Árbók Reykjavíkurborgar - 01.10.1986, Blaðsíða 183
II. KAFLI
Fundarsköp borgarstjórnar
3. gr.
Á fyrri fundi borgarstjórnar í júnímánuði ár hvert kýs borgarstjórn sér
forseta, svo og 1. og 2. varaforseta úr hópi borgarfulltrúa til eins árs.
Sá er rétt kjörinn forseti, sem fengið hefur atkvæði meira en helmings
borgarfuiltrúa. Verði þeim atkvæðafjölda ekki náð, skal kjósa aó nýju og
skal þá kjósa um þá tvo, sem flest atkvæði fengu. Ef þrír eða fleiri, sem
um skyldi kjósa, hafa fengið jafnmörg atkvæði, skal varpa hlutkesti um,
hverja tvo skuli kjósa. Verður þá sá rétt kjörinn, sem fleiri atkvæði fær,
þó að hann fái ekki helming atkvæða. Verði atkvæði jöfn, ræður hlutkesti.
Aldursforseti gegnir forsetastörfum, uns kosinn hefur verið forseti.
Ef enginn forseta er viðstaddur á fundi borgarstjórnar, gegnir
alaursforseti forsetastörfum, nema borgarstjórn ákveði að kjósa sérstakan
fundarstjóra í það skipti.
Ef forseti deyr eða varaforseti verður varanlega forfaliaður frá
störfum í borgarstjórn, áður en kjörtími hans er á enda, skal kjósa forseta
í hans stað fyrir þann tíma, sem eftir er kjörtímabilsins.
4. gr.
Forseti borgarstjórnar stjórnar umræðum á fundum hennar. Harm sér um,
að fundargerðir séu skipulega færðar í gerðabók og allar tillögur og
ályktanir séu rétt og nákvæmlega bókaðar, svo og hverja afgreiðslu þær
hljóta.
Forseti sér um, að allt fari löglega og skipulega fram á fundum
borgarstjórnar. Hann úrskurðar um skilning á fundarsköpum, skv. samþykkt
þessari, en skjóta má úrskurði hans til úrlausnar borgarstjórnar.
5. gr.
Borgarstjórn kýs tvo skrifara og tvo varaskriiara úr hópi
borgarfulltrúa til eins árs í senn á sama fundi og forsetakosning fer fram.
Skrifarar skulu kosnir hlutfaliskosningu.
Skrifarar skulu telja saman atkvæði, þá er atkvæðagreiðslur fara fram.
6. gr.
Borgarstjórn ræður sérstakan fundarritara utan borgarstjórnar, sem sér
um færslu gerðabókar og hafa skrifarar í samráði við forseta eftirlit með
því, að rétt sé fært til bókar.
í gerðabók skal þess geta, hvar og hvenær fundur sé haldinn, hverjir
sitji fundinn og hver sé fundarritari.
í fundarlok skal lesa upp gerðabók og skulu allir viðstaddir fulltrúar
undirrita hana. Hver fulltrúi, sem eigi er sammála hinum, á rétt á því, að
ágreiningsálit hans verði ritað með fáum orðum í gerðabókina.