Mímir - 01.12.2016, Page 85

Hinsegin tónar Tchaikovskys
83
Niðurstöður
Peter llyich Tchaikovsky var viðkvæm og tauga-
veikluð manneskja. Hann var bæði óöruggur
og þunglyndur þrátt fyrir mikla velgengni I lífinu.
Vanlíðan hans stafaði af óvæntum áföllum í lífi
hans en helsta ástæðan virðist vera sú að hann
var samkynhneigður. Hann átti erfitt með að
sætta sig við samkynhneigðina enda var hún litin
miklu homauga á hans tímum í Rússlandi. Þrátt
fyrir erfiðleika í lífinu var Tchaikovsky afkastamikið
tónskáld en af verkum hans má dæma að við
tónsmíðarnar hafi hann leitað mikið inn á við, en
tónsmíðar hans eru tregafullar og kraftmiklar.
Tchaikovsky lauk við Sjöttu og síðustu sinfóníu
sína árið 1893 en aðeins um tveimur mánuðum
síðar var hann látinn. Skiptar skoðanir eru um
orsök andlátsins en margir telja hann hafa framið
sjálfsmorð. Hann hafði áður reynt að taka eigið líf
og styrkir það þá kenningu.
Tónlist og kynvitund eru helstu þemu skáld-
sögunnar. Augljósasta ástæða þess að Tchai-
kovsky leikur stórt hlutverk í Þögninni en ekki
eitthvað annað tónskáld er sú að hann var sam-
kynhneigður. Það er langt síðan menn fóru að
tengja tónlist við samkynhneigð og hafa menn
meðal annars teflt þar fram líffræðilegum rökum.
Til að mynda taldi Magnus Hirschfeld öll stór-
tónskáld hafa mjög jafnt vægi karl- og kvenlegra
eiginleika. Tónlist Tchaikovskys þótti á sínum
tíma bæði tilgerðarleg og smekklaus og jafn-
vel sjúkleg, en þær raddir eru ekki háværar nú
á dögum. Því hefur verið haldið fram að í sínu
daglega lífi hafi Tchaikovsky reynt að halda
samkynhneigð sinni leyndri en að í tónsmíðum
hans megi finna játningar fyrir samkynhneigðinni.
Timothy L. Jackson skrifaði grein sem fjallar um
kynhneigð í síðari verkum Tchaikovskys. Hann
telur að með forleiknum að Tempest og Fjórðu