Plógur - 01.01.1905, Page 5
5
En það skal tekið fram, að
skemmtafýsnin getur orðið ofmikil
og leitt margan afvega. En svo
framarlega sem þeir. sem skemmt-
anirnar veita, eða standa fyrir þeim,
eru menn í orðsins rétta skiln
ingi, þekkja mannlegt eðli og þau
öfl í salu hvers einstaks manns,
sem getur komið á jafnvagi milli
löngunarinnar og nautnarinnar, þá
er öllu óhætt.
Eg set hér til sýnis fiumskrá
(Program) fyrir slíkar skemmti-
samkomur, eins og eg hef hugsað
mér að þær mættu vera eða ættu
helzt að vera.
Fundurinn byrjar kl. 12 á há-
degi Fundarstjóri setur fundinn
stundvíslega, svo framarlega sem
5 eru viðstaddir. Ef beðið er ept-
ir mönnum, þá kemst það upp í
vana, að enginn lætur sér liggja
á að mæta stundvíslega. Sam-
koman er byrjuð með því, að
sungið er eitthvert ættjarðarkvæði
eða göfgandi skemmtikvæði. Því
næst er byrjað með því, að halda
fyrirlestra um eitthvert efni, mennt-
andi og fræðandi.
Fyrirlesturinn ætti ekki að taka
lengri tíma en 45 mín Svo eru
lög sungin í hálftíma, söng-
flokkur er til, eða einhverjir sem
sungið geta. Svo ma annaðhvort
hafa í klukkutíma upplestur eða
leiki, eptir ástæðum. En þar á
eptir mætti dansa í 2 tíma. Ekki
lengur. Kl. 5 ætti skemmti-
samkoman að vera búin. Hún
ætti að enda með því, að fallegt
kvæði væri sungið.
Hver maður gæti haft með sér
nesti, ef hann vildi, og mælti þá
borða það a 10 minútuin á milli
skemmtunaratriðanna.
Fyrst í stað yrðu slíkar skemti-
samkomur ófullkomnar og færu
að sumu leyti í handaskolum. En
þess yrði ekki langt að bíða. að
menn kæmust uppá lag með þetta,
þegar þægilegt hús væri til. I
flestum sveitum eru ungir menn,
sem verið hafa í kaupstöðum,
lengri eða skemmri tíma og vanist
skemtisamkomum og gætu því stutt
þessar samkomur vel. Prestarnir
ættu að styðja þetta mest og vera
sjálfkjörnir formenn þessa félags,
eða einhver jatnoki þeirra.
Þetta er málefni, sem óbeinlínis
hefur þýðingu fyrir framfarir sveita-
félaganna og landbúnaðarins. Þess-
vegna gerir Plógur það að um-
talsefni.
Hvað segja Norðmenn um hirð-
ing og mjaltir á kúm?
(Þýtt).
—:o:—
Það er alþekt, að ýmsir, —jafn-
vel margir bændur, gera sér
mikinn skaða, að nota óhentugt
fóður fyrir mjólkurkýr sínar. Það
er afar-áríðandi fyrir bóndann, að
geta séð það vel út, hvaða fóður
er hentugast fyrir þær, bæði sem
mjólkurfóður og einnig til holda.
Það er þrisvar á arinu einna hætt-
ast við að kýr geldist:
I. Á vorin, scu þær látnar út,
áður en farið er að gróa að mun.