Fréttir - Eyjafréttir - 05.04.2023, Side 17

5. apríl 2023 | | 17
Tveir af þremur í höfn
Hátt í 100 manns mættu á opið
hús Krabbavarnar í Vestmanna-
eyjum í Akóges á fimmtudaginn
síðasta. Margt kom þar athyglis-
vert fram og ekki síst öflugt og
mikilvægt starf Krabbavarnar í
Vestmannaeyjum sem aðstoðar
fólk með krabbamein á ýmsan
hátt. Starfsemin er háð fjárfram-
lögum og að því er fram kom
nýtur starfsemin mikils velvilja
bæjarbúa, bæði einstaklinga og
fyrirtækja.
Gott dæmi um það er framtak
áhafnarinnar á Dala Rafni VE sem
velti því fyrir sér á landstími með
hvaða hætti hægt væri að styðja
starfsemina. Drengirnir þeir eru
fljótir að hugsa og framkvæma og
áður en í land var komið höfðu
þeir tekið myndir af sjálfum sér,
mismunandi léttklæddum. Þegar
í land var komið létu þeir útbúa
dagatal með myndunum, 100
stykki sem þeir seldu á 5000
krónur stykkið. Auðvitað var eft-
irspurnin meiri en framboðið enda
myndarlegir drengir á Dala Rafni.
Mættu þeir með afraksturinn,
505.000 krónur og afhentu Sig-
urbjörgu Kristínu Óskarsdóttur,
formanni Krabbavarnar sem þakk-
aði höfðinglega gjöf og hugsunina
að baki.
Kristín Valtýsdóttir fór yfir starf
félagsins, Gyða Arnórsdóttir,
hjúkrunarfræðingur og deildar-
stjóri á HSU og Sólrún Gunnars-
dóttir félagsráðgjafi hjá HSU
kynntu þjónustu sem er í boði í
Vestmannaeyjum.
Sigurbjörg Kristín og Sigmar
Georgsson, sem bæði hafa fengið
krabbamein sögðu sína sögu um
leið og þau kynntu fjölbreytta
þjónustu félagsins. Loks flutti Sig-
rún Elva Einarsdóttir, lýðheilsu-
fræðingur hjá Krabbameinsfélagi
Íslands fyrirlestur um starfsemi
félagsins og fleira sem viðkemur
krabbameini sem er ekki bara
einn sjúkdómur og niðurstaðan
er: Krabbamein kemur okkur
öllum við.
Fjölmennt á opnu húsi Krabbavarnar:
Mein sem kemur okkur öllum við
Gjöfin afhent. Áhöfnin á Dala Rafni og stjórn Krabbavarnar. Frá vinstri : Pétur Andersen skipstjóri, Sigurbjörg Kristín,
Matthías Benediktsson vélstjóri, Sigurður Símonarson kokkur, Ingibjörg Andrea Brynjarsdóttir, Hlynur Sigtryggsson
annar stýrimaður, Friðjón Jónsson netamaður, Kristín Valtýsdóttir, Jóel Þór Andersen háseti, Þóra Guðmundsdóttir,
Jón Viðar Óðinsson vélstjóri, Kolbrún Anna Rúnarsdóttir og Agnar Ingi Hjálmarsson yfirvélstjóri.
ÍBV tryggði sér
deildarmeistaratit-
illinn einungis viku
eftir að hafa orðið
bikarmeistarar. ÍBV
lagði þá Selfoss með
fjórtán marka mun
á heimavelli fyrir
framan nánast fulla
Íþróttamiðstöð.
Stelpurnar líta ótrú-
lega vel út og höfðu
ekki tapað leik síðan
í október en síðasti
leikur tímabilsins
sem fór fram sl.
laugardag tapaðist
gegn Fram. Nú tekur
úrslitakeppninn við
en stelpurnar sitja hjá
í fyrstu umferð ásamt
Val. Nú er bara eftir
að tryggja sér þann
stóra og þrennuna.
Mynd Sigfús Gunnar