Bautasteinn - 01.04.2004, Blaðsíða 17

17
Fram er komin tillaga til þingsályktunar um verndun Hóla-
vallagarðs, gamla kirkjugarðsins við Suðurgötu í Reykjavík.
Frumkvæði að gerð tillögunnar kemur frá Ástu Ragnheiði Jó-
hannesdóttur þingmanni, en fjöldi annarra þingmanna styður
hana.
Markmið tillögunnar er að fela ríkisstjórninni að skipa nefnd
sem skuli vinna að því að tryggja varðveislu, uppbyggingu og
kynningu á þeim menningarsögulegu verðmætum sem fólgin
eru í kirkjugarðinum við Suðurgötu. Í tillögunni kemur fram
að mikilvægt sé að varðveita garðinn fyrir komandi kynslóðir
og minningarmörkin segi sína sögu um þróun bæjarins og
fólkið sem þar bjó. Jafnframt kemur fram að í ljósi þess hve
sérstæður Hólavallagarður er ætti að huga að því að fá hann
viðurkenndan sem „Evrópuminjar“ (e. European Heritage
Program), en garðurinn er elsti óspillti kirkjugarður í Norður-
Evrópu.
Ásta Ragnheiður segir garðinn sér hugleikinn, hún þekki
hann vel enda býr hún í nágrenni hans og gengur oft um garð-
inn. „Þessi garður er einstakur og hann ber að varðveita. Á-
stand minningarmarkanna er í heildina gott, en þó þarf að laga
nokkur og svo þarf að viðhalda garðinum þannig að komandi
kynslóðir fái notið þeirrar þjóðargersemar sem hann er.“ Ástu
finnst líka að vel væri við hæfi að samþykkja tillögu sem þessa
á 100 ára afmæli heimastjórnar í ljósi þess sögulega mikilvægis
sem garðurinn gegnir, en þar hvíla margir af helstu baráttu-
mönnum og sjálfstæðishetjum Íslendinga, svo sem Jón Sig-
urðsson forseti og Hannes Hafstein, fyrsti ráðherra Íslands,
auk ýmissa annarra framámanna þjóðarinnar.
Vefurinn gardur.is nýtur sívaxandi vinsælda og er umferð um
hann orðin mjög mikil. Stöðugt bætast við upplýsingar í
gagnagrunninn en betur má ef duga skal. Að sögn Smára Sigurðs-
sonar hjá Kirkjugörðum Akureyrar, sem unnið hefur við vefinn,
vantar enn inn legstaðaskrár frá mörgum görðum, þar á meðal
nokkrum af stærri görðum landsins. „Nú eru um 95.000 færslur
komnar inn á vefinn, en ég vil nota tækifærið og hvetja umsjónar-
menn kirkjugarða og sóknarnefndir sem ekki hafa skilað inn leg-
staðaskrám til okkar að bæta þar úr. Það er nóg að senda okkur
skrárnar handskrifaðar eða á pappír og við sjáum um að færa þær
inn í gagnagrunninn. Við tökum líka við skrám á tölvutæku formi,
en þá þurfa menn að hafa samband áður og útbúa gögnin á því
formi er hentar skráningunni best.“
Smári segir vefinn mikið notaðan og þegar mest hafi verið, t.d. í
kringum jólin, hafi allt að 1000 manns heimsótt vefinn á dag. „Við
finnum fyrir miklum áhuga fólks og fáum fjöldann allan af bréfum
varðandi vefinn. Vefurinn er gagnvirkur þannig að fólk getur sent
inn athugasemdir við færslur og upplýsingar á vefnum og margir
nýta sér það og senda okkur leiðréttingar og aðrar upplýsingar er
vefinn varða. Margir spyrja líka um þá garða sem ekki eru enn
komnir inn og því er mikilvægt að ná inn sem mestum gögnum
sem fyrst.“ Einnig er unnið að varanlegri lausn er varðar uppfærsl-
ur á vefnum, margir stærri kirkjugarðar hafa þó beinan aðgang að
vefnum og sjá um uppfærslur sjálfir. Hvað uppfærslur upplýsinga
frá öðrum görðum varðar er sóknarnefndum bent á að hafa sam-
band við Smára. Enn er að bætast við ítarefni vefsins, æviágrip og
fleira og hefur vefurinn fengið mjög góðar umsagnir, t.d. í tímarit-
inu „Frjáls verslun“ þar sem vefurinn er sagður frábær, með þeim
allra bestu. Slóðin á vefinn er www.gardur.is
Vefurinn gardur.is eflist
Tillaga til þingsályktunar um verndun Hólavallagarðs
Ásta Ragnheiður Jóhannesdóttir við minnismerkið um Jón Sigurðs-
son í Hólavallagarði. Ljósm.: HGG