Leikskrár Þjóðleikhússins - 17.10.1952, Page 7

A B B E Y - L E I K H Ú S I Ð.
Þjóðleikhús Irlands.
Aðfaranótt 18. júlí 1951 brann Abbey-leikhúsið í Dvflinni.
Eldurinn kom upp á leiksviðinu og gereyðilagði þann hluta
byggingarinnar, búninga- og tjaldageymslur og vistarverur
leikaranna. Áhorfendassalurinn stórskemmdist af eldi og vatni,
en hið fræga málverkasafn af skáldum og leikurum í anddyri
leikhússins slapp að mestu óskaddað af öðru en reyk og hita.
A leikkvöldum höfðu leikhúsgestir vcrið vanir að safnast þarna
saman, fá sér hressingu og ræða um gang leiksins, sem verið var
að sýna, og hafði þá stundum komið fyrir, að hitnaði í umræð-
unum, svo að jafnvel lögregla og herlið var kvatt á vettvang.
Aldrei hafði þó sá hiti leikið hina öldnu byggingu svo grátt sem
nú gálaus meðferð sígarettustubbs, þvert á móti, hinar tíðu og
hörðu deilur um verkefni þjóðlcikhússins írska lýsa eins og eld-
stólpar á langri og söguríkri slóð eins merkasta leikhúss vest-
rænnar menningar. Myndir brautryðjenda, skálda, listamanna
og leikara, voru ekki teknar niður eftir brunann. Þær héngu
eftir sem áður í anddyrinu. W. B. Yeats fyrir miðju andspæn-
is inngöngudyrum sem vera bar, á hægri vegg til hliðar Lady
Gregory, „ræstingarkonan í Abbey“, sem Shaw kallaði, og hin-
um meginn, náttúrlega, önnur Ijósmóðir hússins, Miss Horni-
man, hvorug á vegg með Yea.ts, og' gera ekki meira en svo að
þola ná.vist hvor annarar, þó að allt andd.yrið sé á milli. Hér er
líka mynd af Maud Gonne, fyrstu Caitlin ni Houlihan eða
Fjallkonu írlands, og stór mynd er af Söru Allgood, leikkonunni
góðu, en fyrst og fremst eru það skáldin, leikritaskáldin, sem
sitja í fyrirrúmi. Dufþekkur Synge starir fjarrænu augnaráði út
í keltneskan buskann, þar sem aldan brýtur á Aran og þýtur í
eik í Wicklowdölum. Yfir te-borðinu vindur Lennox Robinson
upp á hina löngu fætur sína eins og indverskur fakír og rétt við
uppgönguna á svalirnar hefur sviðnað í kringum málverk af
Sean O’Casey, og hefur þá fyrr hitnað í kringum þann mann.
Strax eftir brunann fékk leikhúsið inni til bráðabirgða í rúm-
góðu samkomuhúsi í borginni, svo að eng'in sýning féll niður
þess vegna, en nýverið hefur stærsta leikhús borgarinn-
[ 5 ]