Helgarpósturinn - 12.06.1986, Side 23

SIGFÚS JONSSON
VERÐANDI BÆJARSTJÓRI Á AKUREYRI
í HP-VIÐTALI
AÐ HAFA AGA Á ÍSLENDINGUM
leftir Harald Inga Haraldsson sem jafnframt tók myndir
Framkvœmdastofnun, hinir og þessir skólar, Ný-
fundnaland, tvö ár á Skagaströnd og núna bíður
bœjarstjórastaðan á Akureyri.
„Ég hef aldrei haft trú á mönnum sem eru á
sama stað alla ævi. En ég lít svo á að með aldrin-
um færist meiri ró yfir mann. Tilviljanir hafa líka
ráðið miklu um þetta. Ég var til dæmis alls ekki
á leið héðan frá Skagaströnd, ætlaði mér að vera
hérna lengur. En mér fannst ég ekki geta hafnað
þessu tilboði um bæjarstjórastöðuna á Akureyri.
Ég hefði einnig verið lengur á Nýfundnalandi ef
ég hefði fengið framlengingu á atvinnuleyfinu
en það tókst ekki. Það er svo mikið atvinnuleysi
þar. Þetta er ekki þannig að maður sé að flýja
hlutina, heldur hafa aðstæðurnar verið svona.
Konunni líkar vel hérna á Skagaströnd og vill
helst vera áfram. Ég á ábyggilega erfitt með að
toga hana með mér, hún er að tala um það í gríni
að ég geti bara komið heim um helgar," segir
Sigfús og hlær.
10 ára íslandsmet
— Pú ert þekktur hlaupari Sigfús, hljópst
langhlaup.
„Já, já, ég hljóp maraþonhlaup, fimm og tíu
kílómetrahlaup og annað slíkt og keppti í þessu
árum saman. Bestu árin mín voru þegar ég var
úti í Bretlandi, þar voru góðar aðstæður og mað-
ur hafði góðan þjálfara, nóg af mönnum til að
keppa við og æfa með og góðan félagsskap.
Hérna heima keppti ég alltaf fyrir ÍR.“
— Hvernig gekk svo?
„Það gekk svona upp og ofan, stundum vann
maður og stundum tapaði maður eins og gengur.
En þetta var skemmtiiegt og það var ekki alltaf
að maður væri að keppast við það að sigra, eins
og margir halda, heldur reyndi maður oft að
komast inn í góð hlaup til að ná góðum tímum.
Ég keppti líka í götuhlaupum og víðavangs-
hlaupum. Þetta var að sjálfsögðu gaman. Maður
fór út um allan heim að hlaupa. Ég keppti til
dæmis einu sinni í maraþonhlaupi í Chicago þar
sem tíu þúsund manns hlupu og maður hljóp
mikið á brautunum í Bretlandi á alls kyns mót-
um. Þá reyndi maður oft að setja met þar á vorin
áður en maður kom heim í sumarfrí, brautirnar
voru svo miklu betri og svo var keppnin miklu
minni heima, lítið um langhlaupara.
Eitt metið stendur enn, það var sett í Rússland,
við Svartahafið, í tíu kílómetra hlaupi; það er tíu
ára gamalt."
Félk sem þorir
— Nú ert þú á leið til Akureyrar að setjast þar
í bœjarstjórastól. Hver verða helstu verkefni
nýju bœjarstjórnarinnar?
„Það er augljóslega forgangsverkefni að rífa
Akureyri upp í atvinnumálunum. Þessi deyfð
sem hefur verið þarna gengur ekki. Þetta er
auðvitað mikið verk og tekur langan tíma og ég
get ekki verið að fella dóm yfir einum né nein-
um. Ég þekki það ekki nógu vel, en það er aug-
ljóslega eitthvað að. Það vantar tilfinnanlega
frumkvæði og drift. Hvort ástæðan er sú að
Akureyri missir allt sitt besta fólk suður í fram-
haldsnám og það kemur ekki aftur til baka, eða
hvað, ég veit það ekki. Það þarf að virkja fólk
með kraft, fólk sem þorir. Af hverju spretta öll
þessi tölvufyrirtæki upp í Reykjavík? Af hverju
gerist ekkert svoleiðis á Akureyri?
Opið á laugardögum
— Nú er búið að klifa einmitt á þessu, árum
saman, án umtalsverðs árangurs. Hvað er til
ráða?
„Bæjarfélagið verður að móta stefnu í at-
vinnumálum og verja fé til atvinnuuppbygging-
ar og ráða eitthvert fólk í vinnu til að leita að
fólki með hugmyndir, halda námskeið, gefa
þeim sem fyrir eru kost á meiri menntun, freista
þess að ná í velmenntað fólk í bæinn og skapa
því aðstöðu o.s.frv.
Mín skoðun er sú, að stórkostleg tækifæri séu
ónýtt í verslunar- og þjónustugreinum á Akur-
eyri. Ástandið í dag er þannig að fólk á Norður-
landi sækir ekki til Akureyrar. Það er samgöng-
unum að kenna og því að bærinn hefur ekki að-
lagað sig því hlutverki að vera viðskipta- og
þjónustumiðstöð fyrir allt Norðurland. Ef fólk
vill fara til Akureyrar á laugardegi til að versla,
þá er allt lokað. Þetta er náttúrulega rugl. Aðal-
verslunardagurinn á að sjálfsögðu að vera laug-
ardagur. Það væri þá hægt að hafa lokað ein-
hvern annan dag, t.d. mánudag.
Á laugardögum, þegar fólk á frí, á Akureyri að
bjóða Norðlendingum upp á opnar verslanir,
hárgreiðslustofur, tannlækna og aðra lækna-
þjónustu, leikhús, bíó og veitingahús og svona
mætti lengi telja. Þetta tíðkast í öllum nágranna-
löndum okkar og ég er sannfærður um að Norð-
lendingar myndu flykkjast til Akureyrar til að
njóta þessarar þjónustu."
Ráðuneyti norður
„Akureyringar hafa heldur ekki verið nógu
duglegir að knýja á um flutning þjónustu frá
Reykjavík í bæinn. Það er einblínt á Byggða-
stofnun, og ég er meðmæltur þeim flutningi.
Það á að krefjast þess að stjórnarráðið sé með
útibú á Akureyri og útibú séu þar frá öllum
helstu ríkisstofnunum, þannig að Norðlending-
ar geti rekið erindi sín við ríkisvaldið á Norður-
landi. Hvert ráðuneyti gæti verið með einn full-
trúa í bænum og ég er ekki að tala um að fjölga
starfsmönnum við ráðuneytin heldur færa stöð-
ugt til. Það eiga allir erindi við ráðuneytin. Þetta
er hvergi svona í heiminum að ráðuneytin séu
bara í höfuðborginni. Það er þannig í Bretlandi
og á Nýfundnalandi að það er útibú frá stjórnar-
ráðinu í hverjum einasta stórbæ í landinu og
stundum allt niður í fjögur til fimm þúsund
manna bæi. Það er á mörgum svona sviðum
sem þarf að vinna og ég er klár á því að það
mætti færa, á nokkrum árum, tvö til þrjú hundr-
uð störf í opinberri þjónustu frá Reykjavík til
Akureyrar. Það eru þjónustustörfin sem skapa
mestu atvinnuna, þar er vaxtarbroddur at-
vinnulífsins."
— Pú rœddir áðan um kosti háskólanáms og
þess að fara úr heimahögunum í annað um-
hverfi. Hvað með háskóla á Akureyri.
„Ég held að menn mættu vera meira stórhuga
í sambandi við þessi áform um háskóla í bænum
og byggja upp sjálfstæðan skóla, sækjast eftir
ríkisstyrk og stofna hlutafélag með sveitarfélög-
um, fyrirtækjum á Norðurlandi og ríkinu. Síðar
mætti bjóða upp á tvær, þrjár góðar greinar og
kenna þær fyrir alla íslendinga. Sem sé ekkert
útibú, heldur sjálfstæður háskóli sem kennir t.d.
fjölmiðlafræði og sjávarútvegsfræði, eitthvað
sem ekki er kennt í Háskóla íslands. Ég er á móti
þeirri stefnu að ungt fólk á Akureyri, sem lýkur
stúdentsprófi, eigi endilega að fara í háskóla-
nám á Akureyri. Eg lít svo á að miklu heppilegra
sé að það fari burt og komi svo aftur reynslunni
ríkari á sama hátt og ég lít á háskóla á Akureyri
sem tækifæri fyrir Reykvíkinga til að komast í
annað umhverfi."
Alþjóðlepur sjávar-
útvegshaskóli
„Ég hef lengi gengið með þá hugmynd að
mjög æskilegt væri að stofna hér á landi alþjóð-
legan sjávarútvegsháskóla, þar sem kennt yrði
á ensku og fólk alls staðar úr heiminum gæti sótt
til skólans. Þar kæmu gjaldeyristekjur og þannig
væri hægt að aðstoða þróunarríkin, auk þess
sem svona stofnun mundi tryggja áframhald-
andi framþróun og forystu íslendinga í sjávarút-
vegsvísindum. Þarna ættu sölusamtökin, sjávar-
útvegurinn og iðnrekendur að koma inn í dæm-
ið til að styrkja stofnunina, því að þeir menn
sem kæmu erlendis frá og hyrfu síðan til síns
heima til að byggja upp sjávarútveg, hefðu
kynnst íslenskum iðnvarningi og þau fyrirtæki
sem framleiða fyrir sjávarútveg ættu auðveld-
ara með útflutning. Það tekur tiu til tuttugu ár að
byggja svona skóla upp og það þarf að eyða í það
fé en það mundi skila sér margfalt til baka.
Svona er hægt að vinna að fjölmörgum mál-
um ef menn gefa sér tíma og peninga í það. Einn
bæjarstjóri gerir náttúrulega ekki allt þetta, en
hann getur stýrt fjármagni og ráðið menn sem
verða síðan að framkvæma stefnuna"