Alþýðublaðið - 12.02.1920, Blaðsíða 3

3
Aug-lýsingar.
Auglýsingum í blaöið er fyrst
um sinn veitt móttaka hjá Onð-
geir Jónssyni bókbindara, Lauga-
vegi 17 (bakhús). Sími 286 og á
afgreiðslunni á Laugavegi 18 b.
framleiðslu, hefir komið honum
að geysimiklum notum í hinni
núverandi stöðu hans. Hann er
mjög vel að sér í þýzkri tungu
og talar og ritar ensku sæmilega.
Hann er stórgáfaður maður. Mjög
er hann víðlesinn í heimspeki og
þjóðhagsfræðum, og mun hann í
báðum þessum vísindagreinum fylli-
lega standa ýmsum beztu prófess-
orum Vesturlanda á sporði.
Hvað svo sem segja má til lasts
um Lenin, verður þó að viður-
kenna, að hann gnæfir sem risi
yfir dvergahóp samtíðarmanna
sinna í Rússlandi.“
Eins og áður er getið er þessi
grein þýdd úr tímariti, sem mjög
mótfallið er stefnu Bolsivíka og
vetður því vart álitið að það lofi
Lenin um skör fram. Verður ekki
af þessari lýsingu annað séð en að
hann sé afarmenni, enda bera verk
hans þess Ijósastan vott, hvert
mikilmenni hann er, X
ín“ eia
í grein, sem Jakob Möller skrifar
í gær í Vísi, undir nafni, segir
hann að hann sé hvorki „sócia-listi"
hé „kapíta-listi".
Nú væri gaman að vita, hvort
Jakob er hór að gera „grín“ að
almenningi, eða hvort hér ræður
hjá honum fáfræði.
Allir vita að það, að vera sócíal-
istj“ er að fylgja ákveðinni póli-
tískri stefnu, en aftur á móti það,
að vera „kapitalisti" þýðir ekkert
^nnað en að eiga „kapital", vera
ríkur, en er óviðkomandi pólitík.
»Kapitalisti“ getur því verið al-
gerlega ópólitískur, eins og hann
getur líka verið sócíalisti eða mót-
stöðumaður sócialista, eftir því sem
skapi hans er varið.
En líklegast hefir Jakob álitið,
almenningur væri svo fáfróður,
að það væri óhætt að gera svo-
lítið „grin“ að honum með því að
ALÞÝÐUBLAÐIÐ
nota útlent orð, sem hann skyldi
ekki.
Hitt getur og verið, að það sem
hafi komið honum til þess að
komast svona klaufalega að orði,
hafi verið fáfræði eða fljótfærni,
og bendir það, að hann skiftir
orðunum vitlaust (sócia-listi og
kapita-listi í stað sócíal-isti og
kapital-isti) á, að hór hafi fáfræði
verið á ferð eða fljótfærni.
íslendingar eru flestir frá blautu
barnsbeini þaulvanir að ráða gátur,
svo flestir munu geta ráðið af
orðalagi Jakobs, að það sem hann
hafi í þetta sinn ætlað að blekkja
almenning með, hafi verið, að hann
væri hvorki jafnaðarmaður eða
andstöðumaður jafnaðarmanna.
Nú mun marga furða á því, að
hann skuli nokkuð vera að reyna
að villa á sér einkenni, eða láta
eins og hann sé ekkert á móti
jafnaðarmönnum. Þvi er hann að
gefa hátíðlega yfirlýsingu um að
hann sé með hvorugum? Líklegast
sumpart til þess að dorga á því
einhver atkvæði, en aðalástæðan
mun þó vera sú, að hans pólitiska
eðli er að blekkja. Kolkrabbinn
spýtir frá sér móryglunni þó búið
sé að draga hann upp yfir sjávar-
borð og ekkert sé því að grugga.
Jakob heldur áfram að blekkja,
þó hann viti að það sé jafn þýð-
ingarlaust eins og blekspýjur kol-
krabbans eftir að hann er kominn
upp úr sjónum.
En við skulum nú í grein á
morgun athuga það nánar, hvað
hæft er í því, að Jakob Möller sé
með hvorugum, jafnaðarmönnum
eða Sjálfstjórn.
Uin dagiDQ op veginn.
Kosning á einum þingmanni
hér í Rvík á fram að fara 21.
þ. m.; framboðsfrestur til 17.
Þingraálafnnd, svonefndan, hélt
fyrverandi alþm., Jakob Möller rit-
stjóri, í gærkvöldi í Bárubúð. Var
þar fult manna og héldu ýmsir
ræður, svo sem Vog-Bjarni, sem
sjálfsagt var, sá fyrverandi, Pétur
í Hjörsey, sem talaði mest um
þingmenskuhæfileika sína og bar
sig saman við Möller, en það þótti
ýmsum fremur „klén“ vitnun. Þá
mælti og Gísli hinn mælski Sveins-
son og geiði eigi alllítið að því,
að hallmæla fulltrúaefnum Alþfl.
við síðustu þingkosningar, og þótti
sumum þar langt gengið í mál-
æðinu, að skamma fjærstadda
menn, en sumir eru svo gerðir,
að þeir eru hugaðastir þegar eng-
inn er til varnar. Þá mæltu og
tveir Sigurðar Þorsteinssynir og
bað annar þeirra í lok ræðu
sinnar menn að fyrirgefa úr sér
bullið. Ólafur klerkur vittnaði og
Möller til stuðnings. T.
Pað er gott að geta fylgst
með tímanum. Morgunbl. gengur
það æði illa. Það er ýmist á eftir
eða á undan. Fyrir bæjarstjórnar-
kosningarnar kallaði Mgbl. Ólaí
Friðriksson fyrverandi bæjarfull-
trúa. Þar var það nokkuð fljótt á
sér; það eru sem sé 2 eða 6 ár
þar til Ó. F. verður „fyrverandi*,
eftir því hver út verður dreginn
á næsta bæjarstjórnarfundi.
Aftur á móti var Mgbl. nokkuð
seint á sér á þriðjudaginn núna í
vikunni. Þá flutti það sem sé aug-
lýsingu um uppboð, sem fór fram
daginn áður — mánudag!
Eolaldsmeri sú, er í haust
gekk með folaldi vestur í Dölum,
kvað nú hafa kastað í annað sinn
og átt folald, langt og mjótt, sem
gengur nú undir henni. Ekki vit-
um vér sönnur á þessu. En merki-
legt fyrirbrigði er það, er svo
skamt líður milli folalda. Carus.
Byggingaleyfum afsalað. Ein-
ar Ágúst Einarsson og Ásg. G.
Gunnlaugsson hafa afsalað sér
byggingaleyfum þeim, er þeir fengu
í fyrra.
P. 0. Cliristensen fyrv. lyfsali
hefir fengið samþ. bæjarstj. til þess
að byggja einlyft íbúðarhús úr
timbri á lóðinni nr. 36 við Lauf-
ásvag. Flatarmál hússins 125 fer-
metrar. Ennfremur byggir hann á
lóðinni, sem er 793 ferm., geymslu-
skúr úr steini, 71/i'X5 metra.
Rætist úr kolavandræðunum.
Villemoes er lagður af stað frá
Englandi með 200 smál. af kol-
um hingað, meiri kol fást ekki í
þessum mánuði, en Borg er farin
frá Englandi hlaðin koksi til Norð-
urlands og 1800 smál. skip hlað-
ið koksi hingað.