Framkvæmdafréttir Vegagerðarinnar - 10.09.2021, Side 19

18 Framkvæmdafréttir nr. 713
5. tbl. 29. árg.
Framkvæmdafréttir nr. 713
5. tbl. 29. árg.
19
Verkframkvæmd
Markmið framkvæmdarinnar er að stytta og bæta
samgöngur í uppsveitum Árnessýslu og auka
umferðaröryggi með því að uppfylla hönnunarkröfur
og leggja bundið slitlag á veginn. Jafnframt er
nýjum vegi ætlað að bæta aðgengi ferðamanna
og sumarhúsagesta að vinsælum áningar- og
ferðamannastöðum. Með tilkomu nýs vegar yfir
Lyngdalsheiði og Bræðratunguvegar fyrir um 10 árum
jókst umferð um uppsveitir Árnessýslu talsvert og varð
uppbygging Reykjavegar enn meira aðkallandi. Stór
hluti umferðar um svæðið er tengdur ferðamennsku en
meginumferð er akstur milli Laugarvatns, Reykholts og
Flúða.
Eftir er að leggja reiðveg meðfram veginum
en stefnt er að því í vetur í samvinnu við
hestamannafélagið í uppsveitum Árnessýslu.
→ Efnisflutningar í veginn allan voru um 144.000 m3
sem tekið var úr skeringum í vegstæði og námum.
→ Í brúna fóru ríflega 500 m3 af steypu og ríflega 62
tonn af steypustyrktarstáli.
→ Vegurinn er 8 m breiður og 8,2 km að lengd.
→ Ný brú á Fullsæl er 20 m að lengd, eftirspennt
og í einu hafi. Tvær akbrautir eru á brúnni og er
heildarbreidd brúar 10 m.
→ Áætlaður heildarkostnaður vegna verksins er rúmar
1.000 m.kr. Þar af er kostnaður vegna hönnunar
umsjónar og eftirlits um 155 m.kr.
Helstu aðilar verksins
→ Hönnunardeild Vegagerðarinnar sá um
hönnunarstjórn fyrir framkvæmdina og gerð
útboðsgagna, auk hönnunar á brú yfir Fullsæl.
Jarðefnadeild sá um jarðfræðirannsóknir.
→ Framkvæmdadeild Vegagerðarinnar hafði umsjón
á undirbúningsstigi en tæknideild Suðursvæðis á
framkvæmdastigi.
→ Verkfræðistofan Verkís sá um frumdrög og
verkhönnun.
→ Verktaki var Þjótandi ehf.
→ Helstu undirverktakar voru Jáverk ehf. sem sá um
smíði brúar og Bikun ehf. sem sá um lagningu slitlags á
veginn.