Ljósmæðrablaðið - 01.06.2023, Blaðsíða 5

ljósmæðrablaðið ljósmæðrablaðið
1. tölublað · 101. árgangur · júlí 2023 98 1. tölublað · 101. árgangur · júlí 2023
verk á forsíðu
Freyja
höfundur ritstjórn
Hildur Hákonardóttir er fædd árið 1938 í Reykjavík.
Hún stundaði nám í Menntaskólanum í Reykjavík
frá 1953­55, en fluttist til Bandaríkjanna árið 1956
ásamt manni sínum, þar sem hún bjó næstu sjö ár
og var þar húsmóðir og ól upp börnin sín tvö. Eftir
heimkomu lagði Hildur stund á myndlistarnám bæði
hérlendis og erlendis og var auk þess kennari og
skólastjóri við Myndlista­ og handíðaskóla Íslands.
Hildur Hákonardóttir hefur á löngum starfs ferli
sínum tekið á málefnum samtímans og kynja pólitík.
Hún hefur nýtt til þess fjölbreytta miðla en aðallega
vefnað meðal annars í því augnamiði að efla sögu
kvenna. Þá eru starfsaðferðir hennar í gegnum tíðina
samofnar þeim málefnum sem efst eru á baugi í
okkar samtíma, einkum umhverfis­ og jafnréttis ­
mál. Hildur er einnig mikilvirkur ræktandi og hefur
velt fyrir sér margvíslegum kerfum sem er að finna
í heiminum, bæði manngerðum og lífrænum.
Í seinni tíð hefur Hildur einbeitt sér að rit­
störfum, bæði frumsömdum og þýðingum. Meðal
þekktra bóka hennar eru Ætigarðurinn (2005), Blá­
lands drottningin (2008), þýðing hennar og Elísabetar
Gunnarsdóttur á Walden. Lífið í skóginum eftir H. D.
Thoreau (2017 og Hvað er svona merkilegt við það að
vera biskupsfrú? (I–II, 2019–2021).
Hildur hlaut Heiðurslaun listamanna í byrjun
árs 2023 en slík laun eru veitt fyrir ævistarf.
Verkið á forsíðu sem Hildur veitti Ljós mæðra­
blaðinu góðfúslegt leyfi til að birta er síðasta verkið
sem Hildur óf áður en hún lenti í slysi sem varð til
þess að hún gat ekki lengur ofið í vefstól. Verkið er
gert árið 1989 og heitir eftir Freyju, gyðju ástar og
frjósemi. Við sjáum hana þar sem hún leikur sér í
vatni. Hildur segir að vatnið hafi orðið sér til heilunar
eftir slysið, en að verkið tengist einnig leit hennar að
guðdóminum og sé myndræn framsetning á gyðjum
hins forna norræna siðar. Ekkert sýnir raunar að
konan á myndinni sé gyðja utan skarður máninn en
ef hún er mannleg kona þá eru eiginleikar gyðjunnar
henni samofnir.
Í blaðinu birtum við einnig sögubrot eftir Hildi
um lækningamátt vatnsins. Sagan kom upp í huga
hennar þegar ritnefnd Ljósmæðrablaðsins fór þess á
leit við hana að vera listakona blaðsins. Við þökkum
Hildi Hákonardóttur hjartanlega fyrir þann heiður
að vera með okkur á vegferð ljósmæðra.
Heimild
Sigrún Inga Hrólfsdóttir og Guðmundur Oddur Magnússon. (2023).
Rauður þráður, Hildur Hákonardóttir. Kjarvalsstaðir, Reykjavík.
Hildur Hákonardóttir. Mynd eftir Ástu Kristjáns-
dóttur, 2022.
Brjóst II, 1972. Í eigu Borghildar Óskarsdóttur (birt með leyfi).