Þjóðólfur - 01.04.1954, Síða 17

17
ið haldnar í skólahúsinu sjálfu, - þrátt
fyrir hín ömurlegu húsnæðisvandræSi
en nokkrar hafa þó verið haldnar annars
staðar, Skemmtiatriði hafa því miður ver-
ið fá á þessum dansæfingum, Ýmist fé-
lagsvist eða jafnvel alls engin, með
nokkrum undantekningum þó„ Hefur orðið
vart nokkurrar óánægju með þetta, sem
að sumu leyti á rétt á sér.
Hins vegar verður að taka tillit til
þeirra aðstæðna, að í skólahúsinu sjálfu
er illmögulegt eða alls ekki fært að hafa
leikstarfsemi eða önnur skemmtiatriði.
Við verðum nefnilega að horfast í augu
við þá staðreynd, að skólahúsnæðið, sem
við notum, er ræksni, sem býður okkur á
margan hátt algerlega ófullnægjandi skil-
yrði og mun verri en grönnum okkar í
Gagnfræðaskóla Austurbæjar.
Þetta sker skólafélaginu vissialega mun
þrengri stakk en annars þyrfti að vera,
og veldur því þungum búsifjum bæði fjár-
hagslegum og annars eðlis. Það virðist
því í hæsta máta mikið nauðsynjamál,
sem stjórn S. G. V. á nu í fyrir hönd fé-
lagsins, en það er beiðni til Fræðsluráðs
um styrk frá hinu opinbera til að stand-
ast straum af kostnaði við leigu sam-
komuhúsa undir skemmtanir félagsins.
Þetta er hið mesta réttlætismál, og ef
við beiðni þessari væri orðið, myndi það
brúa að miklu leyti bil það, sem mynd-
azt hefur við hinn ólíka aðbúnað sem
skólar höfuðstaðarins hafa orðið að þola
undanfarið. Mál þetta er enn á döfinni,
og munu nemendur áreiðanlega fylgjast
með því af athygli.
Þrátt fyrir húsnæðisvandræðin erum við
tilneydd að nota skólann að miklu leyti
undir skemmtanir, vegna þess að mjög
erfitt er að fá samkomuhús leigð á laug-
ardögum, en um aðra daga er ekki að
ræða undir samkomur félagsins. Má því
segja, að margt reki sig á annars horn
í þessum málum.
Einn liður skemmtistarfseminnar og
jafnframt eitt af hinum vandasömustu
verkefnum, sem skólafélagið hefur við að
glíma hverju sinni, er að gera hina ár-
legu árshátíð sómasamlega úr garði og
er því ekki hægt að hlaupa svo hratt
yfir sögu, að ekki verði á hana mínnzt.
Að þessu sinni var hún haldin í Sjálf-
stæðishúsinu þann 15„febr0 Er það
flestra mál, að hún hafi verið með
bezta móti núna, og engan þann þekki
ég, sem þaðan hefur farið óánægður.
Skemmtiatriðin voru mátulega löng og
nægilega fjölbreytt, til þess að engum
leiddist. Hljómsveitin var og ágæt, enda
var góð "stemmning’® ríkjandi út alla
skemmtunina. Árshátíðin hefur áreiðan-
lega verið skólafélaginu til sóma, og
eiga bæði stjórn og Árshátíðarnefnd
þakkir skilið fyrir hana.
Nokkur íþróttastarfsemi hefur einnig
verið á vegum félagsins, og hefur sér-
stök nefnd - íþróttanefnd - séð um þau
mál að mestu leyti. Ekki er því að
heilsa, að þessi starfsemi geti farið
fram í eigin íþróttahúsi, því að slík
"flottheit” eru óþekkt í okkar ágæta
skóla. Að undanförnu hefur skólafélagið
því leigt íþróttaheimili KR við Kapla-
skjólsveg undir æfingar sínar. Leiga
þessa húss er lang mesta fjárhagsbyrði
félagsins og því er í raun og veru al-
gerlega um megn að bera. Reyndar má
líka segja með töluverðum rökum, að
félaginu sé alls ekki nauðsynlegt að
halda þessari starfsemi uppi. Sú leik-
fimi, sem skólinn lætur nem. í té -
og þeim er skylt að sækja, ætti að
vera mikið meira en nóg til þess að
koma í veg fyrir, að þeir koðni niður
fyrir aldur fram sökum hreyfingarleys -
is. Þar að auki eru flestir þeir menn,
sem taka þátt í æfingum skólafélagsins,
félagsbundnir í einhverju íþróttafélag-
anna hér í bænum og sækja æfingar hjá
þeim.
Þegar svo er komið, að nem. eru
farnir að sækja íþróttaæfingar hjá þrem
aðilum á sama tíma, hlýtur öllum að
vera ljóst, að komið er út í öfgar. Samt
sem áðui finnst sumum það ganga guð-
lasti næst, ef minnzt er á að leggja
þessa starfsemi niður - hvað sem veldur.