Feykir - 05.12.2022, Síða 28

Þökkum fyrir frábæran stuðning og hlýju
í okkar garð á árinu sem er að líða.
Óskum Skagfirðingum og viðskiptavinum okkar
nær og fjær gleðilegra jóla og gæfuríks komandi árs
Félagar í Alþýðulist

Bestu jóla- og nýársóskir
til viðskiptavina nær og fjær
með þökk fyrir viðskiptin
á líðandi ári.
Hátíðarkveðjur
frá Léttitækni
LÉTTITÆKNI EHF
smellirnir minna vissulega
ekki á fuglakliðinn í Drangey á
Jónsmessunótt en með sínum
hætti eru þeir jafnhljómmiklir
af því að krafan um þögn er svo
rík í nánd þessara fjalla. Víst
væri vænna að vera hér einn
með sjálfum sér og eilífðinni en
því er ekki að heilsa.
Þarna áttum við ógleyman-
lega minningarstund um Sigríði
frá Djúpadal. Norbu fararstjóri
hafði undirbúið hana og stýrði
henni með Guðrúnu, dóttur
hennar, en Norbu er vígður
í Búddafræðum. Að hætti
búddatrúarmanna hafði hann
látið útbúa bænaflögg sem
henni voru helguð og nafn
hennar áritað. Hann kveikti
í ótal reykelsisstöngum sem
hann útbýtti meðal okkar en
síðan fór hver og einn með
bæn í hljóði, við lögðum blóm
að bænaflöggum og stungum
reykelsi í jörð, sungum síðan
Ástarfaðir himinhæða, Blessuð
sértu sveitin mín og fórum með
Faðirvor. Þetta var falleg athöfn
í sólskini, stundin hrífandi og
eftirminnileg. Ég held að allir
hafi tárast.
Eftir margvíslega mynda-
töku héldum við niður fjall-
ið, ennisljós í vasa og nú var
okkur vel heitt; síðar nær-
buxur fullkomlega óþarfar
í morgunsólinni; við vorum
kannski eins og í kafara-
búningum í sólbaði ef líkja
má göngumönnum við sól-
dýrkendur: göngulagið verður
svo stirðbusalegt þegar fólk er
í þykkum klæðum. Við tókum
hraustlega til morgunverðar,
fengum góðan hafragraut, egg
o.fl. En síðan hófst gangan
niður. Framundan var 1.700 m
lækkun, þar af var að minnsta
kosti ein Esja eða hálfönnur
í tröppum; í leiðsögubók sá
Sérsmíði innréttinga
og faglegur metnaður
hefur verið aðalsmerki
okkar um árabil.
Vandaðar skúffubrautir, lamir og þykkar
kantlímingar eru aðeins nokkur af einkennum okkar.
Við framleiðum gæðainnréttingar þar sem sígilt útlit og
vönduð vinnubrögð fagmanna eru höfð í fyrirrúmi.
sígilt útlit
N
Ý
PR
EN
T
eh
f.
Trésmiðjan Borg ehf
Borgarmýri 1 550 Sauðárkrókur
Sími 453 5170 tborg@tborg.is
Leitin að réttu lausninni
hefst hjá okkur...
N
Ý
PR
EN
T
eh
f.
Á Poonhill (3.200 m) við sólarupprás. Dhaulagiri ber hæst af fjöllunum
enda 8.173 m á hæð og var lengi talið hæsta fjall í heimi.
LJÓSM.: JÓHANNES K. SÓLMUNDSSON
Ógleymanleg með öllu er sólaruppkoman á Poonhill sem smám saman
gyllir Dhaulagiri (8.173 m). Það er einmitt þarna sem eilífðin er í sjónmáli.
Kaldhömruð jökulþil og blásvört hengiflug eru engu öðru lík. LJÓSM.: S.S.
ég að frá Ghorepani og niður
í dal væru 3.700 þrep og
rifjaði upp nafn á eldgömlum
krimma sem ég las í æsku:
39 þrep og ég er löngu búinn
að steingleyma! Leiðin lá
gegnum mörg smáþorp
og víða var verið að slátra
klauffénaði, enda er diwali
hátíðin í hámarki. Tveir karlar
voru að gera til sauðarkrof,
annars staðar breiddu menn
dúk yfir kropp af einhvers
konar nautpeningi, að okkur
sýndist miðað við horn sem
lágu þar; grasflötin blóðlituð
og trjábútur sömuleiðis sem
hefur verið lagður undir háls
dýrinu fyrir höggið; hlýtur
þó eiginlega að hafa verið
sauðfjárkyns því hindúar
borða alls ekki nautakjöt og
kynnu þó slátrarar að hafa
verið búddatrúar en viljað
bæta sér í munni. Bali hálffullur
af blóði stóð á flötinni og innyfli
við húsvegg. Í einum stað
sátu konur í lótusstellingu að
skera kjöt á fjöl á gólfi. Á öðru
býli var búið að hluta vöðva
hálfvegis í sundur en hékk
þó saman í um það bil hálfs
meters lengjum og voru þannig
hengdir út á snúru til þerris. Í
veðurblíðunni blakti þvottur
víða á stagi eða lá breiddur á
vegg, litskrúðugar barnaflíkur
áberandi. Á nokkrum stöðum
voru konur að gera húsum
sínum eða stétt til góða: í fötu
eða vaskafati voru þær með
blautan leir og neru honum
í veggi, á þök, í holur á stétt.
Karlarnir víðs fjarri en börn
á stjákli heima við.
Um síðir komum við í gisti-
stað, Tikhedunga. Þar ráða
búddistar ríkjum og Norbu
fararstjóri styrkir trúbræður
sína; hér niðri er hindúasiður
ríkjandi og búddistar með
sínum hætti eins og litbrigði í
skóginum og draga þó dám af
meirihlutanum. Konur lögðust
í jógaæfingar en við karlar
fengum okkur Everest og létum
niðurferð á 3.700 tröppum
líða úr fótum; það er kannski
alls engin jógaæfing en með
vissum hætti „andskotans puð
öfugu megin“ eins og einhver
sagði: það er ekki bara á
brattann að sækja, það er líka
niður sömu hæð að ganga
og reynir á aðra vöðva en
uppstigið.
Hér var fín veisla í kvöld
og kveiktur varðeldur. Einn
burðarmaðurinn okkar sló
trommu taktfast og drengirnir
dönsuðu og um síðir öll hjörðin
og eldurinn logaði glatt.
Líkamstjáning er sameiginlegt
tungumál, skrokk-esperantó.
28 2022