Morgunblaðið - 21.10.1978, Blaðsíða 33
MORGUNBLAÐIÐ, LAUGARDAGUR 21. OKTÓBER 1978
33
BLðM
VIKUNNAR
UMSJÓN: ÁB.
Tínt hafa haustsins
hélugráu fingur
blöðin
af blómi og grein.
Það hefur kólnað. Grákollótt fjöll anda svölum gusti
á byggðina. Sumarsins sæta angan hefur vikið fyrir
römmum og svölum ilmi fallandi laufs og fölnandi
blóma.
I garðinum hafa kaldir vetrarvindar feykt á burt
gulum, brúnum og rauðum haustlitunum og laufskafl-
ar skrjáfa undir fæti. Sumarblóm og suðrænn gróður
stendur hnípinn, barinn og sviðinn eftir fangbrögð
fyrstu frostnátta. Borubrattir þrestir þreyta kappát á
bústnum klösum reynitrjánna og búa sig undir
harðræði vetrarins.
En garðeigandinn klæðist hlýrri lopapeysu og lítur
með velþóknun á allt þetta — og er þegar farinn að
ráðska með næsta vor. Haustlaukar með klingjandi
framandlegum nöfnum eru varlega lagðir í mjúka
mold. Túlípanar, krókusar, snæstjörnur, páskaliljur:
Queen of Bartigous, Brilliant Star, Spring Beauty,
Golden Harvest, þreyja skammdegið undir sæng laufs
og greina til að lifna með hækkandi sól og hlýnandi
veðri að vori. Sólskinsbros geymd í svellakistu vetrar!
En fleirri verkefni bíða blánefjaðra garðeigenda á
veturnóttum en að leggja lauka. Garðinn þarf að þrífa
undir veturinn. Hreinsa fallið lauf af grasflöt og
sléttum og drífa það út í beðin (ekki í sorptunnuna)
þar sem það hlífir plöntunum og bætir jarðveginn.
Fjarlægja sumarblómin, skera ofan af fjölæringum
spönn frá jörðu og leggja stönglana yfir beðin til
skjóls. Allari* lífrænan úrgang úr garðinum ætti að
leggja í safnhaug, sem að tveim til þrem árum liðnum
skilar honum aftur í garðinn sem úrvals gróðurmold.
Það er gamla sagan um eilífðina:
Af mold ertu kominn...
Og ýmsu fleiru þarf að sinna. Hreykja mold upp að
rósum, skýla ungum sígrænum plöntum með striga,
taka dalíur, gladiólur, begóníur og fleiri vorlauka inn í
frostlausar geymslur. Safna fræi af úrvalsplöntum til
sáningar að vori, því
„eftir vetur óralangan
aftur kemur vor í dal.“
Ó.B.G.
KRÓKUSABREIÐA
Mynd þessi átti að fyIjtfja síðustu grein. en einhverra orsaka
ve>fna komst hún aldrei í blaðið.
• •
Okumaður
beðinn að
gefa sig fram
FÖSTUDAGINN 20. október kl. 11
var ekið aftan á græna Cortinu,
R-215, á Nóatúni við Laugaveg.
Kona ók bifreiðinni og taldi hún í
fyrstu að litlar sem engar
skemmdir hefðu orðið á bifreiðinni
en síðar kom annað í ljós.
Bifreiðin, sem ók aftan á bíl
konunnar, var ljósblá Volvo-bif-
reið og er ökumaður hennar svo og
vitni beðin að hafa samband við
slysarannsóknadeild lögreglunnar.
Sextugs
afmæli
ÞÓRHALLUR Halldórsson,
Hlíðargerði 4, Rvík, er sextugur í
dag 21. október. Þórhallur starfar
nú sem verkstjóri hjá Reykja-
víkurborg. — Hann var áður
sveitarstjóri Suðureyrarhrepps í
Súgandafirði.
Nýr reykháfur —
engin peningalykt
Akranesi — 20. október.
NÝLEGA var 45 metra hár
reykháfur tekinn í notkun við
Síldar- og fiskimjölsverksmiðju
Akraness hf. Reykháfurinn er
smíaður úr stáli en einangraður
með glerull. kla'ddur gulu plasti
og er allur hinn vandaðasti.
Reykháfurinn er það hár að
hann lyftir reyk og suðugufu yfir
bæinn í flestum veðrum, og þegar
allar leiðslur hafa verið tengdar
Leiðrétting
INN í greinina „Kóngar jazzins
skáka í horn“ (s)læddust nokkrar
„blue notes“ prentvillupúkans.
Slíkt skerpir lesaugað um leið og
það gefur íniyndunaraflinu lausari
tauminn. Ein málsgrein féll þó
alveg í burtu svo að vont var að
fóta sig í lesmálinu. Rétt er hún
svona:
King Louis Armstrong varð
menningarambassador Bandaríkj-
anna í hinum besta skilningi.
Hugljúf er ein sagan af meistaran-
um, þó sönn sé. — Það var í
belgísku Congó rétt eftir sjálf-
við hann verður enga „peninga-
lykt“ að finna lengur í bænum.
Tilkoma reykháfsins er mikil
bót frá því ástandi sem var og
ríkir ánægja meðal Akurnesinga
með þessa framkvæmd stjórnar
SFA. Ekki er búizt við að meng-
unarsérfræðingar í Reykjavík
muni heldur finna óþægilega lykt
en þeir hafa haldið því fram að
þessi framkvæmd sé ófullnægj-
andi..— Júlíus.
stæðið, allt logaði í óeirðum og
stjórnleysi, ránum og rupli, bar-
smíðum og nauðgunum. Mættur á
staðnum var King Louis Arm-
strong and his band til að halda
uppá frelsið og hressa mannskap-
inn með þrumu útikonsert. —
Frítt fyrir alla, bræður og systur
— oh, je, je. Með göldrum þeim,
sem þessi listgrein hefur svo
ótvírætt yfir að ráða þegar hún er
túlkuð á hinu hæsta plani, tókst
Satchmo að halda yfir hundrað
þúsund sannkölluðum ólátabelgj-
um (væglega orðað — ekki satt)
hugföngnum í á fjórðu klukku-
stund — en þá hafði sniliingurinn
og félagar hans blásið út — og
I
:
Nýi reykháfurinn á fiskmjöis-
verksmiðjunni.
heimamenn voru nú náttúrlega
margfalt fróðari um frelsið en
nokkurn tíma síðustu hundrað
árin undir Belgum.
Með þökk og sveiflúkveðju.
Gunnar Reynir.
Sinfóníutónleikar
UM ÞESSAR mundir er stödd á
Akureyri Sinfóníuhljómsveit
Menntaskólans í Kildegárd í Kaup-
mannahöfn. Gistir hún Menntaskól-
ann og mun halda þar tónleika
fyrir nemendur.
Mun hljómsveitin halda tónleika í
Akureyrarkirkju í dag, 21. október,
kl. 17. Auk jazz, léttrar tónlistar og
búlgarsks þjóðlags, eru á efnis-
skránni verk eftir Bruckner,
Lange-Muller og Lars Erik Larsen.
Feilnótur og utanísláttur
Frá Júgóslavíu
Ruggustólar
Pinnastólar og borö 4 gerðir
Mjög hagstaett verö
HÚSGAGNASÝNING
Höfum opnaö húsgagnasýningu f 1000
ferm. verzlunarhúsnæöi okkar aö Smiöju-
vegi 6 Kópavogi dagana 20. okt. til 29.
okt.
Opiö
verður: Föstudaga kl. 9—7
Laugardaga kl. 9—7
Sunnudaga kl. 2—7
Aöra daga kl. 9—6 og
8—10
Sýndar veröa ýmsar nýjungar
í innlendum og erlendum húsgögnum
Verið ávallt velkomin!