Fréttabréf Verkalýðsfélags Akraness - jún. 2005, Blaðsíða 2

2
Njótið
sumarsins!
VLFA býður félagsmönnum
sínum upp á góðan sparnað í
sumarfríinu
Afsláttur í ferjurnar Herjólf
og Baldur
Félagsmenn geta keypt afsláttarein-
ingar í Vestmannaeyjarferjuna Herj-
ólf og Breiðafjarðarferjuna Baldur.
Afslátturinn nemur á bilinu 40-60%
og kemur sér vel ef ferðinni er heitið
út í eyjar.
Ódýrara í göngin
Félagsmenn geta einnig keypt stak-
ar ferðir í gegnum Hvalfjarðargöngin
á 600 krónur á skrifstofu félagsins.
Stök ferð í gegnum göngin kostar
enn 1000 krónur sé hún keypt í
gjaldskýlinu.
Veiðileyfi og tjaldstæði
Félagar í VLFA, makar þeirra og
börn innan 16 ára geta fengið frítt
veiðileyfi í Eyrarvatni, Þórisstaðavatni
og Geitabergsvatni í Svínadal. Einnig
eiga félagsmenn frían aðgang að tjald-
stæði á Þórisstöðum. Félagatal liggur
frammi hjá staðarhaldara svo félagar
geta einfaldlega mætt á svæðið með
persónuskilríki.
Nr 1. 1. árgangur 3. júní 2003
Útgefandi: Verkalýðsfélag Akraness
Sunnubraut 13 - 300 Akranes
Sími: 430-9900 - Fax: 430-9901
Netf.: skrifstofa@vlfa.is og vlfa@vlfa.is
Heimasíða: www.vlfa.is
Ábm: Vilhjálmur Birgisson
Hönnun: Aðalsteinn S. Sigfússon
Umsjón texta: Jóhanna G. Harðardóttir
Umbrot: Uppheimar
Prentun: Prentverk Akraness
Félagsmenn VLFÍ geta fengið ókeypis
lögfræðiráðgjöf hjá lögmanni félagsins
með því að panta sér viðtalstíma á
skrifstofu félagsins í síma 430-9900.
Ingólfur Hjartarson lögmaður hefur
reynst félagsmönnum styrk stoð í ýms-
um málum. Hagnaðarhlutdeild sem
starfsmann Íslenska járnblendifélagsins
fengu greidda nam um 7 milljónum.
Ennfremur má nefna að Ingólfur
hefur unnið í málum þeirra aðila sem
lentu í rútuslysi verkafólks Norðuráls,
starfsþmanna síldarbræðslunnar sem
fengu greiddar liðlega 2 milljónir úr
samningum hans, starfsfólks heimilis-
hjálpar, nokkurra starfsmanna Klafa
og svo mætti lengi telja. Störf Ingólfs
fyrir félagið hefur á síðastliðnu ári
skilað félagsmönnum VLFA u.þ.b. 14
milljónum króna og í öllum tilfellum
hafa tekist sættir án dóma.
Lögfræðiþjónusta í boði félagsins
Félögum gefst kostur á að lækka sumarfrís-
kostnaðinn með ýmsum hætti.
Rétt rúmir 18 mánuðir eru liðnir síð-
an ný stjórn tók við í Verkalýðsfélagi
Akraness. Á þessum 18 mánuðum hefur
félagið tekið algjörum stakkaskiptum til
hins betra. Það voru mörg brýn mál sem
biðu nýrrar stjórnar þegar hún tók við
félaginu. Innheitu- og iðgjaldaskráning
félagsins var í verulegum ólestri en
tekist hefur að koma þeim málum í
það horf sem þau þurfa að vera. Það er
grundvallarforsenda þess að starfsemi
félagsins geti verið með eðlilegum hætti.
Þegar ný stjórn tók við var fjárhagsstaða
Verkalýðsfélags Akraness afar bágborinn
svo ekki sé fastar að orði kveðið. Þá
hafði félagið verið rekið um tíma með
yfirdráttarláni sem sýnir hversu alvarleg
staða þess var orðin.
Núverandi stjórn tókst á einu ári að
snúa þessari þróun við og er ólíkt um
að litast þegar fjárhagur félagsins er
skoðaður. Heildarhagnaður félagsins
jókst um 115% á fyrsta heila starfsári
nýrrar stjórnar.
Stjórn félagsins hefur á þeim stutta tíma
sem hún hefur haldið um stjórnartaumana
oft þurft að taka á mjög erfiðum málum
þar sem við réttindi félagsmanna hafa
verið í húfi. Ágreiningur hefur til
að mynda komið upp um túlkun á
kjarasamningum. Í öllum þessum málum
hefur náðst niðurstaða. Í heildina hefur
þessi réttindabarátta skilað félagsmönn-
um VLFA um 14 milljónum króna.
Stöndum vörð
um áunnin réttindi
Það er og verður stefna stjórnar félagsins
að standa einarðlega vörð um öll áunnin
réttindi félagsmanna og mun stjórn
félagsins ekki horfa í tíma né kostnað í
þeirri réttindabaráttu. Stjórn félagsins
hefur verið að leita leiða til að auka og
bæta þjónustu við félagsmenn eins og
kostur er og er útgáfa þessa fréttabréfs
einn liður í þeim efnum.
Sú þjónusta sem stjórn félagsins er
hvað ánægðust með er aðstoð við gerð
skattaframtala fyrir fullgilda félagsmenn
en tugir félagsmanna nýtta sér þessa
aðstoð nú í byrjun árs. Einnig er stjórn
stolt af jólaballinu sem félagið heldur og
býður börnum fullgildra félagsmanna.
Ekki er heldur hægt annað en að
minnast á hækkun sem orðið hefur á
sjúkradagpeningum frá því ný stjórn
tók við sjóðnum. Nemur sú hækkun 33
prósentum og eru sjúkradagpeningar
hjá Verkalýðsfélagi Akraness orðnir með
því besta sem gerist innan Starfsgreina-
sambands Íslands.
Félagsmönnum fjölgaði um 200 á
síðasta ári sem gefur ótvírætt til kynna að
félagsmenn eru ánægðir með þá þjónustu
sem félagið veitir, þó að vissulega megi
alltaf gera betur í þeim efnum. Við setjum
markið hátt. Markmið núverandi stjórnar
er að Verkalýðsfélag Akraness verði það
stéttarfélag á Íslandi sem mest og best
þjónar sínum félagsmönnum hér á landi.
Með viljann að vopni er allt hægt.
Gleðilegt sumar.
Ágætu félagsmenn
Vilhjálmur Birgisson.