Fréttir - Eyjafréttir - 23.03.2023, Blaðsíða 4

4 | | 23. mars 2023
Fyrsti alvöru leikurinn eftir barnsburð
E Y J A M A Ð U R I N N Ó L Ö F M A R E N B J A R N A D Ó T T I R .
Ólöf Maren kom sterk
inn í mark ÍBV þegar
aðalmarkmanni liðsins, Mörtu
Wawrzynkowska, var vikið af
leikvelli í bikarúrslitaleiknum
gegn Val. Ólöf Maren varði
sjö skot í leiknum, oft á
mikilvægum augnablikum.
Ólöf Maren var í raun að
spila sinn fyrsta alvöru leik
eftir barnsburð og kom sá
og sigraði. Ólöf Maren er því
Eyjamaður vikunnar að þessu
sinni.
Fullt nafn: Ólöf Maren
Bjarnadóttir.
Fjölskylda: Bý með kærastanum
mínum Palla Eiríks og dóttur
okkar Ástrós Berthu.
Hefur þú búið annarsstaðar en
í Eyjum: Já, ég er uppalin á
Akureyri og bjó þar þangað til ég
kláraði framhaldsskóla. Eftir hann
flutti ég hingað, sem var sumarið
2021.
Mottó: Ef þú svindlar ekki, viltu
ekki vinna nógu og mikið
Síðasta hámhorfið: Grey´s
Anatomy.
Uppáhalds hlaðvarp? Spjallið.
Aðaláhugamál: Handbolti er nú
aðaláhugamálið en almenn útivist
eins og skíði eru þar á eftir.
Eitthvað sem þú gerir á hverjum
degi sem þú gætir ekki verið án:
Ég myndi segja hreyfing.
Hvað óttast þú mest: Fugla, alveg
hræðileg dýr.
Hvaða tónlist kemur þér í gott
skap: Klefatónlist.
Hvaða ráð myndir þú gefa 16
ára þér sem veganesti inn í lífið:
Ekki pæla í hvað öðrum finnst
það eru allir að “mind their own
business”.
Hvað er velgengni fyrir þér:
Að ná þeim markmiðum sem
maður setur sér sama hversu stór
þau eru myndi ég segja.
Hvenær byrjaðir þú að æfa
handbolta? Ég byrjaði að æfa 15
ára.
Hvernig er tímabilið búið að vera?
Tímabilið í heild sinni hjá liðinu
er búið að vera geggjað. Ég er að
koma aftur á völlinn eftir að hafa
átt barn í júlí í fyrra og ég byrjaði
að mæta á eina og eina æfingu í
nóvember en byrjaði svo á fullu
núna eftir áramót og bikarúrslitin
í raun fyrsti leikurinn sem ég spila
eitthvað af viti síðan ég byrjaði
aftur.
Hefur þú áður tekið þátt í
bikarúrslitaleik?
Já, ég tók þátt með KA/Þór í
úrslitaleik árið 2020, þá unnum
við reyndar ekki svo þetta var
fyrsti sigur í bikarúrslitum.
Hvernig var að koma inná í
leikinn á þessum tímapunkti í
þessum aðstæðum?
Það var mjög stressandi fyrst
þar sem þetta kom mér mjög á
óvart en ég náði að róa taugarnar
í hálfleik og seinni hálfleikur var
geggjaður og þegar maður datt
smá niður var nóg að líta upp í
stúku til að koma sér í gír aftur.
Hvernig var að upplifa svona
bikarúrslitaleik og siglingu heim
með bikarinn?
Það er varla hægt að lýsa því
hversu geggjað þetta var, sjá allt
þetta fólk sem mætti í höllina og
svo líka þau sem biðu eftir okkur
á bryggjunni þegar við sigldum
heim.
Eitthvað að lokum?
Bara takk allir sem mættu í
höllina að styðja okkur til sigurs
þið voruð geggjuð, án ykkar hefði
þetta verið erfitt. Einnig þau sem
biðu eftir okkur heima í Eyjum og
toppuðu geggjaðan leik með að
gera heimkomuna frábæra.
Svo viljum við sjá sem flesta á
þeim leikjum sem eru eftir því við
erum hvergi nærri hættar.
Ólöf Maren Bjarnadóttir og fjölskylda
Það var mikið um dýrðir
í Höllinni sunnudaginn
5. mars þegar Þóra
Magnúsdóttir fagnaði
50 afmæli sínu sem var
daginn áður, 4. mars.
Fjölskylda, ættingjar
og vinir fjölmenntu í
Höllina og var gleðin
mikil.
Uppáhaldið, Páll Óskar
átti ekki heimangengt og
sendi hann Friðrik Ómar
og Jógvan í sinn stað.
Þeir stóðu sig frábærlega
og ekki skemmdi fyrir
kveðjan sem þeir komu
með frá aðalgoðinu, Páli
Óskari sem hefði svo
gjarnan viljað koma.
Mikið um dýrðir í afmæli Þóru
Afmælisbarnið með mömmu og pabba,
Lóu og Magga.
Gleðigjafarnir, Jógvan og Friðrik
Ómar unnu hug og hjörtu gesta.
Héðinn Karl, bróðir bauð
gesti velkomna.>