Nesfréttir - 01.06.2023, Page 10

10 Nesfrétt ir
Það er skýjaður júnídagur.
Góðviðrisrok og hitinn rétt um átta
gráður. Við mænum út um gluggana á himininn yfir bílastæðinu
og biðjum skýin um að bifast og fjúka í burtu. Sýnið okkur sólina!
Sendið nokkra geisla inn til okkar á bókasafnið, vinsamlegast. Svo
heldur vinnudagurinn áfram sólarlaus og við fussum ofan í kaffibolla.
Af hverju erum við að búa hérna í þessu skuggalandi?
Svo afgreiði ég portúgölsk hjón sem eru að læra íslensku og
taka allskonar bækur, bæði einfaldar og flóknar, málfræði, smásögur
og ljóð og íslenskar kvikmyndir á diskum. Þau elska allt íslenskt, segja
þau, og hér er þeirra annað heimili. En hvað með veðrið? Finnst
þeim sólarleysið ekkert erfitt? Neinei, segja þau, við erum svo leið
á sólinni heima. Þar er ekkert sem kemur á óvart. Íslenska veðrið
er svo mikið stuð!
Þau byrjuðu að læra tungumálið til þess að tala um veðrið.
Nú lærir stöðugt fleira fólk utan úr heimi íslensku, hvort sem það er
búsett hér eða hefur áhuga á landinu og menningunni, og á síðustu
árum hafa skáld af erlendum uppruna sem skrifa á íslensku orðið
meira áberandi. Verk þeirra eru mörg hver afar áhugaverð og sýna
okkur ný sjónarhorn á íslenska menningu og bókmenntir og nýjar
nálganir í stíl og beitingu tungumálsins. Óhætt er að mæla með bókum
eftir Elías Knörr, Natöshu S., Jakub Stachowiak og Ewu Marcinek m.a.
og safnritum á borð við Pólífónía af erlendum uppruna og Skáldreki
fyrir lesendur sem vilja upplifa tungumálatöfra.
Ewa Marcinek skrifar:
Ég gleymi aldrei fyrstu samræðum mínum á íslensku.
Í stórmarkaði.
„Viltu poka?“
„Já, takk.“
Á móðurmáli mínu hljómar poka eins og sýna mér.
Viltu poka? Viltu sýna mér hver þú ert?
Trúðu mér, ég myndi gera það ef ég kynni.
Stundum er svo margt líkt með íslenskunni og íslenska veðrinu.
Að lifa með veðrinu á Íslandi er eins og að halda með litlu
og titlasnauðu íþróttafélagi. Þá gleðst fólk þeim mun meira yfir
hverjum sigri.
Og þannig er það líka með tungumálið.
TRYGGVI STEINN STURLUSON
Bókavörður á Bókasafni Seltjarnarness
BÓKAÐ MÁL
SigrarSÍÐUSTU DAGAR OG VIKUR
FERÐIR OG FJÖR OG SÝNINGAR
Vorið og byrjun sumars er alltaf annasamur tími í félagsstarfi eldri
bæjarbúa á Seltjarnarnesi. Ágætis hópur fór saman á leirlistasýningu
Rögnu Ingimundar í Grafíksalnum í Hafnarhúsinu og síðan á Jómfrúna
á eftir. Skemmtileg ferð.
Önnur góð ferð var farin á hvítasunnudag þar sem farið var um
Vatnsleysuströndina. Knarrarneskirkja og slökkviminjasafn Íslands
voru heimsótt og var vel tekið á móti ferðalöngunum sem senda sínar
bestu þakkir.
Skemmtilegur sumarfagnaður var haldinn í salnum fimmtudaginn
1. júní. Boðið var upp á veitingar af ýmsum toga og varð úr hin besta
skemmtun þar sem Bjarni Hall mætti með gítarinn og hélt uppi
stuðinu. Einn af lokaviðburðum vetrarstarfsins er handverkssýningin
en hún var haldin helgina 10. og 11. júní sl. Á sýningunni mátti sjá
afrakstur allra námskeiða og vinnustofa sem störfuðu í vetur. Sýningin
var glæsileg að vanda fjölbreytt og flott uppsett. Margt fólk lagði leið
sína á sýninguna og var álit margra að þetta hafi verið glæsilegasta
sýningin hingað til. Margir gæddu sér á kaffi og vöfflum og einnig var
verslað handverk ýmiskonar í sölubásum sýningarinnar.
Svo var það sumarferðin á Snæfellsnes. Það er alltaf ákveðin
spenna í loftinu fyrir sumarferðirnar þar sem það skiptir máli
hvernig blessað veðrið verður. Dagurinn sem við völdum var
13. júní og má segja að það hafi eiginlega verið sumardagurinn
fyrsti. Lagt var upp frá Skólabrautinni kl. 8.30 í blíðskaparveðri
og var fyrsta tæknistopp í Borgarnesi. Síðan var ekið sem leið lá
út á Snæfellsnes. Viðkomustaðirnir margir, en meðal þeirra voru
Gerðhamrar, Arnarstapi, Malarrif, Lóndrangar og Skarðsvík og svo
blasti Snæfellsjökull við í allri sinni dýrð. Leiðsögumaður ferðarinnar
Gunnar Ingimundarson vel fróður um sögu allra viðkomustaða.
Veðrið var heilt yfir gott þó þungbúið hafi verið í einhverjar 2 klst.
Eftir kvöldverð sem snæddur var á veitingahúsinu Sker í Ólafsvík var
haldið út í sólina og voru það glaðir ferðalangar og smá lúnir sem komu
heim eftir tæplega 14 klst. ferðalag.
FRAMUNDAN
Nú hafa þær Lovísa Thompson og Hulda Margrét Gunnarsdóttir
tekið að sér að sjá um félags og tómstundastarf eldri bæjarbúa í sumar.
Þær hafa gefið út metnaðarfulla dagskrá sem má sjá hér. Hvetjum alla
til að taka vel á móti þeim stöllum og taka þátt í einhverju af því sem
í boði verður í sumar.
FÉLAGS- OG TÓMSTUNDASTARF
ELDRI BÆJARBÚA
Eyrartröð 16, 220 Hafnarrði
sími: 537-1029, www.bergsteinar.is
Eyrartröð 16
220 Hafnarrði
Opið kl. 11-16 virka daga
FALLEGIR LEGSTEINAR
Á góðu verði
Verið velkomin