Bæjarblaðið Jökull - 02.11.2023, Qupperneq 7

Stykkishólmsdeild Noræna fé­
lagsins veitti í dag Eyrbyggjasögu­
félaginu styrk til refilsaumsverkefn­
is félagsins sem formlega verður
hleypt af stokkunum n.k. laugar­
dag í Þjóðgarðsmiðstöðinni á Hell­
issandi, kl. 14 með fjölbreyttri dag­
skrá.
Stjórn Stykkishólmsdeildar
Norræna félagsins, Sólborg Olga
Bjarnadóttir gjaldkeri, Sigurlína
Sigurbjörnsdóttir ritari og fráfar­
andi formaður Þórhildur Pálsdótt­
ir veittu styrkinn þriðjudaginn 31.
október 2023 á Fosshótel Stykkis­
hólmi og það var ritari Eyrbyggja­
sögufélagsins, Anna Sigríður Mel­
steð sem tók á móti styrknum fyrir
hönd stjórnar. Anna þakkaði fyrir
styrkinn og í máli hennar kom fram
að kostnaður við verkefnið er um­
talsverður og er þessa dagana verið
að ganga frá samningi við hönnuð
refilsins, svo allir styrkir koma að
góðum notum.
Refilsaumur er saumgerð sem
dregur nafn sitt af orðinu refill.
Reflar voru skrautleg tjöld úr ull
eða líni sem höfð voru til þess að
tjalda innan bæði kirkjur og híbýli
fólks fyrr á tíð. Refilsaumur er að­
eins eitt útsaumsspora sem notuð
voru á miðöldum og er afbrigði
af útsaumi sem nefndur er lagð­
ur saumur. Þessi meistaraverk ís­
lenskrar miðaldalistar voru unnin
af listfengum konum sem bjuggu
yfir þekkingu og þjálfun í vefnaði
og útsaumi.
Þekktasti refillinn er hinn franski
Baeyeux refill. Hér á Íslandi hefur
refill með efnivið úr Njálssögu og
Vatnsdælasögu verið hannaður og
saumaður að hluta til og nú stend­
ur til að setja í gang refilgerð með
myndskreytingum og sögum úr Eyr­
byggjusögu. Hugmyndin var kynnt
fyrir öllum kvenfélögum á Snæfells­
nesi s.l. vor. Kvenfélögin eru sjö tals­
ins, en þau munu koma að fram­
kvæmd saumaskaparins við refilinn
hvert í sinni sveit. Það eru Kvenfélag
Hellissands, Kvenfélag Ólafsvíkur,
Kvenfélagið Björk Helgafellssveit,
Kvenfélagið Hringurinn Stykkis­
hólmi, Kvenfélagið Liljan Eyja­
og Miklaholtshreppi, Kvenfélag­
ið Gleym mér ei Grundarfirði og
Kvenfélagið Sigurvon Staðarsveit.
Til stendur að sýna refilinn, þegar
þar að kemur, um allt Snæfellsnes
og verður þannig til nokkurskonar
refilslóð á söguslóðum Eyrbyggju­
sögu á Snæfellsnesi.
Hönnuður refilsins er Krist­
ín Ragna Gunnarsdóttir myndlist­
armaður og rithöfundur en hún
hannaði einnig Njálurefil og Vatns­
dælarefil. Torfi Tulinius prófessor í
miðaldabókmenntum við Háskóla
Íslands, vinnur að drögum að hand­
riti sýningar um Eyrbyggju og efn­
isþáttum sem endurspeglast í ref­
ilsaumnum.
Á laugardaginn verður viðburð­
ur á vegum Eyrbyggjasögufélagsins í
Þjóðgarðsmiðstöðinni á Hellissandi
þar sem Torfi, Kristín og Sæmundur
Kristjánsson koma fram og verður
m.a. sýnd fyrstu drög að teikning­
um á reflinum. Þess má geta að sama
dag opnar stærsta sýning ársins á
160 ára afmæli Þjóðminjasafnsins
þar sem öll varðveitt íslensk refil­
klæði sem varðveist hafa verða sýnd
í fyrsta sinn saman.
Eyrbyggjurefill hlýtur styrk
Laus staða
við Grunnskóla Snæfellsbæjar - Ólafsvík
Laus er staða skólaliða við starfstöðina í Ólafsvík, 100% stöðugildi, frá 1. janúar 2024.
Starfsvið:
Þrif á skólahúsnæði og skólalóð.
Gæsla í frímínútum og matartímum.
Leiðbeina nemendum í leik og starfi.
Ýmis önnur verkefni sem til falla hverju sinni.
Menntun, reynsla og hæfni:
Menntun og reynsla sem nýtist í starfi.
Ríkir samstarfs- og samskiptahæfileikar.
Frumkvæði og sjálfstæð vinnubrögð.
Góð kunnátta í íslensku er skilyrði.
Borgað er samkvæmt kjarasamningum
Sambands íslenskra sveitarfélaga.
Umsóknarfrestur er til 10. nóvember.
Umsóknareyðublað er á heimasíðu Snæfellsbæjar:
https://snb.is/wp-content/uploads/2013/12/Atvinnuums%C3%B3kn.pdf
Upplýsingar veitir Hilmar Már Arason skólastjóri í síma 894 9903.
Umsóknir skal senda til skólastjóra á netfangið hilmara@gsnb.is.
Frá vinstri: Anna, Þórhildur, Sigurlína og Sólborg Olga við veitingu styrksins