Feykir - 05.12.2022, Qupperneq 33
KJARNANUM HESTEYRI 2 550 SAUÐÁRKRÓKUR SÍMI 455 4570
Bílaverkstæði
með Meguiar’s
bílahreinsivörum
Eigum mikið úrval
af hágæða
bílahreinsivörum
frá Meguiar’s
Verið velkomin
í Kjarnann!
Öku- og bifhjólakennsla
- Aukin ökuréttindi - Vörubifreið
- Hópbifreið - Leigubifreið
- Öll vinnuvélaréttindi
- Eftirvagn
Ökuskóli Norðurlands
vestra á Facebook
& 892 1790 Birgir
Jólin mín
Anna Guðrún Guðjónsdóttir | Sauðárkróki
Á afmæli á aðfangadag
Hvað kemur þér í jólaskap? Jóla-
lög, jólaskreytingar, jólailmur og
hin árlega laufabrauðshelgi sem
stórfjölskyldan heldur þar sem við
skerum út laufabrauð.
Hvenær byrjar þú að jólaskreyta?
Í byrjun des.
Er búið að kaupa eitthvað af jóla-
gjöfum? Já, ég er eiginlega búin að
kaupa allar jólagjafir.
Hvert er besta jólalagið? Komdu
um jólin.
Sendir þú jólakort? Nei, hef ekki
verið að gera það.
Hvað finnst þér ómissandi að gera
yfir hátíðirnar? Fá mér Sigríðar-
súpu, mæta í öll jólaboðin og svo
finnst mér alltaf gaman að halda
upp á afmælið mitt en ég á afmæli
á aðfangadag og held alltaf smá
afmælispartý annan i jólum.
Hvað langar þig að fá í jólagjöf?
Mér finnst alltaf gaman að fá skartgripi.
Bakar þú fyrir jólin? Já, ég baka lakkrístoppa og piparkökur með stjúpdóttur minni
og svo hef ég líka brennt möndlur og gert alls kyns nammi.
Hver er uppáhaldskökusortin þín? Mér finnst sörurnar hennar mömmu langbestar.
Jólin eru… yndisegur tími til að skapa góðar minningar með fólkinu mínu. /KBS
Baldi Gústa á Hofsósi, faðir þeirra Gunnsa Balda
og Bergs, gat verið dálítið ör. Á efri árum sínum
bjó hann heima hjá Gunnsa og frú Margréti.
Einn daginn kom fyrirmenni í heimsókn sem
Baldi ákvað að gera vel við og fór upp á loft
þar sem harðfiskur var geymdur. Loftið var
forskalað og varð að ganga á sperrunum til
að ná í fiskinn. Baldi var kominn með fiskinn
í hendurnar en gleymdi sér um stund í
bakaleiðinni, steig á milli sperra, fór í gegnum
loftklæðninguna og niður á gólf í eldhúsinu.
Eðlilega brá heimilisfólki við eldhúsborðið en
gesturinn góði sagði kurteislega þegar mesta
rykið hafði sest:
„Kemurðu þessa leiðina, Baldi minn?“
Bjarni Maronsson var eitt sinn staddur á
Merkigili ásamt Þórólfi Péturssyni á Hjalta-
stöðum og fleirum. Kom þar að maður á bíl
með stóra hestakerru, sem hringdi heim í
Merkigil og spurði hvort væri óhætt að fara yfir
brúna með kerruna aftan í.
„Já, það er allt í lagi,“ sagði Þórólfur, „ég skrúfaði
hana saman sjálfur.“
Úr Skagfirskum skemmtisögum 6
Kemurðu þessa leiðina...
332022