Þjóðviljinn - 11.03.1986, Blaðsíða 1

VIÐHORF
HEIMURINN
ÍÞRÓTTIR
Afvopnunarmál
Bréf til
Reagansog
Gorbatsjoffs
Sex þjóðarleiðtogar
leggja til að stórveldin
stöðvi allar tilraunir
með kjarnorkuvopn.
Eittsíðasta stjórnar-
verk Olofs Palme.
Nóbelsverðlaunahaf-
arstyðja afvopnunar-
hugmyndirnar með
yfirlýsingu
Það er mikilvægt að nú hefur
verið ákveðið að þctta starf
haldi áfram og í brcfi leiðtoganna
sex til Rcagans og Gorbatsjoffs
eru lagðar fram nýjar hugmyndir
í afvopnunarmálum og verður
fróðlegt að fylgjast með við-
brögðum í Moskvu og Washing-
ton“, sagði Ólafur Ragnar
Grímsson, formaður Alþjóða-
samtaka þingmanna, sem hafa
haft frumkvæöi að friðarstarfi á
alþjóðlegum vettvangi.
1 gær var birt bréf sex þjóðar-
leiðtoga til Reagans Bandaríkja-
forseta og Gorbatsjoffs leiðtoga
Sovétríkjanna þar sem þeir
leggja til að stórveldin stöðvi
alllar tilraunir með kjarnorku-
vopn fram að næsta leiðtogafundi
Reagans og Gorbatsjoffs. Auk
þess bjóðast þeir til að koma á fót
óháðu eftirliti með slíku banni.
Undirritun þessa bréfs var eitt af
síðustu embættisverkum Olofs
Palme, forsætisráðherra Svíþjóð-
ar. Hann undirritaði bréfið föstu-
daginn 28. febrúar rétt áður en
hann yfirgaf forsætisráðuneytið.
Þingmannasamtökin gáfu ný-
lega út ritverk þar sem fjallað er
um stefnugrundvöll afvopnunarf-
rumkvæðis leiðtoganna sex. Rita
þeir allir formála að því. í ritinu
er auk þess birt stuðningsyfirlýs-
ing frá 83 Nóbelsverðlauna-
höfum. Þar segir m.a. að brýn
nauðsyn sé á því að rjúfa þann
vítahring sem einkennt hefur við-
ræður stórveldanna um afvopn-
un.
Sjá nánar um bréf
leiðtoganna á bls. 18.
Fjölmennt lögregluliö, slökkviliðsmenn og fjöldi áhorfenda kominn að Fokkervélinni sem liggur þvert yfir aðra akrein Suðurgötunnar.
Flugóhapp
Rann út á Suðurgötu
Fokkervélfrá Flugleiðum rann útaf flugbrautinni og yfir á Suðurgötuna
hjá Reykjavíkurflugvelli. Vélin missti afl á öðrum hreyfli.
Farþegar 41 að tölu og 4ra manna áhöfn sluppu ómeidd. Engin bifreið
vará Suðurgötunni við enda brautarinnar
Segja má að kraftaverk hafí átt
sér stað í gær, þegar Fokker-
vél frá Fluglciðum með 41 far-
þega missti afl á öðrum hreyfli í
flugtaki og hætti við flugtak.
Rann vélin fram af flugbrautinni
og út á Suðurgötuna, sem liggur
við vesturenda brautarinnar, og
stöðvaðist á miðri götunni. Eng-
inn sem í vélinni var meiddist, en
vélin sjálf er það mikið skemmd
að talið er vafasamt hvort borgar
sig að gera við hana.
Fokker-vélin var á leið til Pat-
reksfjarðar. Var vélin nýkomin
úr klössun. Að sögn Karls Eiríks-
sonar formanns Rannsóknar-
nefndar flugslysa er ólíklegt að
rannsókn á slysinu ljúki fyrr en
eftir nokkra daga. í gær var þó
gefin út fréttatilkynning af Karli
og Hauki Haukssyni varaflugm-
álastjóra þar sem segir að flug-
skilyrði hafi verið vel fyrir ofan
vallarlágmark. Flugstjórinn hafi
heyrt hávaða sem hafi valdið því
að hann taldi óvarlegt að halda
áfram flugtaki og hætti við.
Ástæðan fyrir því að ekki tókst að
stöðva vélina áður en hún fór útaf
brautinni liggur ekki fyrir enn.
Að sögn Sæmundar Guðvins-
sonar blaðafulltrúa Flugleiða h.f.
myndi það taka marga mánuði að
gera við vélina ef það yfirleitt
verður talið borga sig. Sagði Sæ-
mundur að það gæti jafnvel orðið
dýrara að gera við vélina en að fá
nýja, en þetta þyrfti frekari rann-
sóknar við og væri að auki trygg-
ingamál.
Fyrir utan það hvað giftusam-
lega tókst til með flugvélina og
farþega hennar, þá má einnig
kraftaverk teljast að engin bifreið
var á þeirri akrein Suðurgötunn-
ar sem flugvélin stöðvaðist á.
Hætt er við að hinar miklu deilur
um staðsetningu Reykjavíkur-
flugvallar blossi nú upp að nýju.
- S.dór
Sjá bls. 7.
Bifreiðalœkkunin
Frekari lækkun á bflum
Stjórnarfrumvarp samþykkt ígœr til að leiðrétta vitleysurnar.
Asmundur Stefánsson: Forysta ASÍrœddi við fjármálaráðherra.
Verðlagsstofnun gerði athugasemdir hjá bifreiðaumboðum.
Hótar að birta nöfn hinna brotlegu
V-Pýskaland
Fingur saknar
manns
Vestur-Berlín - Lögreglan í V-
Berlín veltir nú vöngum yfir því
hvernig standi á því að fíngur af
manni féll af himnum ofan á bíl-
þak á götu í borginni.
Maður nokkur sem iagt hafði
bíl sínum í Tegel hverfinu í borg-
inni heyrði að eitthvað féll á þak
bílsins þegar hann var að stíga út
úr honum. Þegar hann sá fingur-
inn hélt hann að einhver væri að
stríða sér, henti fingrinum á götu-
na og gekk burt. Um kvöldið
sama dag fékk hann hins vegar
bakþanka og hafði samband við
lögregluna. Fingurinn var enn á
götunni og nú er leitað á spítölum
í borginni að eiganda, án árang-
urs.
Igær var samþykkt stjórnar-
frumvarp um frekari lækkun á
innflutningsgjöldum á bílum, á
Alþingi. Samkvæmt nýja frum-
varpinu munu allir bílar lækka
um 30%, en sá misbrestur var á
reglugerðinni sem gefin var út um
lækkun á innflutningsgjöldunum,
að dýrustu bílarnir lækkuðu mun
meira en þeir ódýru.
Ásmundur Stefánsson, forseti
ASÍ, sagði við Þjóðviljann í gær,
að forysta ASÍ hefði rætt við fjár-
málaráðherra þegar þetta varð
ljóst og beðið um leiðréttingu á
þessu, sem nú hefur gengið eftir.
Þá hafði komið í ljós er Verð-
lagsstofnun athugaði álagningu á
bifreiðum eftir tollalækkunina,
að hún hafði í sumum tilfellum
nækkað þannig að lækkunin
skilaði sér ekki til neytenda. Nú
hafa umboðin lofað að kippa
þessu í liðinn, enda hefur Verð-
lagsstofnun hótað að birta nöfn
þeirra sem ekki verða við þessum
tilmælum.
í gær var gerð könnun á verði
fjögurra bifreiðategunda og sá
Verðlagsstofnun um könnunina,
en ASI hafði óskað eftir henni.
Daihatsu Charade kostaði 401
þúsund kr. fyrir lækkun en kostar
nú 280 þúsund, Volkswagen Golf
kostaði fyrir lækkun 585 þúsund
en kostar nú 403 þúsund. Nissan
Cherry kostaði 510 þúsund en
kostar nú 355 þúsund. Mazda 323
kostaði 490 þúsund fyrir lækkun
en kostar nú 341 þúsund. - Sáf
- IH/Reuter