Skák - 15.02.1985, Blaðsíða 15

Guðmundur Arnlaugsson:
Skákþing Norðlendinga 1985
Hálfrar aldar afmæli
Á þessu ári eru liðin íimmtíu ár frá
því að Skákþing Norðlendinga var
haldið í fyrsta skipti. Hugmyndin
um sameiginlegt mót Norðlend-
inga kom fyrst fram í Skákfélagi
Akureyrar og mun Haukur
Snorrason hafa verið einn af for-
vígismönnum málsins, en hann
var áhugamaður um skák og snjall
skákmaður sjálfur.
Fyrsta þingið var haldið á Akur-
eyri árið 1935 og varð Sveinn Þor-
valdsson frá Sauðárkróki fyrsti
skákkóngur Norðlendinga, þá að-
eins 25 ára að aldri. Sveinn Þor-
valdsson var afar efnilegur skák-
maður. Hann hafði teílt á Skák-
þingi Islands 16 ára að aldri, en
það var óvenju ungur aldur þátt-
takenda þá, hafði staðið sig ljóm-
andi vel og teflt að minnsta kosti
eina minnisverða skák. En örlögin
höfðu ekki ætlað Sveini að taka
þátt í fleiri skákmótum, hann fórst
í miklu ofviðri er gekk yfir Norð-
urland í desember 1935, og var að
honum mikill mannskaði.
Frá 1935 hafa skákþing Norður-
lands verið haldin árlega, oftast á
Akureyri, en nokkrum sinnum á
Blönduósi, Húsavík og Sauðár-
króki.
Að sjálfsögðu hefur verið við ýmsa
örðugleika að etja, félögin fá-
menn, fjárhagurinn þröngur og
samgönguerfiðleikar oft miklir.
Það sýnir best hve mikils virði
mönnum hefur þótt þetta mót að
aldrei hefur það fallið niður þessa
hálfu öld, þótt stundum hafi það
verið fásótt, enda hefur það fyrir
löngu unnið sér sess sem sá vett-
vangur þar sem menn úr fámenn-
um og fjarlægum stöðum hittust,
kynntust og skemmtu sér að tafli.
Gildi þessara móta fyrir skáklíf
norðanlands hefur áreiðanlega
verið mikið.
Fyrr á árum var skipt í flokka og
stundum tefld tvöföld umferð, ef
þátttaka var með minna móti. En
1976 var horfið að því ráði að láta
alla tefla saman í einum flokki og
beita þá Monrad-kerfi. Jafnframt
var umhusunartíminn styttur,
þannig að engin skák tekur meira
en fimm klukkustundir. Með
þessu móti er hægt að koma mót-
inu fyrir á fjórum dögum, fimmtu-
degi til sunnudags, og auðveldar
það þátttöku þeim sem þurfa að
koma langa leið til mótsins.
Reyndar var það of fast að orði
kveðið að allir tefldu í einum flokki
eftir að Monrad-kerfi var tekið
upp, því að allt frá 1955 hefur verið
teflt í unglingaflokki og árið 1979
var tekin upp sú nýbreytni að tefla
í sérstökum kvennaflokki.
Hér er ekki rúm til að rekja nánar
sögu norðurlandsmótanna, en
geta má þess að ýmsir hafa orðið
skákkóngar Norðlendinga oftar en
einu sinni, oftast þeir Jón Þor-
steinsson, Jónas Halldórsson og
Júlíus Bogason, fimm sinnum
hver.
Fimmtugasta og fyrsta
Skákþing Norðlendinga
Afmælismótið fór fram dagana 7.
tii 10. mars síðastliðinn, á Akur-
eyri. Teflt var í samkomusal Sam-
bandsverksmiðjanna á bökkum
Glerár.
Þátttakendur voru um 80 alls og
skiptust nokkuð jafnt á opna flokk-
inn og unglingaflokkinn. Aðeins
þrjár konur tóku þátt í mótinu og
kusu heldur að tefla í opna flokkn-
um en að kljást einar.
I opna flokknum var keppnin afar
jöfn, eins og úrslitin sýna:
1.— 3. Jón Garðar Viðarsson,
Gylfi Þórhallsson og
Jón Árni Jónsson 5)4 v.
4.— 5. Olafur Kristjánsson og
Sveinn Pálsson 5 v.
6. —12. Kári Elíson,
Sigurjón Sigurbjörnsson,
Jón Björgvinsson,
Áskell Orn Kárason,
Þór Valtýsson,
Jóhann Snorrason og
Har. Hermannsson 4 Vi v.
13. —16. Pálmi R. Pétursson,
Hjörleifur Halldórsson,
Örn Þórarinsson og
Rúnar Berg 4 v.
Jón Árni Jónsson hafði tapað í
fyrri áföngum mótsins og fengið
síðan Monradbyr, svo að hann var
lægri að stigum en Gylfi og Jón
SKÁK 39