Árbók Reykjavíkurborgar - 01.10.1986, Blaðsíða 166
Rafmagnsveita:
Samkvæmt 10. grein gildandi gjaldskrár Rafmagnsveitu Reykjavíkur, er
heimilt að breyta gjaldskránni til samræmis við verðbreytingar, enda
miðist gjaldskráin ætíð við það, að tekjur Rafmagnsveitunnar standi undir
rekstargjöldum hennar svo og aukningu veitukerfisins. Við ákvörðun
gjaldskrár skulu ætíð liggja fyrir áætlanir um rekstur og fjárfestingar á
næsta 5 ára tímabili.
Húsatryggingar:
í almennum vátryggingarskilmálum Húsatrygginga Reykjavíkur er kveðið svo
á, að skylt sé að hafa öll hús í lögsagnarumdæminu brunatryggð hjá þeim
aðila, sem tryggingarnar annast, samkvæmt ákvörðun borgarstjórnar, og með
því vátryggingarverði er dómkvaddir menn meta. Brunabótamatið skal miðast
við almennan byggingarkostnað í Reykjavík, þegar það fer fram, fyrir þá
gerð húsa, sem um er að ræða. Við endurmat skal taka tillit til aldurs og
ásigkomulags húsanna. Borgarstjórn er heimilt að breyta árlega
brunabótaverði húsa til samræmis við breytingar, er verða kunna á
byggingarkostnaði húsa í borginni.
Gatnagerðargjöld:
Samkvæmt gjaloskrá um þátttöku lóðarleigjenda í kostnaði við gatnagerð
krefur borgarstjórn leigutaka um gjald til þátttöku í kostnaði við
byrjunarframkvæmdir gatnagerðar, þegar hún selur á leigu byggingarlóðir.
Gjaldið skal greiða eftir nánari fyrirmælum borgarstjóra, strax og
borgarráð hefur gefið fyrirheit um lóðina. Leigutakar fá ekki leyfi til
að hefja byggingarframkvæmdir, fyrr en þeir hafa greitt eða gert
fullnægjandi greiðslusamning um gatnagerðarkostnaðinn.
Sundstaðir:
Borgarstjórn ákveður gjaldskrá sundstaðanna í Reykjavík, sem síðan er send
félagsmálaráðherra til staðfestingar, samkvæmt lögum um Sundhöli
Reykjavíkur, en það er í raun eina löggjöfin, sem sérstaklega fjallar um
sundstaði. Gjaldskráin var lengi miðuð við það, að tekjur samkvæmt henni
stæðu undir 60% reksturskostnaðar, en stefnt er að því að draga úr
hallanum á næstu árum. Frá 1984 hefur verið reikn^ð með því, að tekjur
sundstaðanna standi undir 80% rekstrarkostnaðar.
Húsaleiga:
Samkvæmt 36. gr. laga nr. 51/1980 um Húsnæðisstofnun ríkisins yetur
húsnaeðismálastjórn veitt ián til smíði og kaupa á leiguíbúðum, sem
sveitarfélög standa að. í 62. gr. laganna og 21. gr. reglugerðar
nr. 527/1980 er kveðið á um það, hver árleg leiga fyrir þessar íbúðir megi
vera, og staðfestir húsnæðismálastjórn húsaleigu samkvaemt þeirn grein. k
þessa grein hefur aldrei reynt í raun. Leiga sú, sem greidd er fyrir
íbúðarhúsnæði í eigu Reykjavíkurdorgar, hefur ávallt verið vel innau
þeirra marka, sem leyfileg eru, en hún er ákveðin af borgarráði
(borgarstjórn) að fengnum tiliögum félagsmálaráðs.