Fréttabréf Verkalýðsfélags Akraness - jún. 2005, Blaðsíða 5

5
Endurbætur
Orlofshús og íbúðir félagsins hafa fengið
andlitslyftingu í vor og margt endurnýjað
í húsunum. Skipt var um eldhús- og
baðinnréttingar í öllum orlofsíbúðum
félagsins á Akureyri og bústaðirnir í
Húsfelli, Hraunborgum og Svínadal voru
lakkaðir að inna. Íbúðir félagsins við
Furulund á Akureyri eru uppbókaðar fyrir
löngu. Það sama má segja um bústaðinn í
Húsafelli og nýja raðhúsið í Stykkishólmi
er einnig að verða fullbókað. Fáeinum
vikum er enn óráðstafað í Hlíð á Hval-
fjarðarströnd og nokkrar stakar vikur
eru lausar í Svínadalnum, Ölfusborgum,
Hraunborgum í Ölfusi og í Klifabotni í
Lóni. Tekið er við pöntunum á skrifstofu
félagsins.
Útleiga í vetur
Ásókn í helgardvöl í bústöðum félags-
ins yfir veturinn hefur aukist mikið
undanfarin ár. Helgardvölin kostar
7.500 krónur fyrir félagsmenn og er þá
miðað við að dvalið sé frá föstudegi til
mánudags, nema í Hlíð þar sem þarf að
skila á sunnudegi.
Fullt var í öllum bústöðunum yfir jól,
áramót og páska og mjög margir notuðu
tækifærið að taka sér aukafrí í bústað
yfir helgi í góðu veðri síðastliðinn vetur.
Búist er við að bústaðirnir verði vel
bókaðir næsta vetur svo það er gott að
hafa tímann fyrir sér að panta pláss fyrir
hátíðirnar.
Gagngerar endurbætur á
sumarhúsum félagsins
Sumarhúsin er geysilega vinsæl og nú eru aðeins örfáum
vikum óráðstafað af sumardvöl þessa árs
Miklar endurbætur hafa verið gerðar á orlofshúsum
félagsins í vor. Til að mynda var skipt var um eldhús-
og baðinnréttingar í öllum orlofsíbúðum félagsins á
Akureyri.
Bústaðirnir í Húsfelli, Hraunborgum og Svínadal
voru lakkaðir að inna.
Nýjasti kosturinn í orlofsíbúðum félagsins er í nýju raðhúsi að Laufásvegi 21-31 í Stykkishólmi.
Íbúðirnar í húsinu er einstaklega vistlegar eins og dæmin hér að ofan sýna.
Fylgist með á
vefnum
Vefsíða félagsins er hafsjór af
fróðleik og fréttum
Síðan er að jafnaði uppfærð daglega
og þar má finna allar upplýsingar sem
félagsmenn þurfa á að halda. Fréttir
af samningaviðræðum og öðrum við-
fangsefnum stjórnar og ýmissa nefnda
eru uppfærðar um leið og staðan
breytist og einnig er þar að finna upp-
lýsingar um þjónustu sem stendur
félagsmönnum til boða.
Hægt er að senda inn fyrirspurnir á
vefnum og er þeim svarað greiðlega á
netfang spyrjenda.
www.vlfa.is