Mímir - 01.12.2016, Qupperneq 182

frí frá Bókhlöðunni. En sumarið leið hratt og
haustið kom eins og endranær. Mímrar heilsuðu
vetrinum með virktum, tilbúnir að takast á við
krefjandi en skemmtileg námskeið og kuldann í
setustofu Árnagarðs. Hressastir allra Mímra voru
þó Ungmímrarnir sem fengu höfðinglegar mót-
tökur á nýnemakvöldi Mímis í byrjun september.
í ár sem og árið á undan var haldið upp á
Hrekkjavöku að amerískum sið. Þar mættu fyrir-
bæri af ýmsum toga og frá ýmsum tímum. Meðal
merkispersóna sem mættu voru Guðbrandur
biskup, Súperman og sjálfur Miðgarðsormurinn!
Þrátt fyrir samruna ólíkra heima á eitt öldurhús
var þetta hin besta skemmtun. Ekki var félags-
skapurinn heldur af verri endanum þar sem
viðburðurinn var haldinn I samstarfi við vini okkar
íTorfhildi og Rýninum. Kunnum við þeim bestu
þakkir fyrir vel heppnaðar samkomur og sérstak-
lega skemmtilega samveru.
Dagur íslenskrar tungu er einn af stóru dögunum
hjá Mími en sá viðburður er rómaður í háskóla-
samfélaginu fyrir glæsilega dagskrá ár hvert (og
góðar veitingar að auki). í ár voru fjölbreyttir fyrir-
lestrar; allt frá rannsóknum á íslensku lagamáli
til borðspilagerðar auk tónlistaratriðis. Ákaflega
notaleg og skemmtileg stund sem Mímrar, kenn-
arar og aðrir gestir áttu saman í Árnagarði.
Mímir, ásamt Stofnun Árna Magnússonar og
RÚV, stóð fyrir vali á orði ársins á síðasta ári í
fyrsta sinn. Valið stóð á milii tíu orða sem farið
höfðu hátt I samfélagsumræðunni það árið. Að
lokum var það orðið fössari, stytting á orðinu
föstudagur, sem stóð uppi sem sigurvegari.
Skemmtileg nýjung sem líklega er komin til
að vera.