott hamstrabúr
Gígja Glódís Gunnarsdóttir er 12 ára dverghamsturseigandi sem býr á Freyju-
götunni á Króknum. Glódís, eins og hún er oftast kölluð, er dóttir Gunnars Smára
Reynaldssonar og Klöru Bjarkar Stefánsdóttur og á hún systur sem heitir Dagrún
Dröfn. Dverghamsturinn hennar Glódísar ber nafnið Mjöll því hún er með hvítan
feld og er eins árs. Dverghamstrar eru einir af þrem minnstu hamstrategundum í
heiminum og þeir fæðast undir 2 cm á lengd. Þeir lifa í aðeins 2-3 ár og þegar þeir
ná fullorðinsárunum ná þeir aðeins að vera um 4,5–5 cm á lengd og 20–25 grömm
á þyngd og er meðgöngutími þeirra aðeins 20 – 22 dagar.
Hvernig eignaðist þú
Mjöll? „Ég passaði hamst-
ur fyrir frænku mína síð-
asta haust [2021] og eftir
það langaði mig mjög
mikið í minn eigin hamstur.
Við mamma fórum því
strax í að finna hamstur
og fundum Facebook-síðu
með dverghömstrum til
sölu og við höfðum sam-
band. Ég fékk svo hana
Mjöll gefins því mamma
hennar var nýbúin að
ráðast á hana. Konan sem
gaf mér hana var ekki viss
hvort hún myndi lifa það
af en hún hresstist heldur
betur við eftir að hún kom
til mín og er enn í fullu
fjöri.“
Hvað er skemmtilegast
við Mjöll? Allt, ég elska
að dúllast með hana, hún
er svo blíð og góð og
mér finnst mjög gaman
að endurraða og taka til í
búrinu hennar. Við Pabbi
smíðuðum svo stórt og
flott hamstrabúr í vor
handa henni sem hún er
mjög sátt við.
Hvað er erfiðast? Sagið
sem er notað í botninn á
búrinu getur farið út um
allt, (mömmu til mikillar
Gæludýrið mitt siggag@nyprent.is
Gígja Glódís | Dverghamsturinn Mjöll
Mjöll fer á stúfana en hún prýðir forsíðu JólaFeykis. AÐSEND MYND
gleði!) en það hefur alveg
hætt eftir að nýja búrið
kom en svo er pínu erfitt
að fara lengi burt frá
henni ef maður fer í frí en
þá hefur afi kíkt á hana í
heimsókn eða hún farið í
pössun.
Ertu með einhverja snið-
uga eða merkilega sögu
af Mjöll? „Halla, frænka
mín, og Sjonni kærastinn
hennar sóttu Mjöll fyrir
mig í Reykjavík og voru
með hana í eina nótt áður
en þau fundu far fyrir hana
heim á Krók. Þar týndist
hún í klukkutíma en þau
fundu hana svo í horni
hjá fataskápnum sínum og
náðu að nappa henni aftur
inn í búrið sitt.
Hafa skapast einhverjar
sérstakar jólahefðir í
kringum gæludýrið? Nei,
getum ekki sagt það en
auðvitað var búrið skreytt
í fyrra og það verður
örugglega toppað í ár.“
Hvernig mynduð þið
lýsa aðfangadegi hjá
gæludýrinu? „Frekar
venjulegum, sama chillið
og alla hina dagana nema
kannski kvöldmaturinn af
dýrari gerðinni, gúrka eða
gulrót jafnvel.“
Hvað finnst fjölskyldu-
meðlimum um jólahefðir
dýrsins? „Allir sprækir og
sáttir með þær“.
Glódís skorar á Bríeti
vinkonu sína að segja frá
kettinum sínum Nemó.
12 2022