Árbók Reykjavíkurborgar - 01.12.1993, Blaðsíða 141

125
6. gr.
Stjórn félagsins skal halda skrá yfir hlutabréfin í framhaldandi töluröð og skal þar
greina:
1. Utgáfudag hvers hlutabréfs.
2. Nafn eiganda hlutabréfs.
3. Nafnverð bréfsins.
4. Eigendaskipti og aðrar breytingar er verða kunna og tilkynntar hafa verið.
7. gr.
Hver hluthafi er skyldur til, án nokkurrar sérstakrar skuldbindingar frá hans hendi, a ð
hlíta samþykktum féíagsins þeim, sem nú gilda eða síðar meir kunna að verða settar
á lögmætan hátt.
8. gr.
Engar hömlur skulu vera á meðferð hlutabréfa í félaginu og er hluthöfum heimilt a ð
selja þau og veðsetja án afskipta félagsins. Tilkynna skal stjórn félagsins um
eigendaskipti að hlutum í félaginu til innfærslu í hluthafaskrá. Hluthafaskráin skal
vera fullgild heimild um eigendur hlutabréfa í félaginu og fá þeir einir tilkynningar og
fundarboð frá stjórn félagsins, sem þar eru skráðir, sbr. 6. gr. Félaginu er heimilt a ð
kaupa eigin hlutabréf að því marki, sem lög leyfa.
9. gr.
Hluthafafundur einn getur ákveðið hækkun hlutafjár, hvort heldur er með áskrift
nýrra hluta eða útgáfu jöfnunarhlutabréfa. Hluthafar hafa forkaupsrétt að öllum
aukningarhlutum í hlutfalli við skráða hlutafjáreign sína, en að öðru leyti fer um
útgáfu slíkra hluta eftir þeim reglum, sem stjórn félagsins setur í samræmi við
ákvörðun hluthafafundar hverju sinni.
10. gr.
Hluthafar bera eigi ábyrgð á skuldbindingum félagsins fram yfir hlut sinn í félaginu,
nema þeir hafi sérstaklega tekið slíka skuldbindingu á hendur.
III. kafli.
Hluthafafundir.
11. gr.
Æðsta vald í málefnum félagsins er í höndum lögmætra hluthafafunda. Félagsstjórn
skal boða til hluthafafunda með tilkynningu til hvers hluthafa í ábyrgðarbréfi eða
símskeyti eða á annan jafn sannanlegan hátt. Aðalfund skal boða með minnst
fjórtán daga fyrirvara en aukafund með minnst sjö daga fyrirvara. Fundarefnis skal
getið í fundarboði. Hluthafafundur er lögmætur ef hann er löglega boðaður og
mættir eru hluthafar eða umboðsmenn þeirra sem hafa yfir að ráða helmingi
hlutafjár í félaginu að minnsta kosti. Verði fundur ólögmætur vegna annmarka að
þessu leyti skal boðað til nýs fundar innan mánaðar með sjö daga fyrirvara og
verður sá fundur lögmætur til að ræða þau mál sem ræða átti á fyrri fundinum ef á
honum mæta tveir hluthafar eða fleiri eða umboðsmenn þeirra enda ráði þeir yfir