Morgunblaðið - 21.10.1978, Blaðsíða 14
14
MORGUNBLAÐIÐ, LAUGARDAGUR 21. OKTÓBER 1978
Áiiián skattheimta dreg-
ur úr hvöt manna til
að starfa og afla tekna
Engllbert Ingvarsson kosinn formaður Kjör-
dæmisráðs Sjálfstæðisflokksins á Vestfjörðum
KJORDÆMISRAÐ Sjálfstæðis-
flokksins í Vcstfjarðakjördæmi hélt
aðaifund sinn á ísafirði 7. október
sl. Fundinn sóttu fulitrúar víðs
vcgar að úr Vestfjarðakjördæmi og
var á honum fjallað um starfsemi
ráðsins og þau viðhorf, sem nú eru
uppi í stjórnmálunum. A fundinum
var kjerið í stjórn Kjördæmisráðs
ins og var Engilbert Ingvarsson.
bóndi, Tyrðilmýri, ísafjarðardjúpi,
kjörinn íormaður ráðsins en fráfar-
andi formaður, Guðmundur B.
Jónsson, Boiungarvfk, baðst undan
endurkjöri.
Aðalfundurinn samþykkti ályktun
þar sem vakin er athygli á þeirri
Engilbert Ingvarsson
sundrungu og óeiningu, sem fram
kom milli vinstri flokkanna við
myndun núverandi ríkisstjórnar, er
tókst loks að mynda rúmum tveimur
mánuðum eftir alþingiskosningarn-
ar 25. júní sl. eins og segir í
ályktuninni. Þá segir í ályktun
fundarins:
„Ljóst er að ríkisstjórnin stendur
ekki traustum fótum og nýtur ekki
fulls stuðnings allra þingmanna
þeirra flokka, sem að henni standa,
svo sem fram hefir komið í fjölmiðl-
um, hvað þá alls almennings í
landinu.
Fundurinn varar alvarlega við
þeirri stefnu, sem fram kemur í
efnahagsráðstöfunum ríkisstjórnar-
innar, og eru hreinar bráðabirgðaað-
gerðir til fjögurra mánaða er hljóta
að leiða til alvarlegri vanda síðar,
sem verður erfitt að leysa og því
erfiðara sem lengur verður haldið
áfram á sömu braut. I þessu
sambandi bendir fundurinn á að
aukin skattheimta á borgarana
hlýtur að draga úr hvöt manna til að
starfa og afla tekna, en það leiðir
aftur til minnkandi þjóðarfram-
leiðslu og versnandi lífskjara, þegar
til lengdar lætur.
í stjórnarsáttmálanum er aðeins
vikið að örfáum málum, sem snerta
vandamál þjóðarinnar, og viður-
kennt af ráðherrum að ósamið sé um
fjölda veigamikilla málaflokka, sem
engin vissa er fyrir að stjórnarflokk-
arnir nái nokkurn tíma samstöðu
um.
Virðist því allt vera í óvissu með
samstarf þessara flokka í ríkisstjórn
og eins líklegt að fljótlega þurfi að
efna til nýrra kosninga.
Fundurinn skorar á allt sjalfstæð-
isfólk til eindreginnar og öflugrar
samstöðu innan Sjálfstæðisflokksins
í þeirri sókn, sem framundan er til
þess að flokkurinn megi á ný verða
það forystuafl í íslenskum stjórn-
málum, sem þjóðin hefir þörf fyrir.“
Sem fyrr sagði var á fundinum
kjörið í stjórn kjördæmisráðsins og
eiga sæti í henni auk formannsins,
Engilberts Ingvarssonar, Jón Gunn-
ar Stefánsson, Flateyri, Óskar
Kristjánsson, Suðureyri, Sigurður
Guðmundsson, Bíldudal, og Pétur
Sigurðsson, Isafirði. I varastjórn
voru kjörin Þórir H. Einarsson,
Drangsnesi, Örn Gíslason, Bíldudal,
Hildur Einarsdóttir, Bolungarvík,
Elísabet Agnarsdóttir, ísafirði, og
Guðmundur H. Ingólfsson, ísafirði.
í flokksráði Sjálfstæðisflokksins
voru kjörnir Ólafur Guðbjartsson,
Patreksfirði, Jónatan Einarsson,
Bolungarvík, Högni Þórðarson, ísa-
firði, Óskar Kristjánsson, Suðureyri,
og Kristján Jónsson, Hólmavík. í
blaðnefnd Vesturlands voru kjörnir
Guðmundur Þórðarson, ísafirði,
Einar K. Guðfinnsson, Bolungarvík,
Guðmundur Agnarsson, Bolungar-
vík, Stefán Skarphéðinsson, Patreks-
firði, og Friðbjörn Óskarsson, Hnífs-
dal, Isafirði.
Félagskonur í Kvenfélaginu Hringnum og hluti þeirra eigulegu muna sem eru á basarnum
á Hallveigarstöðum.
Kvenfélagið Hringuriim held-
ur basar á Hallveigarstöðum
KVENFÉLAGIÐ Ilringurinn.
heldur hasar á Hallveigarstöðum.
laugardaginn 28. október næst-
komandi.
A basarnum verða meðal ann-
ars: handavinna, jóladúkar, jóla-
trésteppi, leikföng, barna- og
unglingateppi, svuntur og fleira.
Þá verður einnig kökubasar.
Hluti basarmunanna verður til
sýnis í Gráfeldarglugganum í
Bankastræti í dag, laugardag 21.
október og á morgun, sunnudag.
Kvenfélagið Hringurinn var
stofnað 26. janúar 1904. Hrings-
konur hafa frá upphafi helgað sig
líknarmálum og nú síðustu árin Allur ágóði af basarnum rennur
líknarmálum barna. til barnaspítala Hringsins.
Ragnar Arnalds samgönguráðherra:
Eðlilegt að gera
úttekt á rekstri ^
Flugleiða og E.í.
„ÉG tel að það sé fullkomlega
eðlilegt að gera úttekt á þessum
rekstri og reyndar þyrfti alveg
áreiðanlega að gera góða úttekt á
þessum málum á fleiri sviðum.“
sagði Ragnar Arnalds sam-
göngumálaráðherra er Mbl.
spurði hann í gær álits á þeirri
þingsályktunartillögu Ólafs
Ragnars Grímssonar að kosin
verði þingnefnd til að rannsaka
„rekstur fjárfcstingar og far-
gjalds- og farmgjaldsákvarðanir
Flugleiða og Eimskipafélagsins
með sérstöku tilliti til einokunar-
aðstöðu og markaðsdrottnunar
þessara fyrirtækja.11
„Mér sýnist þessi tillaga Ólafs
Ragnars skýra sig alveg sjálf,“
sagði Ragnar, „og ég er henni
fylgjandi."
Sigur jón Ólafs-
son — sjötugur
Sigurjón Ólafsson er óþarft að
kynna fyrir lesendum Morgun-
blaðsins og raunar allri þjóðinni.
Hann hefur unnið svo rækilega að
menningu okkar síðustu áratugi,
að vart verður annað sagt en að
hann hafi verið einn af máttar-
stólpum Islands. Stórt orð Hákot,
en ef nánar er að gáð, vil ég halda
því fram, að ekki sé ofsagt, að
menning íslendinga eigi í Sigur-
jóni Ólafssyni einn sinn merkasta
fjársjóð, og ég veit, að mikill fjöldi
aðdáenda Sigurjóns er mér sam-
mála. Þegar ég minnist á aðdáend-
ur Sigurjóns Ólafssonar, tala ég
bæði um listamenn hérlenda og
ekki síður mikinn fjölda fremstu
manna erlendis í listum. Þannig
hefur Sigurjón Ólafsson unnið sér
svo sterkan sess í menningu
Norðurlanda, að fleiri vilja eiga en
fá. Má í því sambandi nefna, að oft
hefur honum verið borið það á
brýn, að hann hafi svikið Dani
með því að hverfa heim og starfa
meðal þess fólks, er ól hann og gaf
honum það veganesti, er dugað
hefur hingað til.
Það mætti margt skrifa um
Sigurjón Ólafsson sjötugan. Verk
hans þóttu í eina tíð ekki fyrir
alla, og var hann löngum litinn
hornauga af þeim, er vildu engar
breytingar í listum eða voru þess
ekki megnugir að meðtaka snilli
hans. Nú er sagan önnur. Verk
Sigurjóns Ólafssonár eru nú víða
um þessa borg, og má nefna sem
dæmi styttu fyrir framan Höfða,
Síra Friðrik, Ölaf Thors, Minnis-
merkið fyrir framan Hótel Sögu,
og enn mætti bæta við þessa
upptalningu. En það er ekki nóg,
að Reykjavík hafi uppgötvað
Sigurjón Ólafsson, heldur er nú að
finna verk eftir hann víðs vegar
um land, og er það sómi Islendinga
allra. Sú var tíðin, að aðeins eitt
eða tvö verk var að finna á
almannafæri eftir Sigurjón, og við,
sem verið höfum í námunda við
Sigurjón Ólafsson, þekkjum þá
þrotlausu baráttu, er hann varð að
heyja til að draga fram lífið. Enn
er það eítt, sem við gerum okkur
stundum ekki eins Ijóst og æski-
legt væri. A Islandi býr ef til vill
besti portrettmeistari, sem nú er
uppi í þessum heimi. Hann er
auðvitað Sigurjón Ólafsson, og
sem betur fer hefur Sigurjón haft
mikil umsvif á því sviði Ég veit, að
mörgum finnst ef til vill, að ég taki
nokkuð sterkt til orða, þegar
portrettlist Sigurjóns ber á góma,
en ég bið ekki afsökunar á þeim
fullyrðingum, er ég læt hér fjúka.
Ef einhver á það skilið, að sterkt
sé talað, er það Sigurjón Ólafsson,
‘og sú þakkarskuld, sem við eigum
honum að gjalda, verður aídrei
greidd. Þess erum við ekki megn-
ug-
Enda þótt sjö séu tugirnir
orðnir, verður þess ekki vart, að
vinnuþrek né andans flug sé farið
að dofna með þessum sívirka
listamanni. Nú vinnur hann mörg
af sínum sérstæðustu verkum, og
það er eins og Elli kerling hafi
ekkert viljað við Sigurjón tala.
Hann er enn frár á fæti, brosmild-
ur og síþenkjandi yfir nýjum
möguleikum og nýju efr.i. Hann
stundar gufuna og heldur sér eins
og sprækustu unglingar á
Hallærisplaninu. Hann tekur ár-
lega þátt í SEPTEM með splunku-
ný verk, sem koma manni á óvart
ár eftir ár. Hann á sér fáar
hvíldarstundir, því að hönd hefur
varla við því, sem hugur vill færa í
form og plastík. Tré er tálgað,
kopar er sleginn, naglar negldir og
symphonían hljómar skært og
hreint, örvandi og heillandi. Nýir
heimar opnast, og land og tilvera
auðgast af hinum ótrúlegu verk-
um.
Það hafa margar sögur verið
sagðar af Sigurjóni Ólafssyni. Ein
er samt sú saga, er mér finnst
merkilegust, og hún er í örstuttu
máli á þessa leið: Þegar Sigurjón
Ólafsson hafði lokið námi í
húsamálun, kom hann að máli við
móður sína og sagði henni, að
hann ætlaði út í heim og gerast
myndhöggvari og listamaður.
Gamla konan horfði áhyggjufull á
son sinn og sagði: Á- hverju ætlar
þú að lifa, Siggi minn? Sigurjón
sýndi móður sinni hendur sínar og
svaraði: A þessum hérna. Þessi
stutta saga finnst mér 'vera sígild
um Sigurjón Ólafsson. Og hann
bætti við: Þær svíkja ekki. Orð að
sönnu, er maður sér afköst þessa
unga listamanns, sem er sjötugur í
dag.
Valtýr Pétursson.