Ferðir - 01.04.1953, Blaðsíða 10
6. blaðsíða
[Ferðir
sumir með hatta á höfði, aðrir með húfupottlok. Vorum við
nú farnir að kenna töluverðrar bleytu inn úr fötum okkar.
Áfram héldum við suður allan Mjóadal, og eftir því sem
ofar kom á dalinn, varð úrkoman krapakenndari og farið
að grána í rót. Þegar suður á Fremri-Mosa var komið, var
orðið hálfdimmt, og framgangnamenn ekki komnir og helzt
útlit fyrir, að stórhríð væri í aðsigi. Snjór var þar vel í skó-
varp. Holdvotir vorum við frá hvirfli til ilja. Fyrsta verk
okkar var að spretta af hestunum og hefta þá, þó að ekki
væri það gott í slíku veðri. Allir höfðum við gæruskinn í
hnökkunum. Breiddum við þau á hestana þeim til skjóls
og gyrtum yfir með yfirgyrðingum.
Á Fremri-Mosum er skjólalaust með öllu og slæmir hesta-
hagar, ekki sízt á haustin, þegar grös eru tekin að falla.
Kulda- og auðnarlegt er þar um að litast. Það helzta, sem
augað nemur staðar við í björtu veðri, er Kiðagilshnjúkur,
sem rís í nokkurri hæð, lítið eitt vestar en í hásuðri.
Næst var að reisa tjaldið og skríða inn í það. Rifum við
snjóinn með fótunum af bletti sem svaraði tjaldstærðinni.
Var þó krapableyta eftir í rótinni. Urðum við að sitja og
liggja í henni. Hefði þá verið gott að hafa gæruskinnin, en
þau voru á hestunum. Hnakkana bárum við inn og höfð-
um þá undir höfðum og herðum. Urðum við kyrrðinni
fegnir, þó að vistarveran væri bæði blaut og köld. Unglings-
piltur nýlega fermdur var einn af okkur í þessari ferð. Hafði
lrann verið heilsuveill og var nú orðið ískyggilega kalt.
Kerti höfðum við, og til allrar hamingju höfðu eldspýturnar
ekki blotnað, svo að við gátum kveikt ljóstýru. Nesti og
plögg höfðum við í skinnbelgjum eða skjóðum, svo að það
hafði ekki blotnað. Fórum við nú í þurra sokka, og var það
nokkur bót.
Rétt í þessu komu framgangnamenn. Voru þeir holdvotir,
kaldir og illa til reika. Höfðu þeir líka haft á móti veðrinu
að sækja. Engra kinda höfðu þeir orðið varir á sinni leið.
Sögðu þeir veðrið nálega bleytu-stórhríð. Varð okkur þá
hugsað til hestanna, sem úti stóðu, heftir, á bersvæði og hag-
leysu í slíku veðri. Fórum við nú að skoða nestið og fá