Fréttir - Eyjafréttir - 23.03.2023, Side 8

8 | | 23. mars 2023
Í upphafi hrognavertíðar, 3. mars
sl. var nýtt hrognahús Ísfélagsins
tekið í notkun þegar loðna úr
afla Suðureyjar VE fór í gegnum
stöðina. Þar með var hafinn nýr
kafli í sögu Ísfélagsins sem hefur
verið leiðandi í vinnslu á loðnu
til manneldis í áratugi. „Hér erum
við að byggja til framtíðar, bæði
hús og vinnslu og nýtum bestu
mögulegu tækni sem í boði er.
Nú tekur við þjálfun starfsfólks
á línuna og fengum við hæfilega
lítinn skammt af hrognaloðnu
til að fínpússa eitt og annað í
húsinu og línunni. Við erum
bjartsýn á komandi hrognavertíð
með nýrri stöð,“ sagði Björn
Brimar Hákonarson, vinnslustjóri
Ísfélagsins við Eyjafréttir þegar
húsið var tekið í notkun og hann
er ánægður með útkomuna.
„Allur búnaður hefur reynst
mjög vel. Eðlilega komu upp smá
vandamál í byrjun en þau voru öll
smávægileg og aldrei kom til þess
að framleiðslan stöðvaðist. Sjálf
hefur vertíðin verið eitt ævintýri.
Aldrei dottið úr dagur í veiðum
og við höfum keyrt á vöktum í
frystihúsinu frá 15. febrúar. Núna
er flotinn í Breiðafirði og er að
fá góða hrognaloðnu. Sennilega
úr vestangöngu. Það sjáum við á
hrognunum sem eru rauðleitari en
úr loðnunni úr hinni hefðbundnu
göngu suður og vestur með landi.“
Loðnuvinnsla hefur verið
á fullu hjá Ísfélaginu bæði í
Vestmannaeyjum og á Þórshöfn
alla vertíðina. „Þetta hefur verið
mjög líflegt en sennilega fer að
styttast í lokin,“ sagði Björn en
hefðbundin vertíðarlok á loðnu
eru í endaðan mars.
Iðnaðarmenn út
og hrognin inn
Um hrognahúsið segir Björn að
framkvæmdin hafið verið í þremur
hlutum. Fyrst voru reistir fjórir 500
rúmmetra ryðfríir hráefnistankar.
Næsta stig var að byggja útveggi
hrognahússins utan við gömlu
hrognavinnsluna við FES-ið.
Lokastigið sem var sl. vor þegar
gamla vinnslan var rifin og vinnu
lokið við nýja húsið síðasta sumar.
Þá hófust framkvæmdir innandyra
við uppsetningu vinnslulínu
og lagnavinna. „Segja má að
framkvæmdir hafi staðið fram að
vertíð og síðustu iðnaðarmennirnir
voru að bera verkfærin út rétt áður
en við settum í gang,“ sagði Björn
Brimar.
Húsið er á þremur hæðum. Á
efstu hæðinni eru geymslur
og tæknirými. Á annarri hæð
er aðstaða fyrir starfsfólk,
kaffistofa og stakkageymsla og
á neðslu hæðinni eru forstofa,
skáparými og skóskiptiaðstaða.
Vinnslusalurinn sjálfur er eitt
rými upp í þak með millilofti
úr stáli til að vinnuaðstaða sé í
þægilegri vinnuhæð. Öll aðstaða
fyrir starfsfólk til vinnu er hin
besta.
Stórt skref
„Vinnslulínan sjálf er samsett
úr sex skurðalínum með
snúningssíum og átta hreinsilínum
og hver lína er samsett úr
nokkrum stigum hreinsunar.
„Mikið vatn er notað í vinnsluna
sem við fáum úr okkar eigin
borholum. Allt affall frá
hrognavinnslunni fer í gegnum
fullkomna hreinsistöð sem byggð
var fyrir nokkrum árum. Frá
hrognavinnslunni liggur lögn,
um einn km að frystihúsinu
við Friðarhöfn þar sem síðasta
skref vinnslunnar fer fram,
lokahreinsun og hin raunverulega
vinnsla fyrir frystingu.
Þetta er stórt skref fram á við
fyrir Ísfélagið enda engu til sparað
að ná sem mestum verðmætum
úr loðnuhrognunum sem ein
verðmætasta afurð sem frá okkur
fer. Japanskir kaupendur gera
miklar kröfur og nýja stöðin
auðveldar okkur að standast þær.
Sjálf gerum við miklar kröfur og
þar er hreinlæti efst á blaði,“ sagði
Björn Brimar að endingu.
TANGAGATA 1 / 900 VESTMANNAEYJAR / WWW.ISFELAG.IS
M
YN
D
: F
A
N
N
A
R
FR
EY
R
BJ
A
RN
A
SO
N
ÓMAR GARÐARSSON
omar@eyjafrett ir. is
Ísfélagið Nýtt hrognahús markar tímamót:
Allur búnaður hefur reynst mjög vel
Björn Brimar og Almar Hjarðar, reynsluboltar í hrognavinnslu.
Í nýju hrognahúsi er byggt til framtíðar.