Stjörnur - 01.12.1945, Blaðsíða 6

Tyrone Power og Thomas Mitchill í myndinni
„Svarti Svanurinn'.
Það næsta, sem skeði, var, að Tyrone tók að sér hlut-
verk í leikritinu „The Merchant of Venice". Þar komst
hann eins nálægt því að deyja, eins og einn maður
getur komizt. Af óhappi var hníf kastað svo nálægt
honum að hann snart hár hans. Drengurinn dæsti, en
var að öðru leyti í fullkominni ró. Faðir hans, sem
sat nálægt, greip í sætisbríkurnar og hrópaði í ör-
væntingu:
„Ó, Guð! Sonur minn, ertu meiddur?“
Þetta var hin fyrsta raunverulega kynning, sem
Tyrone fékk af leiksviðinu.
Eftir þetta fóru þeir feðgar til Hollywood, en
þar átti Power hinn eldri að leika í mynd, sem
„Paramount" var að láta gera og hét „The
Miracle Man“. En er hann var að æfingu í mynd
þessari, varð hann skyndilega lasinn á sviðinu.
Svo áhugasamur var hann, að ekki fór hann
heim, heldur vann allt til kvölds. En loks varð
hann yfirbugaður og féll í öngvit. Næsta morgun,
kl. 4 hinn 30. des. 1931, andaðist hann í faðmi
sonar síns.
Með fráfalli hr. Power hófust erfiðleikar hins
unga Tyrone. Hann hóf árangurslausa leit að
vinnu, fór frá einum staðnum til annars en var
alls staðar hafnað. Fengi hann áheyrn, var það
vegna þess, að viðkomandi þurfti að spyrja um
föður hans fram og aftur.
Loks hætti hann þessu að sinni og fluttist með
móður sinni og systur til Santa Barbara, þar sem
þau voru viðurkennd við aðal leikhúsið. Þar
jók drengurinn við list sína undir umsjón
móður sinnar, og þegar hann var ekki mjög
önnum kafinn skrapp hann til Hollywood í
vinnuleit.
Eftir næstum tveggja ára tilraunir í þessa átt
— þar sem stundum munaði litlu að hann
kæmist í kvikmyndir en lánaðist þó aldrei —
ákvað Tyrone að freista gæfunnar á leiksviði i
New York. Hann iagði af stað með blessun
móður sinnar og góðar óskir vina sinna í vega-
nesti, ákveðinn í að „berjast unz yfir lyki“.
Þessi ákvörðun Tyrone breytti lífsferli hans til
muna. A leiðinni til New York stanzaði hann í
Chicago til að heilsa upp á kunningjana. En
það varð til þess að hann tók að leika þar, dvaldi
þar um tíma og kom nokkrum sinnum fram
í útvarpi.
Ekki var þessi vinna öll sem skemmtilegust,
en góð æfing var það fyrir hann og ýmiskonar
lærdóm hlaut hann þar af.
I lok ársins 1934, sem varð Tyrone mjög minnisstætt,
lék hann í sjónleiknum „Romance" í Chicago. Þessi
sjónleikur var sýndur í átta vikur.
Að þeim tíma liðnum fannst Tyrone tími til kom-
inn að halda áfram för sinni til New York — og
Broadway.
I New York hófust Vdndræðin aftur. Hann fór á
Framh. á bls. 14.
6 STJÖRNUR