Mímir - 01.12.2016, Qupperneq 103

Er Newspeak raunveruleg ógn?
101
til að eftir kosningar var loforðið umorðað
eftir hentugleika stjórnarinnar. Það snerist um
aðildarviðræðurnar sjálfar fyrir kosningar en eftir
kosningar snýst það um ákvörðun þess efnis að
ganga inn í sambandið. Þrátt fyrir þetta hefur
það komið fram með mótmælum og háværri
umræðu í fjölmiðlum að vilji hluta þjóðarinnar
sé, og var árið 2014, að ganga til kosninga um
aðildarviðræðurnar. Bjarni sagði í viðtalinu að
ekki væri hægt að vinna með niðurstöður slíkrar
atkvæðagreiðslu því ríkisstjórnin „gæti aldrei sett
í hlutlausa gírinn“ og samið um það sem hún
hefði ekki áhuga á (Kastljós, 2014). Hugtakið
.ómöguleiki' felur því í sér, samkvæmt Bjarna, að
ómögulegt sé fyrir rlkisstjórn að vinna gegn vilja
slnum og sannfæringu til þess að fá samning
frá Evrópusambandinu á borð almennings. Þrátt
fyrir mikla pressu frá hluta þjóðarinnar þess
efnis að staðið verði við kosningaloforð um
þjóðaratkvæðagreiðslu varðandi áframhaldandi
aðildarviðræður hefur ríkisstjórnin dregið umsókn
íslands að sambandinu til baka. Hér hefur átt sér
stað nokkurs konar merkingabrenglun á orðinu
,ómöguleiki‘ en víst er að væri vilji fyrir hendi
væri mögulegt að standa ( samningaviðræðum
við Evrópusambandið. Með því að tala um
samningaferlið sem ómögulegt er hægt að
fá fólk til þess að trúa því sem ríkisstjórnin
heldur fram; að það sé ómögulegt að ganga
inn í Evrópusambandið. Þetta er gert með þvl
að koma hugtakinu til fjölmiðla sem koma því
áleiðis til almennings. Sumir láta matast, aðrir
ekki en því oftar og lengur sem hugtakið heyrist
þeim mun fleiri gleypa við því. Þetta gæti fallið
undir hugtakanotkun I anda Newspeak þar sem
hugtaki, sem hentar skoðun stjórnarinnar, er
plantað I almenna umræðu I ákveðnum tilgangi.