Vesturbæjarblaðið - júl. 2023, Blaðsíða 15

15VesturbæjarblaðiðJÚNÍ 2023
GETRAUNIR.IS
107
GETRAUNANÚMER KR
Adama og Jakob.
Jakob Örn Sigurðarson hefur verið ráðinn aðalþjálfara meistaraflokks
karla í körfuknattleik hjá KR. Jakob hefur jafnframt verið ráðinn
framkvæmdastjóri deildarinnar. Þá er Adama Darboe genginn til liðs
við KR á ný, hann mun vera aðstoðarþjálfari Jakobs ásamt því að spila
með liðinu.
Jakob eða Kobbi er KR-ingum að góðu kunnur. Hann er alinn upp í
félaginu og hefur tvisvar sinnum hampað Íslandsmeistaratitlinum með
meistaraflokki karla, árið 2000 og svo árið 2009. Jakob á að baki farsælan
atvinnumannaferil en hann spilaði í Þýskalandi, á Spáni, í Ungverjalandi en
lengst af í Svíþjóð. Jakob kom aftur heim í KR árið 2019 og lék þar tvö tímabil
áður en hann lagði keppnisskóna á hilluna. Við tók við þjálfun en Jakob
hefur verið aðstoðarþjálfari meistaraflokks karla sl. 2 tímabil ásamt því að
þjálfa yngri flokka í KR við góðan orðstír. Jakob gerir þriggja ára samning við
kkd KR en Jakob mun jafnframt gegna stöðu framkvæmdastjóra kkd KR, en
það er ný staða innan deildarinnar.
Mikilvægt hefur verið að fá uppalda KR-inga aftur í meistaraflokkinn,
skapa góða liðsheild og kjarna sem verður skemmtilegt að horfa
á spila saman.
KR ingar þekkja Adama
KR-ingar ættu einnig að þekkja Adama Darboe. Adama, sem er 37 ára
danskur landsliðsmaður, lék stórt hlutverk í KR tímabilið 2021-2022 og var
þar með tæp 17 stig að meðaltali í leik og gaf 6,7 stoðsendingar, Adama
var framlagshæsti leikmaður KR það tímabilið með 18,9 framlagsstig að
meðaltali í leik. Adama spilaði með Stjörnunni á síðasta tímabili en kemur
aftur í Vesturbæinn og mun, ásamt því að spila, vera Jakobi til halds og
trausts sem aðstoðarþjálfari. Adama er þaulreyndur atvinnumaður, spilaði
lengi með Bakken Bears í Danmörku en hefur einnig spilað í Svíþjóð og með
Grindavík tímabilið 2007-2008.
Jakob ráðinn þjálfari
– Adama Darboe spilandi
aðstoðarþjálfari
Guðbjörg Vala Gunnars dóttir
og Helena Árnadóttir úr borð­
tennisdeild KR léku fyrir Íslands
hönd á fyrsta Evrópumeista­
ramóti í borðtennis fyrir 13 ára
og yngri, sem fór fram í Zagreb
í Króatíu dagana 14. til 18. júní.
Aðrir leikmenn Íslands voru
Heiðar Leó Sölvason og Kristján
Ágúst Ármann, báðir úr BH.
Keppnisfyrirkomulagið var á
þann hátt að leikið var í sameigin-
legu fjögurra manna liði. Fyrst er
leikinn tvenndarleikur. Síðan taka
við einliðaleikir þar sem stúlkur
leika við stúlkur í hinu liðinu og
drengir við drengi. Allir fimm
leikirnir voru spilaðir í riðlunum
og fékkst stig fyrir hvern unninn
leik. Síðan var leikið upp úr riðlu-
num um einstök sæti. Ísland lék
í riðli með Azerbaidjan, Póllandi
og Svíþjóð. Tómas Ingi Shelton,
unglingalandsliðsþjálfari var með
liðinu á mótinu.
Guðbjörg Vala og Helena
léku á EM U13 ára
Guðbjörg Vala Gunnarsdóttir og Helena Árnadóttir.
Stelpurnar í 4. flokki Gróttu/KR hafi verið félögum
sínum til sóma á Barcelona Cup síðustu helgi.
Liðið sópaði til sín verðlaunum og styrkti andann í
flokknum fyrir átökin fram undan í sumar. Vel var
liðið á árið 2023 þegar tekin var ákvörðun að liðið
skildi fara utan til keppni. Flokkurinn telur á fimmta
tug iðkenda og sannarlega tilefni til að spreyta
sig gegn erlendum liðum og þétta raðirnar. Eftir
vandlega yfirlegu foreldraráðs var ákveðið að Salou
sunnan við Barcelona á Spáni yrði áfangastaðurinn
til æfinga og keppni.
Alls lagði 41 fótboltastelpa upp í ferðina en fleiri
fylgdust með úr fjarlægð. Löngu bókuð ferð á tónleika
með Harry Styles og fótbrot skömmu fyrir brottför gerðu
það að verkum að nokkrir gallharðir liðsmenn fylgdust
stoltir með úr fjarlægð.
Ferðin hófst á þremur æfingadögum í steikjandi hita
þar sem æft var við fyrsta flokks aðstæður. Þjálfararnir
Júlíus og Þorsteinn stýrðu stelpunum á fjölbreyttum
æfingum og þess utan nutu stelpurnar tímans í sólinni
sem hélt sig fjarri Vesturbæ Reykjavíkur um sama leyti.
Fjölmargar fengu sér fléttur í hárið, farið var í jóga á
ströndinni og ekki ónýtt að geta skellt sér í sundlaugina
á hótelinu milli þess sem farið var á trúnó og pælt í
möguleikum fyrir Barcelona Cup. Einhverjir veltu fyrir
sér fjarveru Júlla þjálfara í strandarjóganu sem fullyrti að
hafa vaknað fyrir allar aldir og sinnt kalli jógaguðanna á
meðan aðrir sváfu fasta svefni.
Mótið var spilað á tveimur dögum og varð fljótt ljóst
að stelpurnar úr Vesturbænum og Seltjarnarnesinu,
sem sannarlega hafa myndað þétta liðsheild,
ætluðu sér stóra hluti. Áður en yfir lauk stóðu þær á
verðlaunapalli sigri hrósandi eftir glæsilegan árangur.
Grótta/KR tefldi fram þremur liðum sem öll stóðu sig
með sóma. Sérstaklega gaman var að sjá hve vel liðin
studdu við hvert annað enda öll að spila mikilvæga
leiki. Dramatíkin var allsráðandi og voru taugarnar
stundum þandar, meðal annars þegar grípa þurfti til
vítaspyrnukeppni.
Þrír leikmenn Gróttu/KR voru verðlaunaðir fyrir
einstaklingsframmistöðu. Kara Guðmundsdóttir
var valin leikmaður mótsins. Rakel Grétars skoraði
flest mörk mótsins og Matthildur Eygló var valin
markmaður mótsins.
Stelpurnar voru KR og Gróttu til fyrirmyndar og
sömuleiðis foreldrar, fararstjórar og þjálfarar sem héldu
af öryggi utan um hópinn. Stelpurnar eru komnar
til landsins, búnar að styrkja vináttuböndin eftir
fótboltaferð sem verður lengi í minnum höfð. Minningar
um ævintýri í sundlaugagarði, fótboltasöguna hjá
Barcelona og æsispennandi kappleiki í steikjandi hita
við úrvalsaðstæður verða án vafa rifjaðar upp næstu
vikur, mánuði og ár. Vinkonur, fótboltafélagar, allar sem
ein. Glæsilegir fulltrúar Vesturbæjar og Seltjarnarness.
Barcelona Cup meistarar 2023
Stelpurnar í 4. flokki Gróttu/KR.
- stelpurnar í fjórða flokki Gróttu/KR