Vesturbæjarblaðið - nov. 2023, Síða 10

10 Vesturbæjarblaðið NÓVEMBER 2023
Sálmabandið er skipað félögum
úr Dómkórnum. Hópur eða
band sem vakið hefur athygli
fyrir frjálsan og opinn flutning á
kirkju tón list. Bandið skipa séra
Sveinn Valgeirsson dómkirkju­
prestur sem spilar á kontra­
bassa, Ása Briem sem spilar á
harmónikku, Telma Rós Sigfús­
dóttir sem er víólu leikari band sins
og Sigmundur Sigurðarson og Jón
Ívars sem sjá um gítarleik.
Sálmabandið var stofnað 2019 er
það kom fyrst fram á krá í nágrenni
Dómkirkjunnar og stóð þar fyrir
sálmasöng. Hin síðari ár hefur
bandið hins vegar átt sitt hreiður
í plötuversluninni 12 Tónum á
Skólavörðustíg. Þar hafa þau staðið
reglulega fyrir skemmtilegum kvöld­
stundum þar sem markmiðið er
að koma saman og syngja saman
sálma úr nýju sálmabókinni. Sálma­
bandið kom fram í Dómkirkjunni
á Menningarnótt og nú síðast
þegar Iceland Airwaves tónlistar­
hátíðin stóð sem hæst og vakti þar
umtalsverða athygli enda ekki mikil
hefð fyrir því hér á landi að syngja
sálma og kirkjulega tónlist í þeim
útfærslum sem þau flytja hana.
Þegar tíðindamaður hitti þau í
Dómkirkjunni á dögunum höfðu
þau stillt sér upp með hljóðfærin
og vildu gefa komumanni tónlistar­
dæmi. Engu líkara var en þarna
stæði bluegrasshópur úr Vesturálfu
með grösugar víðlendur að baki en
ekki altaristöflu Dómkirkjunnar. Svo
fóru þau að leika. Tengingin við hina
amerísku tónlistarstefnu leyndi sér
lítt. Þau enduðu á að spila Hærra
minn guð til þín eftir Sarah Flower
Adams sem séra Matthías Jochums­
son snéri til íslenskrar tungu á sinni
tíð. Lagið er eitt þekktasta útfararlag
hér á landi og fyrsta erindi texta þess
hljómar svo í frumútgáfunni.

„Nearer my God, to Thee,
Nearer to Thee!
E’en though it be a cross
That raiseth me;
Still all my song shall be,
Nearer, my God, to Thee,
Nearer to Thee.“

Í flutningi Sálmabandsins verða
bluegrass áhrifin næsta augljós.
„Það gefur svo mikla möguleika í
flutningi að hafa bókstafshljóma
með sálmunum“ segir séra Sveinn
sem hefur augljóslega gott eyra fyrir
þessari tegund tónlistar. „Blágresið
fær að vera með en fyrst og fremst
er þetta, blátt áfram undirleikur
og tekur mið af lögunum hvort
það er jazzskotið, þjóðlagatónlist
eða eitthvað annað." Annars er
útfarartónlistin að breytast. Ný lög
eru sífellt að koma fram. Bubbi
Morthens er að verða vinsælasti
útfarasönghöfundurinn. Kemur á
eftir Ameríska slagaranum Banks
of Ohio sem séra Pétur heitinn í
Laufási gerði friðþægingratexta við
og kallaði í Bljúgri bæn. Lagið er
19. aldar ballaða og fjallar um morð
en séra Pétur studdist ekki við þá
textasmíð. Upphaf frumtextans er:

„I asked my love to take a walk
To take a walk, just a little walk
Down beside where the waters flow
Down by the banks of the Ohio.

Þau í Sálmabandinu eru rétt að
byrja. Nú standa þau fyrir jólasálma­
samsöng þriðjudaginn 5. desember
á 12 Tónum við Skólavörðustíg og
hlakka mikið til. Hefst það kl 20:00.
Dagurinn er ekki valinn af neinni
tilviljun, því daginn eftir, þann
6. desember er dagur heilags
Nikulásar, sem var vinsæll dýrling­
ur í Evrópu og einnig hér á landi í
kaþólskri tíð. Hann er talinn vera
forfaðir alþjóðlega jólasveinsins.
Klæði Nikulásar biskupskápan og
biskupsmítrið eru talin fyrirmynd
að rauðu síðkápu jólasveinsins og
jólasveinahúfunni. Nú er eftir að sjá
og heyra hvað Sálmabandið ætlar að
spila á aðfangadegi dýrlingsins.
Íslensk sálmatónlist
í bluegrass búningi
Sálmabandið
Sálmabandið hefur stillt sér upp í Dómkirkjunni.
Sálmabandið spilar á Tólf tónum.
Ný bók eftir Árna
Árnason Hafstað
Árni Árnason Hafstað, kennari til margra ára og fugla­
ljósmyndari, hefur lengst af ævi sinnar búið vestarlega á höfuð­
borgarsvæðinu. Hann er uppalinn á Seltjarnarnesi en hefur
megnið af fullorðinsárum sínum búið í Vesturbænum nærri
miðborginni. Á hvorum tveggja þessara staða þrífst fjölskrúðugt
fuglalíf og fyrir áhugamann um fuglaljósmyndun er þetta auðvitað
hið besta mál, enda stutt að fara til að fanga hina fiðruðu vini okkar
á mynd.
Lestur barna hefur löngum verið Árna hugleikinn og hefur hann í
gegnum tíðina samið og þýtt fjölmargar bækur, sem flestar eiga það
sameiginlegt að höfða ekki síst til þeirra barna sem af einhverjum
ástæðum glíma við lestrarerfiðleika, en spilla síður en svo fyrir hinum
fluglæsu, enda er efnið yfirleitt áhugavert.
Nýlega sendi Árni frá sér bókina Lesum um fugla. Þar kynnir
hann til leiks í stuttu máli og með vönduðum ljósmyndum
um 70 tegundir algengra fugla. Við forvitnuðumst aðeins um
þessa bók og sitthvað fleira.
Hef alla tíð verið innan um fugla
„Það má segja að ég hafi
verið innan um fugla alla tíð,
fyrst á Seltjarnarnesi og svo í
Vestur bænum. Á síðarnefnda
staðnum, þar sem ég bý nú
og hef búið lengst af, rölti ég
oft niður að Tjörn í leit að
myndefni, nú eða þvælist yfir
í Vatnsmýrina, eða ég lít við
í höfninni og gríp þá sjaldan
í tómt. Svo á ég senni lega
manna oftast erindi í Hóla­
valla garð og þá ekki til að vitja
um leiði, heldur til að taka þar
myndir af fuglum, en þangað sækja þeir margir, enda er girnilega
pödduflóru að finna í gömlum trjánum og hún er hátíðarmatur hjá
mörgum þeirra.“
Myndir frá Tjörninni og úr Vatnsmýrinni
Eru einhverjar af fuglamyndunum teknar í Vesturbænum?
„Já, heldur betur. Ég hef tekið mikið af myndum í Vesturbænum,
í kringum Tjörnina og í Vatnsmýrinni, enda fuglalífið fjölskrúðugt á
þessu svæði. Það er í rauninni Paradís fyrir fuglaáhugamenn. Ég hef
rekist á erlenda fuglaáhugamenn sem eru nánast gapandi yfir því að
það skuli vera kríuvarp í miðborg Reykjavíkur. Og svo er stutt að fara
út á Nes þar sem á öllum tímum árs er hægt að komast í fugla við
Bakkatjörn, Gróttu eða Suðurnes.“
Bókin er hugsuð fyrir börn
En þá að bók þinni, Lesum um fugla. Hvað geturðu sagt okkur
um hana?
„Jú, hún er hugsuð fyrir börn sem eru farin að lesa sér til gagns og
nýtist þeim og öllum öðrum sem hafa áhuga á að kynnast algengum
fuglum í íslenskri náttúru. Bókin er þannig upp byggð að fuglunum
er raðað í stafrófsröð, sem gerir það að verkum að það er þægilegt að
leita í henni, svo er lýsandi mynd af hverjum fugli fyrir sig og tvö til
þrjú lykilorð um hvern þeirra, sem er svo svarað í stuttum texta þar á
eftir.“
Hvet foreldra til að sitja með börnunum
En hvernig geta foreldrar komið að bókinni og stutt við lestur
barna sinna?
„Það geta þeir gert með ýmsu móti. Þeir geta auðvitað hjálpað
þeim við að lesa textann og rætt um þau atriði sem þar eru nefnd, svo
sem hvað það merki hjá álftinni „að vera í sárum“, eða þá að hrafninn
„sé alæta“. Svo er hægt að lesa í myndirnar og ræða um þær, en allt
þetta – lestur, spjall um textann og myndirnar – hjálpar börnum að
auka við orðaforða sinn og lesskilning og bætir svo vitaskuld sjálfan
lesturinn hjá viðkomandi barni. Ég hvet foreldra eindregið til að sitja
með börnum sínum þegar þegar þessi bók er lesin, nú eða ef aðrar
bækur eru hafðar um hönd og sýna því áhuga sem þau eru að lesa og/
eða skoða. Það er sannkölluð gæðastund og skilar sér svo sannarlega
þegar að fram líða stundir.“
Árni Árnason Hafstað með myndavélina.
Lesum um fugla
Þrastarungi í Hólavallagarði.
Markmið allra Vinaverkefna Rauða krossins
er að rjúfa félagslega einangrun fólks með því
að veita félagsskap/nærveru og hlýju. Sjálfboða­
liðastarfið er unnið út frá þörfum notanda hverju
sinni og útfærslur verkefnisins eru því fjölbreyttar.
Sjálfboðaliðar Símavina hringja í einstaklinga 18
ára og eldri af öllum kynjum. Hlutverk sjálfboðaliða
okkar er að hringja í þátttakendur úr eigin síma á
fyrirfram ákveðnum tíma. Hægt er að hringja
hvaðan sem er, en mælt er með að sjálfboðaliðar
hringi þaðan sem er ró og litlar líkur á mikilli truflun
fyrir samtalið.
Við gerum kröfu um að sjálfboðaliðar og
þátttakendur í verkefninu hafi náð 18 ára aldri.
Áhugasamir þátttakendur sem og sjálfboðaliðar
geta sótt um á vefsíðu Rauða krossins, hér:
www.raudikrossinn.is/verkefni/innanlandsverkefni/
heilbrigdi­og­velferd/vinaverkefni/
Símavinir