Árbók Reykjavíkurborgar - 01.10.1986, Blaðsíða 189
sérstaklega áskilin að lögum, enda sé eigi ágreiningur í borgarráði né við
borgarstjóra um slíkar ákvarðanir.
Verði ágreiningur um ákvörðun í borgarráði í sumarleyfi borgarstjórnar,
sbr. 1. mgr. 7. gr., telst málið eigi til lykta leitt, ef skemmri tími en
tvær vikur eru til næsta reglulegs fundar borgarstjórnar, fyrir liggur
ákvörðun um aukafund í borgarstjórn, eða bókuð er krafa í borgarráði um
aukafund í borgarsjórn og staðfesting, sbr. 2. mgr. 7. gr. berst borgar-
stjórn innan þriggja sólarhringa.
27. gr.
Borgarráð hefur eftirlit með fjárstjórn borgarinnar, sbr. 47. gr. laga
nr. 58/1961. Það undirbýr árlega fjárhagsáætlun borgarinnar og sér um, að
reikningar hennar séu samdir. Við undirbúning að fjárhagsáætlun ár hvert
skal borgarstjóri augiýsa eftir ábendingum og tillögum borgarbúa um mál, er
varða gerð fjárhagsáætlunar, og skal borgarráð hafa þær til hliðsjónar vió
tillögugerð sína.
Borgarráð ákveður, hvernig varið skuli fé því, sem ætlað er til
verklegra framkvæmda, að því leyti, sem siíkt er ekki fram tekið í
fjárhagsáætlun.
28. gr.
Skylt er starfsmönnum borgarinnar að sitja fundi borgarráðs, þegar til
umræðu eru málefni, sem störf þeirra snerta og þess er óskað af
borgarstjóra eða borgarráði.
V. KAFLI
Um borgarstjóra.
29. gr.
Borgarstjórn ræður borgarstjóra. Ráðningartími skal vera til loka
kjörtímabils borgarstjórnar. Gagnkvæmur upf.sagnarfrestur á ráðningartíma
er 3 mánuðir.
Nú næst ekki meirihluti í borgarstjórn fyrir ráðningu borgarstjóra, og
getur þá ráðherra ákveðið, að borgarstjórnarkosningar skuli fram fara á ný.
Borgarstjórn getur ákveðiö að fleiri en einn borgarstjóri skuli vera í
Reykjavík og skal þá ákveðið í reglugerð, hvernig störfum skuli skipt á
milii þeirra.
30. gr.
Borgarstjóri hefur á hendi framkvæmd ákvarðana þeirra, sem borgarstjórn
gerir og framkvæmd á málefnum borgarinnar yfirleitt að því leyti, sem
borgarstjórn hefur ekki ákveðið annað um tiltekin mál.
31. gr.
Borgarstjóri á sæti á fundum borgarstjórnar og borgarráðs,
sbr. 25. gr. og hefur þar sömu réttxndi og skyldur sem borgarfulItrúar,
nema annað sé sérstaklega fram tekið í þessari samþykkt. Ekki hefur hann
atkvæðisrétL, ntma jafnfromt sé hann borgarfulltrúi (borgarráðsmaður).
Hann hefur óbundið málfrelsi og tillögurétt á funrium borgarstjórnar og
borgarráðs.